ಬೆಂಗಳೂರು: ಐಪಿಎಲ್ ಮೊದಲ ಆವೃತ್ತಿಯಿಂದಲೂ ಆರ್ಸಿಬಿ ತಂಡ ಪ್ರಶಸ್ತಿ ಹೋರಾಟದಲ್ಲಿದೆ. ಆದರೆ ಇದುವರೆಗೆ ಒಮ್ಮೆಯೂ ಪ್ರಶಸ್ತಿ ಜಯಿಸಲು ಸಾಧ್ಯವಾಗಿಲ್ಲ. 3 ಬಾರಿ ಫೈನಲ್ಗೇರಿದ್ದರೂ, ಆರ್ಸಿಬಿ ತಂಡ ರನ್ನರ್ಅಪ್ ಸ್ಥಾನಕ್ಕೆ ತೃಪ್ತಿಪಟ್ಟಿದೆ. ಈ ನಡುವೆಯೂ ಅಭಿಮಾನಿಗಳಿಂದ ‘ಈ ಸಲ ಕಪ್ ನಮ್ದೇ’ ಎಂಬ ಘೋಷವಾಕ್ಯ ಮೊಳಗುತ್ತಲೇ ಇದೆ. ಇದರಿಂದ ಈ ಬಾರಿಯಾದರೂ ಅರಬರ ನೆಲದಲ್ಲಿ ಆರ್ಸಿಬಿ ತಂಡ ಐಪಿಎಲ್ ಟ್ರೋಫಿ ಗೆಲ್ಲಬಹುದೆಂಬ ನಿರೀಕ್ಷೆ ಮೂಡಿದೆ. ಹಾಗಾದರೆ ಈ ಬಾರಿ ಆರ್ಸಿಬಿ ತಂಡ ಪ್ರಶಸ್ತಿ ಜಯಿಸದಿದ್ದರೆ ವಿರಾಟ್ ಕೊಹ್ಲಿ ನಾಯಕತ್ವ ಕಳೆದುಕೊಳ್ಳುವರೇ ಎಂಬ ಪ್ರಶ್ನೆಗೆ ಫ್ರಾಂಚೈಸಿಯಿಂದ ನಕಾರಾತ್ಮಕ ಉತ್ತರ ಬಂದಿದೆ.
ಪ್ರಶಸ್ತಿ ಗೆಲುವಿನ ಬಗ್ಗೆ ನಾಯಕ ವಿರಾಟ್ ಕೊಹ್ಲಿ ಅವರ ಮೇಲೆ ಒತ್ತಡ ಹೇರುವುದಿಲ್ಲ ಎಂದು ಆರ್ಸಿಬಿ ತಂಡದ ಚೇರ್ಮನ್ ಸಂಜೀವ್ ಚುರಿವಾಲಾ ತಿಳಿಸಿದ್ದಾರೆ. ‘ವಿರಾಟ್ ಕೊಹ್ಲಿ ಭಾರತ ತಂಡದ ನಾಯಕರೂ ಆಗಿದ್ದಾರೆ. ಅವರು ಅಪಾರವಾದ ಅಭಿಮಾನಿಗಳು-ಹಿಂಬಾಲಕರನ್ನು ಹೊಂದಿದ್ದಾರೆ. ನಾವೆಲ್ಲರೂ ವಿರಾಟ್ ಕೊಹ್ಲಿ ಅವರನ್ನು ಪ್ರೀತಿಸುತ್ತೇವೆ. ವಿರಾಟ್ ಜತೆಗೆ ಕೆಲಸ ಮಾಡುವುದನ್ನು ಆನಂದಿಸುತ್ತೇವೆ’ ಎಂದು ಚುರಿವಾಲಾ ಅವರು ತಿಳಿಸಿದ್ದಾರೆ. ವಿರಾಟ್ ಕೊಹ್ಲಿ ಕಳೆದ 7 ವರ್ಷಗಳಿಂದ ಆರ್ಸಿಬಿ ತಂಡದ ನಾಯಕರಾಗಿದ್ದಾರೆ. ನಾಯಕರಾಗಿ ಒಮ್ಮೆಯೂ ಐಸಿಸಿ ಟ್ರೋಫಿ ಗೆಲ್ಲದಿರುವಂತೆ ಐಪಿಎಲ್ ಟ್ರೋಫಿಯ ಕೊರತೆ ಕೂಡ ಅವರನ್ನು ಕಾಡುತ್ತಿದೆ.
