ನವದೆಹಲಿ: ಮರಳಿನ ಮೇಲೆ ಬಿದ್ದಿರುವ 15 ಅಡಿ ಉದ್ದದ ನಿಗೂಢ ಜೀವಿಯನ್ನು ನೋಡಿ ಸ್ಥಳೀಯರು ಬೆಚ್ಚಿಬಿದ್ದ ಘಟನೆ ಬ್ರಿಟೀಷ್ ಬೀಚ್ನಲ್ಲಿ ನಡೆದಿದೆ. ಇಂಗ್ಲೆಂಡ್ನ ಐನ್ಸ್ಡೇಲ್ ಬೀಚ್ನಲ್ಲಿ ಜುಲೈ 29ರಂದು ನಿಗೂಢ ಜೀವಿಯ ಕಳೇಬರಹ ಕೊಳೆತ ಸ್ಥಿತಿಯಲ್ಲಿ ಪತ್ತೆಯಾಗಿತ್ತು.
ಮೃತ ಜೀವಿಯು ನಾಲ್ಕು ಫ್ಲಿಪ್ಪರ್ಸ್(ತೊಳೆಗಾಲು)ಗಳನ್ನು ಹೊಂದಿದ್ದಲ್ಲದೆ, ನೋಡಲು ವಿಲಕ್ಷಣವಾಗಿತ್ತು. ಸುಮಾರು 15 ಅಡಿ ಉದ್ದ, ಮೈತುಂಬಾ ರೋಮಗಳನ್ನು ಹೊಂದಿದ್ದಲ್ಲದೆ, ತುಂಬಾ ದುರ್ನಾಥ ಬೀರುತ್ತಿತ್ತು. ಬಹುಶಃ ಮರಿಗೆ ಜನ್ಮ ನೀಡಿ ಸಾವಿಗೀಡಾಗಿರುವ ಸ್ಥಿತಿಯಲ್ಲಿತ್ತು ಎಂದು ಸ್ಥಳೀಯರು ತಿಳಿಸಿದ್ದಾರೆ.
ಇದನ್ನೂ ಓದಿ: ಫೆಬ್ರವರಿಯಲ್ಲಿ ಸುಶಾಂತ್ ಕುಟುಂಬದಿಂದ ಯಾವುದೇ ದೂರು ದಾಖಲಾಗಿಲ್ಲ; ಮುಂಬೈ ಪೊಲೀಸ್
ನಿಗೂಢ ಜೀವಿಯ ಫೋಟೋವನ್ನು ಐನ್ಸ್ಡೇಲ್ ಕಮ್ಯುನಿಟಿ ಗ್ರೂಪ್ ಫೇಸ್ಬುಕ್ ಫೇಜ್ನಲ್ಲಿ ಅಪ್ಲೋಡ್ ಮಾಡಿಕೊಂಡಿದ್ದು, ಸಿಕ್ಕಾಪಟ್ಟೆ ವೈರಲ್ ಆಗಿದೆ. 500 ಕ್ಕೂ ಹೆಚ್ಚು ಕಾಮೆಂಟ್ಸ್ ಹರಿದುಬಂದಿದೆ. ಅನೇಕ ನೆಟ್ಟಿಗರು ಜೀವಿ ಯಾವುದು ಎಂದು ಪತ್ತೆಹಚ್ಚಲು ಪ್ರಯತ್ನವನ್ನು ಮಾಡುತ್ತಿದ್ದಾರೆ.
Can anyone guess what this is on Ainsdale Beach. Elephant?Whale?Monster?Bizarrley it has/had 4 flippers. Most odd….
Posted by Ainsdale on Wednesday, July 29, 2020
ಕೆಲವರು ಇದೊಂದು ಉಣ್ಣೆಯ ಮಹಾಗಜ ಎಂದು ಪ್ರಶ್ನಿಸಿದರೆ, ಅದಕ್ಕೆ ಪ್ರತಿಕ್ರಿಯಿಸಿರುವ ನೆಟ್ಟಿಗರು ಹೌದು, ನೋಡಲು ಅದೇ ರೀತಿ ಇದೆ ಎಂದಿದ್ದಾರೆ. ಬಹುಶಃ ತಿಮಿಂಗಿಲ ಹಸುವನ್ನು ತಿಂದಿರಬಹುದು ಎಂದು ಜೋಕ್ಸ್ ಮಾಡಿದ್ದಾರೆ. ಅದು ಬಹುಶಃ ಕುದುರೆ, ಗೂಳಿ ಅಥವಾ ಹಸು ಆಗಿರಬಹುದು ಎಂದು ಕೆಲ ನೆಟ್ಟಿಗರು ಹೇಳಿದ್ದಾರೆ. ಹೀಗೆ ತಮಗೆ ತೋಚಿದಂತೆ ನಿಗೂಢ ಜೀವಿಯನ್ನು ಹೆಸರಿಸಲು ಯತ್ನಿಸಿದ್ದಾರೆ.
ಇದನ್ನೂ ಓದಿ: ಅಮೆರಿಕದಲ್ಲಿ ಹತ್ಯೆಗೀಡಾದ ಭಾರತ ಮೂಲದ ಸಂಶೋಧಕಿ; ಜಾಗಿಂಗ್ಗೆ ಹೋದಾಗ ಕೊಲೆ
ಈ ಕ್ಷಣದವರೆಗೂ ಆ ಜೀವಿ ಯಾವುದು ಎಂಬುದನ್ನು ಪತ್ತೆಹಚ್ಚಲು ಸಾಧ್ಯವಾಗಿಲ್ಲ. ಅಲ್ಲದೆ, ತುಂಬಾ ಕೊಳೆತಿರುವ ಸ್ಥಿತಿಯಲ್ಲಿ ಪತ್ತೆಯಾಗಿರುವುದರಿಂದ ಗುರುತಿಸುವುದು ಕಷ್ಟಕರ ಎಂದಿದ್ದಾರೆ. ಆದರೂ ಪ್ರಯತ್ನ ನಡೆಯುತ್ತಿದೆ. ಅದರೊಂದಿಗೆ ಕಳೇಬರವನ್ನು ಬೀಚ್ನಿಂದ ತೆಗೆದು ಹೂಳಲಾಗಿ ಎಂದಿದ್ದಾರೆ. ಆದರೆ, ಫೋಟೋ ಮಾತ್ರ ಇನ್ನು ವೈರಲ್ ಆಗಿದೆ. (ಏಜೆನ್ಸೀಸ್)
ರಾಮಜನ್ಮಭೂಮಿಯಲ್ಲಿ ಭೂಮಿಪೂಜೆ: ರಾವಣ ದೇಗುಲದ ಅರ್ಚಕರಲ್ಲಿ ಸಂಭ್ರಮ, ಲಡ್ಡು ವಿತರಣೆಗೆ ಸಿದ್ಧತೆ