ವಿಶ್ವದಾದ್ಯಂತ ಕರೊನಾ ಮಹಾಮಾರಿ ಹಬ್ಬುತ್ತಿದೆ. ಕರೊನಾದಿಂದ ಪಾರಾಗಲು ಸಾಮಾಜಿಕ ಅಂತರ ಕಾಪಾಡಿಕೊಳ್ಳುವುದು, ಮಾಸ್ಕ್ ಧರಿಸುವುದೇ ಮಾರ್ಗ ಎಂದು ಆರೋಗ್ಯ ತಜ್ಞರು ಹೇಳಿದ್ದಾರೆ.
ಹಾಗಾಗಿ ಅಂಗಡಿಗಳಲ್ಲೆಲ್ಲ ಮಾಲೀಕರು ಒಂದು ಹಗ್ಗ ಕಟ್ಟಿಡುವುದು ಸಾಮಾನ್ಯವಾಗಿದೆ. ಅಂಗಡಿಗಳ ಎದುರು ಒಂದು ಹಗ್ಗ ಕಟ್ಟಿ ಬೇಲಿ ನಿರ್ಮಿಸಿಡುತ್ತಾರೆ. ಗ್ರಾಹಕರು ಆ ಹಗ್ಗವನ್ನು ದಾಟುವಂತಿಲ್ಲ. ದೂರದಲ್ಲಿಯೇ ನಿಂತು ಅಗತ್ಯ ವಸ್ತುಗಳನ್ನು ಖರೀದಿಸಬೇಕು. ಬಹುತೇಕ ಅಂಗಡಿಗಳಲ್ಲಿ ಈ ನಿಯಮ ಪಾಲನೆಯಾಗುತ್ತಿದೆ. ಆದರೆ ಬಾರ್, ಪಬ್ಗಳಲ್ಲಿ ಕಷ್ಟ. ಎಣ್ಣೆಗಾಗಿ ಮುಗಿಬೀಳುವವರೇ ಜಾಸ್ತಿ. ಹಾಗಾಗಿ ಇಲ್ಲೋರ್ವ ಪಬ್ ಮಾಲೀಕ ಮಹಾನ್ ಖತರ್ನಾಕ್ ಐಡಿಯಾ ಕಂಡುಕೊಂಡಿದ್ದಾರೆ. ಪಬ್ಗೆ ಬಂದವರು ಯಾವ ಕಾರಣಕ್ಕೂ ಇವರು ಹಾಕಿದ ರೇಖೆ ದಾಟಲು ಸಾಧ್ಯವೇ ಇಲ್ಲ ಅಷ್ಟರ ಮಟ್ಟಿಗೆ ಹೆದರಿಸಿಟ್ಟಿದ್ದಾರೆ.
ಲಂಡನ್ನ ಈ ಪಬ್ ಗ್ರಾಹಕರಿಂದ ಸಾಮಾಜಿಕ ಅಂತರ ಕಾಪಾಡಿಕೊಳ್ಳಲು ಕಂಡುಕೊಂಡ ಮಾರ್ಗ ನಿಜಕ್ಕೂ ಶಾಕ್ ಹೊಡೆಸುತ್ತದೆ. ಯಾಕೆಂದರೆ ಮಾಲೀಕ ತಾನು ನಿಲ್ಲುವ ಸ್ಥಳ ಮತ್ತು ಗ್ರಾಹಕರು ನಿಲ್ಲಬೇಕಾದ ಸ್ಥಳದ ಮಧ್ಯೆ ವಿದ್ಯುತ್ ವೈರ್ ಕಟ್ಟಿಟ್ಟಿದ್ದಾರೆ…!
