ಬೆಂಗಳೂರು: ಭಾನುವಾರ (ಮಾರ್ಚ್ 17) ರಾಷ್ಟ್ರ ರಾಜಧಾನಿ ದೆಹಲಿಯ ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ನಡೆದ ವುಮೆನ್ಸ್ ಪ್ರೀಮಿಯರ್ ಲೀಗ್ (WPL) ಎರಡನೇ ಆವೃತ್ತಿಯ ಫೈನಲ್ ಪಂದ್ಯದಲ್ಲಿ ಸ್ಮೃತಿ ಮಂದಾನ ಕ್ಯಾಪ್ಟನ್ಸಿಯ ಆರ್ಸಿಬಿ ತಂಡ ಭರ್ಜರಿ ಜಯ ದಾಖಲಿಸುವ ಮೂಲಕ ಚೊಚ್ಚಲ ಪ್ರಶಸ್ತಿ ಮುಡಿಗೇರಿಸಿಕೊಂಡಿತು. ಈ ಗೆಲವು ವುಮೆನ್ಸ್ ಪ್ರೀಮಿಯರ್ ಲೀಗ್ನಲ್ಲಿ ಹೊಸ ಇತಿಹಾಸ ಬರೆಯುವುದರ ಜತೆಗೆ ಆರ್ಸಿಬಿ ಅಭಿಮಾನಿಗಳಲ್ಲಿ ಹೊಸ ಚೈತನ್ಯ ತಂದಿದೆ.
ಇದನ್ನೂ ಓದಿ: ಮಳೆಗಾಗಿ ಲಾಳನಕೆರೆ ಗ್ರಾಮ ದೇವತೆಗೆ ನವ ಚಂಡಿಕಾ ಹೋಮ
ಇನ್ನು ಇದರ ಬೆನ್ನಲ್ಲೇ ಭಾರೀ ಸಂತಸದಲ್ಲಿರುವ ಆರ್ಸಿಬಿ ಅಭಿಮಾನಿಗಳು ಇದು ನಮಗೆ ಅತ್ಯಂತ ಖುಷಿಯ ಸಂದರ್ಭ ಎಂದು ವ್ಯಕ್ತಪಡಿಸಿದ್ದಾರೆ. ಐಪಿಎಲ್ನಲ್ಲಿ ಪುರುಷರ ತಂಡವು ಇಲ್ಲಿಯವರೆಗೆ ಒಂದು ಬಾರಿಯೂ ಕಪ್ ಗೆದ್ದಿರಲಿಲ್ಲ. ಇದರಿಂದ ಫ್ಯಾನ್ಸ್ ಭಾರೀ ನಿರಾಸೆಯಲ್ಲಿದ್ದರು. ಆದರೆ, ಇದೀಗ ಮಹಿಳಾ ಮಣಿಯರು ಟ್ರೋಫಿ ಗೆದ್ದಿದ್ದು, ಆರ್ಸಿಬಿಗೆ ಅಭಿಮಾನಿ ಬಳಗಕ್ಕೆ ಆನೆಬಲ ಬಂದಂತಾಗಿದೆ.
ನಾಳೆಯಿಂದ ಐಪಿಎಲ್ 2024ರ ಆವೃತ್ತಿಗೆ ಚೆನ್ನೈನ ಚೆಪಾಕ್ ಸ್ಟೇಡಿಯಂನಲ್ಲಿ ಅದ್ದೂರಿ ಚಾಲನೆ ಸಿಗಲಿದ್ದು, ಕಿಕ್ಸ್ಟಾರ್ಟ್ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ನಾಯಕತ್ವದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ನೂತನವಾಗಿ ಕ್ಯಾಪ್ಟನ್ ಪಟ್ಟ ಅಲಂಕರಿಸಿರುವ ರುತುರಾಜ್ ಗಾಯಕ್ವಾಡ್ ಕ್ಯಾಪ್ಟನ್ಸಿಯ ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳು ಮುಖಾಮುಖಿಯಾಗಲಿವೆ. ಈ ಪಂದ್ಯ ಬಹಳ ರೋಚಕವಾಗುವುದರಲ್ಲಿ ಅನುಮಾನವೇ ಇಲ್ಲ.
