ಮುಂಬೈ: ರಾಷ್ಟ್ರದ ವಾಣಿಜ್ಯ ರಾಜಧಾನಿಯಲ್ಲಿ ಅತ್ಯಧಿಕ ಕರೊನಾ ಪ್ರಕರಣಗಳು ವರದಿಯಾಗುತ್ತಿವೆ. ಹೀಗಿರುವಾಗ ಅಲ್ಲಿ ರಿಯಲ್ ಎಸ್ಟೇಟ್ ಉದ್ಯಮ ಪೂರಾ ನೆಲಕಚ್ಚಿದ್ದು, ಫ್ಲ್ಯಾಟ್ಗಳ ಬೆಲೆ ಕಡಿಮೆಯಾಗಿದೆ ಎಂದು ಭಾವಿಸಿದ್ದರೆ ಅದು ತಪ್ಪು. ಏಕೆಂದರೆ, ಈ ಕೈಗಾರಿಕೋದ್ಯಮಿ 100 ಕೋಟಿ ರೂ. ಪಾವತಿಸಿ ಎರಡು ಐಷಾರಾಮಿ ಫ್ಲ್ಯಾಟ್ಗಳನ್ನು ಖರೀದಿಸಿದ್ದಾರೆ.
ಯಾರು ಆ ಕೈಗಾರಿಕೋದ್ಯಮಿ? ಇವರು ಬಜಾಜ್ ಕಂಪನಿಯ ಮಾಲೀಕ ರಾಹುಲ್ ಬಜಾಜ್ ಅವರ ಸಹೋದರ ಸಂಬಂಧಿ. ಹೆಸರು ಅನುರಾಗ್ ಜೈನ್. ಇವರು ಎಂಡ್ಯೂರೆನ್ಸ್ ಟೆಕ್ನಾಲಜೀಸ್ ಎಂಬ ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕರಾಗಿದ್ದಾರೆ. ಇವರು ಕೂಡ ದ್ಚಿಚಕ್ತ ಮತ್ತು ತ್ರಿಚಕ್ರ ಅಲ್ಲದೆ ಕಾರುಗಳ ಬಿಡಿಭಾಗಗಳನ್ನು ತಯಾರಿಸಿ, ಮಾರಾಟ ಮಾಡುತ್ತಾರೆ. ಭಾರತದಲ್ಲಿ ದ್ವಿಚಕ್ರ ಮತ್ತು ತ್ರಿಚಕ್ರವಾಹನಗಳ ಬಿಡಿಭಾಗಗಳನ್ನು ತಯಾರಿಸಿ ಮಾರಾಟ ಮಾಡುವ ಇವರು, ಯುರೋಪ್ನಲ್ಲಿ ಕಾರುಗಳ ಬಿಡಿಭಾಗಗಳನ್ನು ತಯಾರಿಸಿ ಮಾರಾಟ ಮಾಡುತ್ತಾರೆ.
ಮುಂಬೈನ ಪ್ರತಿಷ್ಠಿತ ಬಡಾವಣೆಗಳ ಪೈಕಿ ಒಂದೆನಿಸಿರುವ ಕಾರ್ಮಿಕೈಲ್ ರಸ್ತೆಯಲ್ಲಿರುವ ಎರಡು ಐಷಾರಾಮಿ ಫ್ಲ್ಯಾಟ್ಗಳನ್ನು 100 ಕೋಟಿ ರೂಪಾಯಿಗೆ ಖರೀದಿಸಿದ್ದಾರೆ. ಅಂದರೆ ಚದರಡಿಗೆ 1.57 ಲಕ್ಷ ರೂ. ಪಾವತಿಸಿದ್ದಾರೆ. ಇವುಗಳ ನೋಂದಣಿಗಾಗಿ ಅವರು ಪಾವತಿಸಿರುವ ಸ್ಟ್ಯಾಂಪ್ ಡ್ಯೂಟಿ 5 ಕೋಟಿ ರೂಪಾಯಿ ಆಗಿದೆ. ಈ ವಹಿವಾಟು 2020ನೇ ಸಾಲಿನಲ್ಲಿ ಮುಂಬೈನಲ್ಲಿ ನಡೆದಿರುವ ಭಾರಿ ಮೊತ್ತದ ರಿಯಲ್ ಎಸ್ಟೇಟ್ ವಹಿವಾಟು ಎನಿಸಿಕೊಂಡಿದೆ.
ಇದನ್ನೂ ಓದಿ: ಇದೊಂದು ಷಡ್ಯಂತ್ರ: ಡ್ರೋನ್ ಪ್ರತಾಪ್, ಕೆರೆ ಕಾಮೇಗೌಡರ ಬೆಂಬಲಕ್ಕೆ ನಿಂತವರ‍್ಯಾರು?
ಏನೇನು ಇದೆ ಫ್ಲ್ಯಾಟ್ನಲ್ಲಿ?: ಎರಡೂ ಫ್ಲ್ಯಾಟ್ಗಳು ಸೇರಿ ಒಟ್ಟು 6,371 ಚದರಡಿಯಷ್ಟು ವಿಶಾಲವಾದ ಐಷಾರಾಮಿ ಮನೆಗಳು ಸಿಗಲಿವೆ. ಒಟ್ಟು 8 ಕಾರುಗಳ ಪಾರ್ಕಿಂಗ್ ಸೌಲಭ್ಯ ದೊರೆಯಲಿದೆ.
ಮೂಲಬೆಲೆ 46.43 ಕೋಟಿ ರೂ.: ಈ ಎರಡು ಫ್ಲ್ಯಾಟ್ಗಳ ಮೂಲ ಬೆಲೆ 46.43 ಕೋಟಿ ರೂಪಾಯಿ ಆಗಿತ್ತು. ಆದರೆ, ಅನುರಾಗ್ ಅವರು ಅಂದಾಜು 4 ಕೋಟಿ ರೂ.ನಂತೆ ಒಟ್ಟು 8 ಕೋಟಿ ರೂ. ಹೆಚ್ಚುವರಿಯಾಗಿ ಪಾವತಿಸಿ ಈ ಫ್ಲ್ಯಾಟ್ಗಳನ್ನು ತಮ್ಮದಾಗಿಸಿಕೊಂಡಿದ್ದಾರೆ.
ಮತ್ತೊಬ್ಬ ಕೈಗಾರಿಕೋದ್ಯಮಿ ಪ್ರತೀಕ್ ಅಗರ್ವಾಲ್ ಎಂಬುವರು ಸಮುದ್ರ ಮಹಲ್ನಲ್ಲಿ ಚದರಡಿಗೆ 1.12 ಲಕ್ಷ ರೂ.ನಂತೆ ಪಾವತಿಸಿ ಫ್ಲ್ಯಾಟ್ ಖರೀದಿಸಿದ್ದರು. ಅನುರಾಗ್ ಅವರ ಈ ಖರೀದಿಗೂ ಮುನ್ನ ಇದುವೇ ಮುಂಬೈನ ಅತ್ಯಂತ ದುಬಾರಿ ರಿಯಲ್ ಎಸ್ಟೇಟ್ ವಹಿವಾಟು ಎನಿಸಿಕೊಂಡಿತ್ತು.
ಈ ಬಾರ್ನಲ್ಲಿ ಎಣ್ಣೆಗಾಗಿ ಮುಗಿಬಿದ್ದರೆ ಜೀವಕ್ಕೇ ಅಪಾಯ; ಇದು ಮಾಲೀಕನ ಡೆಡ್ಲಿ ಐಡಿಯಾ