ನವದೆಹಲಿ : ಜಗತ್ತಿನ ಅತಿ ಖಾರವಾದ ಮೆಣಸಿನಕಾಯಿ ಎನ್ನಲಾಗುವ ನಾಗಾಲೆಂಡಿನ ಭೂತ್ ಜೊಲೊಕಿಯ ಅಥವಾ ರಾಜಾ ಮಿರ್ಚಾಗಳನ್ನು ಪ್ರಥಮ ಬಾರಿಗೆ ಇಂಗ್ಲೆಂಡಿಗೆ ರಫ್ತು ಮಾಡಲಾಗುತ್ತಿದೆ. ಭಾರತದ ಪೂರ್ವೋತ್ತರ ಭಾಗದ ಭೌಗೋಳಿಕ ಸಂಕೇತ (ಜಿಐ) ಉತ್ಪನ್ನಗಳ ರಫ್ತು ಹೆಚ್ಚಿಸುವ ಪ್ರಯತ್ನದಲ್ಲಿ, 250 ಕೆಜಿ ಮೆಣಸಿನಕಾಯಿಗಳನ್ನು ಕಳುಹಿಸಲಾಗಿದೆ ಎಂದು ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯ ಹೇಳಿದೆ.
ನಾಗಾಲೆಂಡಿನ ಪೆರೆನ್ ಜಿಲ್ಲೆಯ ಟೆನಿಂಗ್ನಲ್ಲಿ ಬೆಳೆಯಲಾದ ಈ ಮೆಣಸಿನಕಾಯಿಗಳನ್ನು ಅಸ್ಸಾಂನ ಗೌಹಾಟಿ ಮಾರ್ಗವಾಗಿ ಬುಧವಾರ ಲಂಡನ್ಗೆ ಕಳುಹಿಸಲಾಯಿತು. ಕೃಷಿ ಮತ್ತು ಪರಿಷ್ಕರಿಸಲ್ಪಟ್ಟ ಉತ್ಪನ್ನಗಳ ರಫ್ತು ಅಭಿವೃದ್ಧಿ ಪ್ರಾಧಿಕಾರವು(APEDA) 500 ಕೆಜಿ ವೀಳ್ಯದೆಲೆಗಳ ರಫ್ತಿನ ಕನ್ಸೈನ್ಮೆಂಟ್ ಜೊತೆಗೆ ಸ್ಯಾಂಪಲ್ ಶಿಪ್ಮೆಂಟಾಗಿ 250 ಕೆಜಿ ಭೂತ್ ಜೊಲೊಕಿಯ ಮೆಣಸಿನಕಾಯಿಗಳನ್ನು ಪ್ಯಾಕ್ ಮಾಡಿ ಕಳುಹಿಸಿದೆ ಎನ್ನಲಾಗಿದೆ.
ಇದನ್ನೂ ಓದಿ: ರಾಜಭವನದಲ್ಲಿ ಹಣ್ಣಿನ ತೋಟ! ಗಿಡ ನೆಟ್ಟು ನೀರೆರೆದ ರಾಜ್ಯಪಾಲ ಗೆಹ್ಲೋತ್
ಸ್ಕಾವಿಲ್ಲೆ ಹೀಟ್ ಯುನಿಟ್ಸ್(ಎಸ್ಎಚ್ಯು) ಮೌಲ್ಯದ ಆಧಾರದ ಮೇಲೆ ಭೂತ್ ಜೊಲೊಕಿಯ ಮೆಣಸಿನಕಾಯಿಗಳನ್ನು ಜಗತ್ತಿನ ಅತ್ಯಂತ ಖಾರದ ಮೆಣಸಿನಕಾಯಿ ಎಂದು ಗುರುತಿಸಲಾಗಿದೆ. ಕಿಂಗ್ ಚಿಲ್ಲಿ ಅಥವಾ ಘೋಸ್ಟ್ ಪೆಪ್ಪರ್ ಎಂಬ ಹೆಸರಿನಿಂದಲೂ ಈ ಮೆಣಸಿಕಾಯಿಗಳನ್ನು ಕರೆಯಲಾಗುತ್ತದೆ. (ಏಜೆನ್ಸೀಸ್)
VIDEO | ಖಾರದ ಮೆಣಸಿನಕಾಯಿ ತಿನ್ನುವುದೇ ಇವನ ಧರ್ಮ!
ಒಲಿಂಪಿಕ್ಸ್: ಕ್ವಾರ್ಟರ್ ಫೈನಲ್ಸ್ ತಲುಪಿದ ಸಿಂಧು, ಸತೀಶ್ ಕುಮಾರ್; ಅರ್ಜೆಂಟಿನಾ ವಿರುದ್ಧ ಭಾರತದ ಹಾಕಿ ತಂಡಕ್ಕೆ ಜಯ
VIDEO | ಕೊಲೆ ಶಂಕೆ ಮೂಡಿಸಿರುವ ನ್ಯಾಯಾಧೀಶರ ‘ಅಪಘಾತ’ದ ದೃಶ್ಯ!