ಇದನ್ನೂ ಓದಿ: “ನಾನು ಹಾಗೆ ಹೇಳಿಲ್ಲ..”: ‘ಬಿಗ್ ಬಾಸ್’ ವಿಚಾರವಾಗಿ ಯು-ಟರ್ನ್ ಹೊಡೆದ ಕಿರುತೆರೆ ನಟ!
ಮೊದಲ ಪಂದ್ಯದ ಬೆನ್ನಲ್ಲೇ ಆರ್ಸಿಬಿ ಹೊಸ ಜೆರ್ಸಿ ಸದ್ಯ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದ್ದು, ಅಭಿಮಾನಿಗಳು ಕೂಡ ಬಹಳ ಉತ್ಸಾಹ ವ್ಯಕ್ತಪಡಿಸಿದ್ದಾರೆ. ಹೊಸ ಬಣ್ಣದ ಜತೆಗೆ ಹೊಸ ದಾಖಲೆ ಬೇಕಾಗಿದೆ. ನಮ್ಮ ನೆಚ್ಚಿನ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಈ ಬಾರಿ ಕಪ್ ಎತ್ತಲೇಬೇಕು. ಆರ್ಸಿಬಿ ಮಹಿಳೆಯರ ತಂಡ ಹೇಗೆ ಡಬ್ಲ್ಯೂಪಿಎಲ್ ಟ್ರೋಫಿ ಗೆದ್ದು ದಾಖಲೆ ನಿರ್ಮಿಸಿತೋ, ಅದೇ ರೀತಿ ಇದೇ ವರ್ಷವೇ ವಿರಾಟ್ ನಾಯಕತ್ವದಲ್ಲಿ ಆರ್ಸಿಬಿ ಗೆಲ್ಲಲೇಬೇಕು. ಆಗ ಮೂಡುವ ಸಂಭ್ರಮ ಮತ್ತಷ್ಟು ಜೋರಿರಲಿದೆ ಎಂಬ ಅಭಿಪ್ರಾಯಗಳು ಹರಿದುಬಂದಿವೆ.
ಈಗಾಗಲೇ ಸೃತಿ ಮಂದಾನ ಹೇಳಿದಂತೆ ಈ ಸಲ ಕಪ್ ನಮ್ದೇ ಅಲ್ಲ ನಮ್ದು. ಈ ಸಲ ಕಪ್ ನಮ್ದು ಎಂಬ ಅಭಿಮಾನಿಗಳ 16 ವರ್ಷಗಳ ಕನಸನ್ನು ಈ ವರ್ಷವಾದರೂ ಆರ್ಸಿಬಿ ಪುರಷರ ತಂಡ ನನಸು ಮಾಡಲಿದೆಯಾ ಎಂಬುದನ್ನು ಸದ್ಯ ಕಾದು ನೋಡಬೇಕಿದೆ,(ಏಜೆನ್ಸೀಸ್).
ಶ್ರೀಲೀಲಾ ಜತೆ ನಟಿಸಲು ಸ್ಟಾರ್ ನಟರಿಗೆ ಚಿಂತೆ! ಇದು ಮುಂದುವರಿದ್ರೆ ‘ಕಿಸ್’ ಬೆಡಗಿಗೆ ಸಂಕಷ್ಟ
ಕೂದಲು ಸೊಂಪಾಗಿ, ದಟ್ಟವಾಗಿ ಬೆಳೆಯಬೇಕಾ? ಹಾಗಾದ್ರೆ ಇದನ್ನು ಟ್ರೈ ಮಾಡುವುದೇ ಬೆಸ್ಟ್