ವಾಷಿಂಗ್ಟನ್: ‘ಹಾರುವ ತಟ್ಟೆಗಳು’ ಎಂದೇ ಜನಜನಿತವಾಗಿರುವ ಅಪರಿಚಿತ ಹಾರುವ ವಸ್ತುಗಳ (ಯುಎಫ್ಒ) ನಿಗಾ ಮತ್ತು ಈ ಕುರಿತ ತನಿಖೆಗೆ ಅಮೆರಿಕದ ರಕ್ಷಣಾ ಇಲಾಖೆ ಪೆಂಟಗನ್, ನೌಕಾ ಪಡೆಯ ಸುಪರ್ದಿಯಲ್ಲಿ ಹೊಸ ಕಾರ್ಯ ಪಡೆಯನ್ನು ರಚಿಸಿದೆ. ಯುಎಫ್ಒಗಳು ಚೀನಾದ ಪತ್ತೇದಾರಿಕೆ ಕಾಯಗಳಿರಬಹುದೆಂಬ ಅನುಮಾನ ಅಮೆರಿಕವನ್ನು ಕಾಡುತ್ತಿದೆ.
ಯುಎಪಿಟಿಎಫ್ ಹೆಸರಿನ ಈ ಕಾರ್ಯ ಪಡೆ, ಹಾರುವ ತಟ್ಟೆಗಳ ಕುರಿತ ಅರಿವನ್ನು ಸುಧಾರಿಸಲು ಮತ್ತು ಅವುಗಳ ಮೂಲ ತಿಳಿದುಕೊಳ್ಳಲು ನೆರವಾಗಲಿದೆ ಎಂದು ಪೆಂಟಗನ್ ವಕ್ತಾರೆ ಸುಸಾನ್ ಗೌಫ್ ಶುಕ್ರವಾರ ತಿಳಿಸಿದ್ದಾರೆ.
ಇದನ್ನೂ ಓದಿ: ಹಿಂದು ಉತ್ತರಾಧಿಕಾರ ಕಾಯ್ದೆ ಪೂರ್ವಾನ್ವಯವಾಗುತ್ತೆ; ಆಸ್ತಿಯಲ್ಲಿ ಹೆಣ್ಣುಮಕ್ಕಳಿಗೂ ಸಮಾನ ಅಧಿಕಾರ; ಸುಪ್ರೀಂ ಕೋರ್ಟ್ ತೀರ್ಪು
ಸಣ್ಣ ಪರಕೀಯ ಹಸಿರು ದಾಳಿಕೋರರಿಗಿಂತ ‘ಅಪರಿಚಿತ ವೈಮಾನಿಕ ವಿದ್ಯಮಾನ’ದ ಕುರಿತೇ (ಯುಎಪಿ) ಅಮೆರಿಕದ ಮಿಲಿಟರಿಗೆ ನಿಜವಾಗಿಯೂ ಕಳವಳಕಾರಿಯಾಗಿದೆ. ಅಮೆರಿಕದ ವೈಮಾನಿಕ ವಲಯದಲ್ಲಿ ಅಕ್ರಮವಾಗಿ ಕಂಡು ಬರುವ ಯಾವುದೇ ಕಾಯಗಳನ್ನು ಪೆಂಟಗನ್ ಗಂಭೀರವಾಗಿ ಪರಿಗಣಿಸುತ್ತದೆ ಎಂದಿದ್ದಾರೆ.