ಚಿಕ್ಕಬಳ್ಳಾಪುರ: ಗೆಳೆಯರ ನಡುವೆ ಏನೇನೋ ಆಸೆಗಳಿರುತ್ತವೆ. ಒಬ್ಬನ ಆಸೆಯನ್ನು ಇನ್ನೊಬ್ಬ ತೀರಿಸುವುದು, ತೀರಿಸಲು ಪ್ರಯತ್ನಿಸುವುದು ಸರ್ವೇಸಾಮಾನ್ಯ. ಹೀಗೆ ಗೆಳೆಯನೊಬ್ಬನ ಆಸೆಯನ್ನು ಮತ್ತೊಬ್ಬ ತೀರಿಸಲು ಹೋಗಿ ತಾನೇ ತೀರಿಹೋಗಿದ್ದಾನೆ.
ಚಿಕ್ಕಬಳ್ಳಾಪುರ ಜಿಲ್ಲೆ ಕಂದವಾರ ನಿವಾಸಿಗಳಾದ ಬಾಬು ಹಾಗೂ ಶಾಂತಾರಾಮ್ ಎಂಬಿಬ್ಬರು ಗೆಳೆಯರ ಪೈಕಿ ಶಾಂತಾರಾಮ್ ಪ್ರಾಣ ಕಳೆದುಕೊಂಡಿದ್ದಾನೆ. ಮದ್ಯಪಾನ ಮಾಡಿ ಮತ್ತೇರಿದ್ದ ಇಬ್ಬರೂ ಇಂದು ಕಂದವಾರ ಕೆರೆ ಏರಿ ಬಳಿ ವಾಕಿಂಗ್ ಮಾಡುತ್ತಿದ್ದರು.
ಇದನ್ನೂ ಓದಿ: ನಗರದಲ್ಲಿ ಮತ್ತೊಂದು ಕೋ-ಆಪರೇಟಿವ್ ಸೊಸೈಟಿಯಿಂದ ವಂಚನೆ; ಸಂಸ್ಥೆಯ ಉದ್ಯೋಗಿ ಅಡವಿಟ್ಟ ಚಿನ್ನವನ್ನೂ ಕೊಡದೆ ಮೋಸಗೈದ ಸಂಸ್ಥೆ
ವಾಕ್ ಮಾಡುತ್ತಿದ್ದ ಸಂದರ್ಭದಲ್ಲಿ ಕೆರೆಯಲ್ಲಿ ಮೀನುಗಳು ಓಡಾಡುತ್ತಿರುವುದನ್ನು ಗಮನಿಸಿದ ಅವುಗಳನ್ನು ತಿನ್ನುವ ಆಸೆ ವ್ಯಕ್ತಪಡಿಸಿದ್ದಾನೆ. ಅದಕ್ಕೇನು, ಹೋಗಿ ತರುತ್ತೇನೆ ಎಂದು ಅಮಲಿನಲ್ಲಿ ನೀರಿಗಳಿದ ಶಾಂತಾರಾಮ್ ನೀರಲ್ಲಿ ಮುಳುಗಿ ಹೋಗಿದ್ದಾನೆ.
ಇದನ್ನೂ ಓದಿ: ಪತಿಯನ್ನು ಬಿಟ್ಟು ಹೊರಟಿದ್ದ ಪತ್ನಿಯನ್ನು ಮತ್ತೆ ಮನೆಗೆ ಸೇರಿಸಿದ ಚಾರ್ಜರ್; ಮನೆ ಬಿಡುವಂತೆ ಮಾಡಿದ್ದು ಗಂಡನ ಫೋನಲ್ಲಿದ್ದ ಆ ಆಟ!
ಸ್ನೇಹಿತ ನೀರಿನಲ್ಲಿ ಮುಳುಗುತ್ತಿರುವುದನ್ನು ಗಮನಿಸಿದ ಬಾಬು, ರಕ್ಷಣೆಗಾಗಿ ಕೂಗಿ ಕೊಂಡಿದ್ದಾನೆ. ಆಗ ಹತ್ತಿರದಲ್ಲಿದ್ದ ಮೀನುಗಾರರು ಧಾವಿಸಿ ರಕ್ಷಣೆ ಮಾಡುವಷ್ಟರಲ್ಲಿ ಶಾಂತಾರಾಮ್ ನೀರಿನಲ್ಲಿ ಮುಳುಗಿ ಮೃತಪಟ್ಟಿದ್ದಾನೆ. ಬಳಿಕ ಸ್ಥಳೀಯರು ನೀರಿನಿಂದ ಶವ ಹೊರತೆಗೆದಿದ್ದಾರೆ.
ಆಟ ಆಡುತ್ತಲೇ ಪ್ರಾಣ ಕಳೆದುಕೊಂಡ ಬಾಲಕ; ಮನೆಯಲ್ಲಿ ಯಾರೂ ಇಲ್ಲದ ವೇಳೆ ಆಡಿದ್ದೇ ಮುಳುವಾಯ್ತೇ?