ದೆಹಲಿ: ಮಧ್ಯಮ ವರ್ಗದ ಗ್ರಾಹಕರನ್ನು ಗಮನದಲ್ಲಿಟ್ಟುಕೊಂಡು ಹಲವಾರು ಫೋನ್ಗಳನ್ನು ಬಿಡುಗಡೆ ಮಾಡಿರುವ ಪ್ರಸಿದ್ಧ ಒನ್ಪ್ಲಸ್ ಕಂಪನಿಯು ತನ್ನ ನೂತನ ಸ್ಮಾರ್ಟ್ಫೋನ್ ಒನ್ಪ್ಲಸ್ ನಾರ್ಡ್-3ನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ.
ಇದನ್ನೂ ಓದಿ: ವಿನಾಕಾರಣ ಜಗಳದಿಂದ ವಿಷ ಸೇವಿಸಿದ ದಂಪತಿ; ಪತ್ನಿ ಸಾವು, ಪತಿ ಚೇತರಿಕೆ
ಗ್ರಾಹಕರಿಗೆ ಒನ್ಪ್ಲಸ್ ನಾರ್ಡ್-3 ಕಪ್ಪು ಮತ್ತು ತಿಳಿ ಹಸಿರು ಎಂಬ ಎರಡು ಬಣ್ಣಗಳಲ್ಲಿ ಲಭ್ಯವಿದ್ದು, 8GB RAM+128GB ಮತ್ತು 16GB RAM+256GB ಸಂಗ್ರಹಣಾ ಸಾಮರ್ಥ್ಯ ಹೊಂದಿರುವ ಎರಡು ರೂಪಾಂತರಗಳಲ್ಲಿ ದೊರೆಯಲಿದೆ. ಇದು 6.74 ಇಂಚಿನ ಸೂಪರ್ ಫೂಯಿಡ್ ಅಮೋಲ್ಡ್ ಡಿಸ್ಪ್ಲೇಯನ್ನು ಹೊಂದಿದೆ.
ಈ ರ್ಟ್ಫೋನ್, ಮೀಡಿಯಾ ಟೆಕ್ ಡೈಮೆನ್ಸಿಟಿ 9000 Soc ಪ್ರೋಸೆಸರ್ ಬೆಂಬಲದ ಜತೆಗೆ ಆಕ್ಸಿಜೆನ್ 13.1 ಆಂಡ್ರಾಯ್ಡ್ ಆಪರೇಟಿಂಗ್ ಸಿಸ್ಟಂ ಬೆಂಬಲ ಹೊಂದಿದ್ದು, ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ. 80W ಸೂಪರ್ವೂಕ್ ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ ಬರುವ ಈ ಸ್ಮಾರ್ಟ್ಫೋನ್ 5000mAh ಬ್ಯಾಟರಿ ಮತ್ತು USB ಟೈಪ್-ಸಿ ಚಾರ್ಜಿಂಗ್ ಬೆಂಬಲ ಹೊಂದಿದೆ.
ಇದನ್ನೂ ಓದಿ: ವಿಶ್ವಕಪ್ ಬೆನ್ನಲ್ಲೇ ನಿವೃತ್ತಿ ಘೋಷಿಸಿ ಬಾಂಗ್ಲಾದೇಶ ತಂಡಕ್ಕೆ ಆಘಾತ ಮೂಡಿಸಿದ ತಮಿಮ್ ಇಕ್ಬಾಲ್
ಒನ್ಪ್ಲಸ್ ನಾರ್ಡ್-3 ಹಿಂಬದಿಯಲ್ಲಿ ಮೂರು ಕ್ಯಾಮರಾಗಳನ್ನುಹೊಂದಿದ್ದು, ಪ್ರಾಥಮಿಕ ಕ್ಯಾಮರಾ 50 ಮೆಗಾಪಿಕ್ಸೆಲ್ ಜತೆಗೆ ಸೋನಿ IMX890 ಸಂವೇದಕವನ್ನು ಒಳಗೊಂಡಿದೆ. ಇನ್ನೊಂದು ಕ್ಯಾಮರಾ 8 ಮೆಗಾಪಿಕ್ಸೆಲ್ ಸೋನಿ IMX355 ವೈಡ್ ಆಂಗಲ್ ಮತ್ತು 2 ಮೆಗಾಪಿಕ್ಸೆಲ್ ಮ್ಯಾಕ್ರೋ ಕ್ಯಾಮೆರಾವನ್ನು ಹೊಂದಿದೆ. ಮುಂಭಾಗದಲ್ಲಿ, ಸೆಲ್ಫಿಗಾಗಿ ಮತ್ತು ವೀಡಿಯೊ ಕರೆಗಳಿಗಾಗಿ 16-ಮೆಗಾಪಿಕ್ಸೆಲ್ ಕ್ಯಾಮೆರಾ ಇದೆ.
ಒನ್ಪ್ಲಸ್ ನಾರ್ಡ್-3 ಇನ್-ಡಿಸ್ಸೇ ಫಿಂಗರ್‌ಪ್ರಿಂಟ್‌ ಸಂವೇದಕದ ಜತೆಗೆ, ಡಾಲ್ಟಿ ಅಟ್ರ್ಯಾಸ್‌ನೊಂದಿಗೆ ಸ್ಟೀರಿಯೋ ಸ್ಪೀಕರ್‌ಗಳನ್ನು ಹೊಂದಿದ್ದು, ಇದರ ಆಡಿಯೋ ಕೇಳಲು ಉತ್ತಮವಾಗಿದೆ. ಈ ಮೊಬೈಲ್ನ ಅಂದಾಜು ಬೆಲೆ ರೂ 34,999 ಮತ್ತು 37,999 ರೂ. ಆಗಿರಲಿದೆ.(ಏಜೆನ್ಸೀಸ್)