ಕೋಯಿಕ್ಕೋಡ್: ಸಂಚಾರ ನಿಯಮ ಉಲ್ಲಂಘನೆ ಪ್ರಕರಣಗಳನ್ನು ತಡೆಯಲು ಸಂಚಾರಿ ಪೊಲೀಸರು ಇದೀಗ ತಂತ್ರಜ್ಞಾನದ ಮೊರೆ ಹೋಗಿರುವುದು ನಿಮಗೆಲ್ಲ ಗೊತ್ತೇ ಇದೆ. ಮೊದಲೆಲ್ಲ ಟ್ರಾಫಿಕ್ ಪೊಲೀಸರ ಕಣ್ತಪ್ಪಿಸಿ, ಅವರಿಲ್ಲದಿರುವ ಏರಿಯಾ ನೋಡಿಕೊಂಡು ವಾಹನ ಸವಾರರು ಓಡಾಡುತ್ತಿದ್ದರು. ಆದರೆ, ಈಗ ಪೊಲೀಸರ ಕಣ್ಣಿನಿಂದ ತಪ್ಪಿಸಿಕೊಂಡರೂ ಮೂರನೇ ಕಣ್ಣಿನಿಂದ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ.
ಆ ಮೂರನೇ ಕಣ್ಣು ಯಾವುದು ಅಂದರೆ ಆರ್ಟಿಫಿಶಿಯಲ್ ಇಂಟಿಲಿಜೆಂಟ್ ಕ್ಯಾಮೆರಾ. ಯಾರಿಂದಲೂ ಬೇಕಾದರೂ ಎಸ್ಕೇಪ್ ಆಗಬಹುದು ಆದರೆ, ಈ ಎಐ ಕ್ಯಾಮೆರಾದಿಂದ ಎಸ್ಕೇಪ್ ಆಗಲು ಸಾಧ್ಯಾನೇ ಇಲ್ಲ. ಪ್ರಮುಖ ನಗರಗಳ ಟ್ರಾಫಿಕ್ ಸಿಗ್ನಲ್ಗಳಲ್ಲಿ ಇದೀಗ ಎಐ ಆಧರಿತ ಕ್ಯಾಮೆರಾಗಳನ್ನು ಅಳವಡಿಸಲಾಗಿದ್ದು, ಯಾರೇ ಆಗಿರಲಿ ಟ್ರಾಫಿಕ್ ರೂಲ್ಸ್ ಬ್ರೇಕ್ ಮಾಡಿದರೆ ಈ ಕ್ಯಾಮೆರಾ ಕಣ್ಣಿಗೆ ಸಿಕ್ಕಿಬೀಳಲೇಬೇಕು. ಕ್ಯಾಮೆರಾ ತಾನೇ ಅದೇನು ವರ್ಕ್ ಆಗುತ್ತಾ ಅಂತಾ ಅಪ್ಪಿತಪ್ಪಿ ಪರೀಕ್ಷೆ ಮಾಡಲು ಹೋಗಬೇಡಿ. ಒಂದು ವೇಳೆ ಪರೀಕ್ಷೆ ಮಾಡಿದರೆ ಏನು ಆಗುತ್ತದೆ ಎಂಬುದಕ್ಕೆ ಕೇರಳದಲ್ಲಿ ನಡೆದ ಈ ಒಂದು ಘಟನೆ ತಾಜಾ ಉದಾಹರಣೆಯಾಗಿದೆ.
ಕ್ಯಾಮೆರಾ ವರ್ಕ್ ಆಗುತ್ತಾ ಅಂತ ಪರೀಕ್ಷೆ ಮಾಡಲು ಬೈಕ್ನಲ್ಲಿ ಸಾಹಸ ಪ್ರದರ್ಶಿಸಿಸುವ ಮೂಲಕ ಸಂಚಾರಿ ನಿಯಮ ಉಲ್ಲಂಘನೆ ಮಾಡಿದ ಸವಾರರಿಬ್ಬರ ಲೈಸೆನ್ಸ್ ಅನ್ನು ಆರ್ಟಿಒ ರದ್ದುಗೊಳಿಸಿದೆ. ಈ ಘಟನೆ ಕೇರಳದ ವಡಕರದಲ್ಲಿ ನಡೆದಿದೆ.