‘ಟಿ20 ಕ್ರಿಕೆಟ್ ಆಟವೇ ಇರುವುದು ಹಾಗೆ. ಕೆಲವೊಮ್ಮೆ ಗೆಲ್ಲುತ್ತೇವೆ. ಮತ್ತೆ ಕೆಲವೊಮ್ಮೆ ಸೋಲುತ್ತೇವೆ. ಆದರೆ ಎಂದೂ ವಿಷಾದಿಸುವುದಿಲ್ಲ. ವಿರಾಟ್ ಕೊಹ್ಲಿ ಎಂಥ ವ್ಯಕ್ತಿ ಮತ್ತು ಅವರ ದಾಖಲೆಗಳೇನು ಎಂಬುದನ್ನು ಮರೆಯಬಾರದು’ ಎಂದು ಚುರಿವಾಲಾ ತಿಳಿಸಿದ್ದಾರೆ. ವಿರಾಟ್ ಕೊಹ್ಲಿ ಬದಲಿಗೆ ಬೇರೆಯವರನ್ನು ನಾಯಕರಾಗಿ ನೇಮಿಸುವ ಬಗ್ಗೆ ಎಂದು ಕೂಡ ಆಲೋಚಿಸಿಲ್ಲ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.
ಇದನ್ನೂ ಓದಿ: 113 ಎಸೆತಗಳಲ್ಲಿ 316 ರನ್ ಸಿಡಿಸಿದರೂ ಟೀಕೆ ಎದುರಿಸಿದ ಇಂಗ್ಲೆಂಡ್ ಕ್ಲಬ್ ಕ್ರಿಕೆಟಿಗ!
ಇಂಗ್ಲೆಂಡ್, ಆಸೀಸ್ ಕ್ರಿಕೆಟಿಗರಿಗೆ ಕ್ವಾರಂಟೈನ್ ಇಲ್ಲ
ಐಪಿಎಲ್ ಟೂನಿರ್ಯಲ್ಲಿ ಆಡಲು ಇಂಗ್ಲೆಂಡ್ ಮತ್ತು ಆಸ್ಟ್ರೆಲಿಯಾ ಆಟಗಾರರು 6 ದಿನಗಳ ಕ್ವಾರಂಟೈನ್ಗೆ ಒಳಪಡುವ ಅಗತ್ಯ ಇಲ್ಲ. ಇಂಗ್ಲೆಂಡ್ನಲ್ಲಿ ಜೈವಿಕ-ಸುರಕ್ಷಾ ವಾತಾವರಣದಲ್ಲಿಯೇ ಆಡಿ ಅವರು ಬರುವುದರಿಂದ ಅವರಿಗೆ ಯುಎಇಯಲ್ಲಿ ಕ್ವಾರಂಟೈನ್ ಇರುವುದಿಲ್ಲ ಎಂದು ಆರ್ಸಿಬಿ ಚೇರ್ಮನ್ ಸಂಜೀವ್ ಚುರಿವಾಲಾ ಗುರುವಾರ ತಿಳಿಸಿದ್ದಾರೆ. ಇದರಿಂದ ಇಂಗ್ಲೆಂಡ್-ಆಸೀಸ್ ಆಟಗಾರರು ಟೂನಿರ್ಯ ಮೊದಲ ಪಂದ್ಯದಿಂದಲೇ ಎಲ್ಲ ತಂಡಗಳಿಗೆ ಲಭ್ಯರಾಗಲಿದ್ದಾರೆ. ಇಂಗ್ಲೆಂಡ್-ಆಸೀಸ್ ಸೀಮಿತ ಓವರ್ ಸರಣಿ ಸೆಪ್ಟೆಂಬರ್ 4ರಿಂದ 16ರವರೆಗೆ ನಡೆಯಲಿದೆ. ಬಳಿಕ ಉಭಯ ತಂಡಗಳ ಆಟಗಅರರು ಸೆಪ್ಟೆಂಬರ್ 17ರಂದು ಬಾಡಿಗೆ ವಿಮಾನದ ಮೂಲಕ ಯುಎಇಗೆ ಆಗಮಿಸಲಿದ್ದಾರೆ. ಆರ್ಸಿಬಿ ತಂಡ ಆಸೀಸ್ ನಾಯಕ ಆರನ್ ಫಿಂಚ್ ಮತ್ತು ಇಂಗ್ಲೆಂಡ್ ಆಲ್ರೌಂಡರ್ ಮೊಯಿನ್ ಅಲಿ ಅವರನ್ನೊಳಗೊಂಡಿದೆ.
ಆರ್ಸಿಬಿ ತಂಡಕ್ಕೆ ದುಬೈ ಹೋಟೆಲ್ನಲ್ಲಿ 155 ಕೋಣೆಗಳು ಬುಕ್, ಆರೋಗ್ಯ-ಸುರಕ್ಷತೆಗೆ ಅಗ್ರ ಆದ್ಯತೆ