ಕಾರ್ನ್ವಾಲ್ನಲ್ಲಿರುವ ಸ್ಟಾರ್ ಇನ್ ಎಂಬ ಪಬ್ ಮಾಲೀಕ ಜಾನಿ ಮ್ಯಾಕ್ಫ್ಯಾಡನ್ ಅವರು ಕರೊನಾ ಬಾರದಂತೆ ಮುನ್ನೆಚ್ಚರಿಕೆ ವಹಿಸಲು ಕಂಡುಕೊಂಡ ಮಾರ್ಗ ಇದು. ಬಾರ್ಕೌಂಟರ್ ಬಳಿ ವಿದ್ಯುತ್ ಹರಿಯುವ ವೈರ್ ಬೇಲಿ ಹಾಕಿದ್ದಲ್ಲದೆ, ಎಚ್ಚರಿಕೆ…ಇದು ವಿದ್ಯುತ್ ಪ್ರವಹಿಸುತ್ತಿರುವ ಬೇಲಿ ಎಂದು ದೊಡ್ಡದಾಗಿ ಬರೆಸಿದ ಬೋರ್ಡ್ನ್ನೂ ತೂಗಿ ಹಾಕಿದ್ದಾರೆ. ತಾವು ಮತ್ತು ತಮ್ಮ ಪಬ್ನಲ್ಲಿ ಕೆಲಸ ಮಾಡುವ ಉದ್ಯೋಗಿಗಳ ಸುರಕ್ಷತೆ ದೃಷ್ಟಿಯಿಂದ ಈ ನಿರ್ಧಾರ ಕೈಗೊಂಡಿದ್ದಾಗಿ ಸ್ಥಳೀಯ ಮಾಧ್ಯಮಕ್ಕೆ ತಿಳಿಸಿದ್ದಾರೆ. ಇದನ್ನೂ ಓದಿ: ಗಂಡನಿಗೆ ಡಿವೋರ್ಸ್ ನೀಡಿ ಮಗನನ್ನೇ ವರಿಸಿದ ಮಹಿಳೆ: ಆಕೆಯ ಉತ್ತರ ಕೇಳಿದ್ರೆ ಶಾಕ್ ಆಗ್ತೀರಾ!
ನಾನು ಈ ಮೊದಲು ಸಾದಾ ಹಗ್ಗವನ್ನು ಕಟ್ಟಿ ಬೇಲಿ ಹಾಕಿದ್ದೆ. ಆದರೆ ಇಲ್ಲಿಗೆ ಬರುವ ಜನರು ಅದನ್ನೂ ಮೀರಿ ಮುಗಿಬೀಳುತ್ತಿದ್ದರು. ಸಾಮಾಜಿಕ ಅಂತರ ನಿಯಮ ಪಾಲನೆ ಕಷ್ಟವಾಗುತ್ತಿತ್ತು. ನಂತರ ವಿಧಿಯಿಲ್ಲದೆ ಈ ಐಡಿಯಾ ಮಾಡಬೇಕಾಯಿತು. ಹಾಗಂತ ಇದರಲ್ಲೇನೂ ವಿದ್ಯುತ್ ಹರಿಯುತ್ತಿರುವುದಿಲ್ಲ. ಸ್ವಿಚ್ ಆಫ್ ಆಗಿಯೇ ಇರುತ್ತದೆ. ಆದರೆ ಕೆಲವೊಮ್ಮೆ ತುಂಬ ಜನ ಬಂದಾಗ ಅನಿವಾರ್ಯವಾಗಿ ಸ್ವಿಚ್ ಆನ್ ಮಾಡುತ್ತೇವೆ. ಗ್ರಾಹಕರು ಹೆದರಿಕೆಯಿಂದ ಹತ್ತಿರ ಬರುವುದಿಲ್ಲ ಎಂದು ಜಾನಿ ತಿಳಿಸಿದ್ದಾರೆ.
ಯುಕೆಯಲ್ಲಿ ಲಾಕ್ಡೌನ್ ನಿರ್ಬಂಧಗಳನ್ನು ತೆರವುಗೊಳಿಸಲಾಗಿದ್ದು, ಹೊಸ ಮಾರ್ಗಸೂಚಿಗಳೊಂದಿಗೆ ಪಬ್, ಬಾರ್ಗಳನ್ನೆಲ್ಲ ತೆರೆಯಲಾಗುತ್ತಿದೆ. ಮಾಲೀಕರು ಸಂಪೂರ್ಣ ಸುರಕ್ಷತಾ ಕ್ರಮ ಅನುಸರಿಸುತ್ತಿದ್ದಾರೆ. (ಏಜೆನ್ಸೀಸ್)
ರಿಲಯನ್ಸ್ನ ಜಿಯೋ ಫ್ಲಾಟ್ಫಾರಂನಲ್ಲಿ ಗೂಗಲ್ನಿಂದ 33,838.15 ಕೋಟಿ ರೂ. ಹೂಡಿಕೆ