ಚಾಲಾದ್‌ನ ಮತ್ತೋರ್ವ ವ್ಯಕ್ತಿ ವಾಹನ ಮುಂಭಾಗದ ನೊಂದಣಿ ಸಂಖ್ಯೆಯನ್ನು ಒಂದು ಕೈನಲ್ಲಿ ಮರೆ ಮಾಚಿಕೊಂಡು ಒಂದೇ ಬೈಕ್ನಲ್ಲಿ ಮೂವರು ಮಂದಿ ಪ್ರಯಾಣ ಮಾಡುತ್ತಿದ್ದರು. ಇದು ಕೂಡ ಎಐ ಕ್ಯಾಮೆರಾ ಕಣ್ಣಿಗೆ ಸಿಕ್ಕಿಬಿದ್ದಿದ್ದಾರೆ. ಇದೀ ಎಲ್ಲರ ಡ್ರೈವಿಂಗ್ ಲೈಸೆನ್ಸ್ ಅನ್ನು ರದ್ದು ಮಾಡಲಾಗಿದೆ. ಹೀಗಾಗಿ ಎಐ ಕ್ಯಾಮೆರಾವನ್ನು ಯಾವುದೇ ಕಾರಣಕ್ಕೂ ಪರೀಕ್ಷೆ ಮಾಡಬಾರದು ಎನ್ನುವುದಕ್ಕೆ ಈ ಘಟನೆ ತಾಜಾ ಉದಾಹರಣೆಯಾಗಿದೆ. ಇಲ್ಲವಾದಲ್ಲಿ ನಿಮ್ಮ ಜೇಬಿಗೆ ಕತ್ತರಿ ಬೀಳುವುದರ ಜತೆಗೆ ಲೈಸೆನ್ಸ್ ಕೂಡ ರದ್ದಾಗುತ್ತದೆ.
ಇನ್ನೂ ‘ಸುರಕ್ಷಿತ ಕೇರಳ’ ಯೋಜನೆಯ ಭಾಗವಾಗಿ ರಾಜ್ಯದಾದ್ಯಂತ ಸರಿಸುಮಾರು 700ಕ್ಕೂ ಅಧಿಕ AI ಕ್ಯಾಮೆರಾಗಳನ್ನು ಅಳವಡಿಸಲಾಗಿದೆ. ಈ ಕ್ಯಾಮೆರಾಗಳು ಪ್ರಾಥಮಿಕವಾಗಿ ಟ್ರಾಫಿಕ್ ನಿಯಮ ಉಲ್ಲಂಘನೆಗಳಾದ ಹೆಲ್ಮೆಟ್ ಇಲ್ಲದೆ ದ್ವಿಚಕ್ರ ವಾಹನ ಸವಾರಿ, ಸೀಟ್ ಬೆಲ್ಟ್ ಧರಿಸದೆ ಇರುವುದು, ವೇಗದ ಮಿತಿಯನ್ನು ಮೀರುವುದು, ಚಾಲನೆ ಮಾಡುವಾಗ ಮೊಬೈಲ್ ಫೋನ್ ಬಳಸುವುದು ಮತ್ತು ಸಿಗ್ನಲ್ ಜಂಪ್ ಮಾಡುವುದು ಸೇರಿದಂತೆ ಮುಂತಾದ ಸಂಚಾರ ಅಪರಾಧಗಳನ್ನು ಪತ್ತೆ ಹಚ್ಚಲಿದೆ. (ಏಜೆನ್ಸೀಸ್).
ಕಾರಿನೊಳಗೆ ಇರಲೇ ಇಲ್ಲ ಮಹಿಳೆ ಆದ್ರೂ AI ಕ್ಯಾಮೆರಾದಲ್ಲಿ ಸೆರೆ! ಹಾಗಾದ್ರೆ ಯಾರು ಆಕೆ? ಏನಿದು ನಿಗೂಢ?