ಮುಂಬೈ: ರಶ್ಮಿಕಾ ಮಂದಣ್ಣ ಅಭಿನಯದ ಮೊದಲ ಬಾಲಿವುಡ್ ಚಿತ್ರ ‘ಗುಡ್ಬೈ’ ಎರಡು ತಿಂಗಳ ಹಿಂದಷ್ಟೇ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿತ್ತು. ಈಗ ಎರಡನೆಯ ಚಿತ್ರ ‘ಮಿಷನ್ ಮಜ್ನು’ ಬಿಡುಗಡೆಗೆ ಸಜ್ಜಾಗಿದೆ. ಆದರೆ, ಈ ಚಿತ್ರ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುತ್ತಿಲ್ಲ.
ಇದನ್ನೂ ಓದಿ: ಗೋಲ್ಡನ್ ಗ್ಲೋಬ್ ಪ್ರಶಸ್ತಿಗಳ ಎರಡು ವಿಭಾಗಗಳಿಗೆ ‘RRR’ ನಾಮನಿರ್ದೇಶನ
ಹೌದು, ಸಿದ್ಧಾರ್ಥ್ ಮಲ್ಹೋತ್ರಾ ಮತ್ತು ರಶ್ಮಿಕಾ ಮಂದಣ್ಣ ಅಭಿನಯದ ‘ಮಿಷನ್ ಮಜ್ನು’ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುತ್ತಿಲ್ಲ. ಬದಲಿಗೆ, ನೇರವಾಗಿ ಓಟಿಟಿಯಲ್ಲಿ ಬಿಡುಗಡೆಯಾಗುತ್ತಿದೆ. ಈ ಚಿತ್ರದ ಡಿಜಿಟಲ್ ಹಕ್ಕುಗಳನ್ನು ನೆಟ್ಫ್ಲಿಕ್ಸ್ನವರು ಖರೀದಿಸಿದ್ದು, ಜ.20ಕ್ಕೆ ಚಿತ್ರವನ್ನು ಸ್ಟ್ರೀಮ್ ಮಾಡಲಿದೆ. ರಶ್ಮಿಕಾ ಅಭಿನಯದ ಚಿತ್ರವೊಂದು ಬಿಡುಗಡೆಯಾಗುತ್ತಿರುವುದು ಅವರ ಅಭಿಮಾನಿಗಳಲ್ಲಿ ಖುಷಿಯಾಗಿದೆಯಾದರೂ, ಓಟಿಟಿಯಲ್ಲಿ ಸ್ಟ್ರೀಮ್ ಆಗುತ್ತಿರುವುದು ಬಹಳ ಬೇಸರ ತರಿಸಿದೆ.
ಅದಕ್ಕೆ ಕಾರಣವೂ ಇದೆ. ರಶ್ಮಿಕಾ ಇದುವರೆಗೂ ಹಲವು ಯಶಸ್ಸುಗಳನ್ನು ನೋಡಿದ್ದರೂ, ಬಾಲಿವುಡ್ನಲ್ಲಿ ಒಂದೇ ಒಂದು ಯಶಸ್ಸು ಕಂಡಿಲ್ಲ. ಬಾಲಿವುಡ್ಗೆ ರಶ್ಮಿಕಾ ಕಾಲಿಟ್ಟಾಗಿನಿಂದಲೂ ಒಂದಲ್ಲ ಒಂದು ಸಮಸ್ಯೆಯನ್ನು ಎದುರಿಸುತ್ತಲೇ ಇದ್ದಾರೆ. ಹಾಗೆ ನೋಡಿದರೆ, ರಶ್ಮಿಕಾ ಒಪ್ಪಿದ ಮೊದಲ ಬಾಲಿವುಡ್ ಚಿತ್ರವೆಂದರೆ ಅದು ‘ಮಿಷನ್ ಮಜ್ನು’. ಈ ಚಿತ್ರದ ಚಿತ್ರೀಕರಣ ಮೊದಲು ಮುಗಿದರೂ, ಕಾರಣಾಂತರಗಳಿಂದ ಚಿತ್ರ ತಡವಾಯ್ತು. ಆ ನಂತರ ಪ್ರಾರಂಭವಾದ ‘ಗುಡ್ಬೈ’ ಮೊದಲು ಬಿಡುಗಡೆಯಾಗಿ ಬಾಕ್ಸ್ಆಫೀಸ್ನಲ್ಲಿ ಸೋತಿತು. ಈಗ ಎರಡನೆಯ ಚಿತ್ರವಾಗಿ ಬಿಡುಗಡೆಯಾಗುತ್ತಿರುವ ‘ಮಿಷನ್ ಮಜ್ನು’ ಓಟಿಟಿಯತ್ತ ಸಾಗಿದೆ. ಹಾಗಾಗಿ, ರಶ್ಮಿಕಾ ಅದೆಷ್ಟೇ ಯಶಸ್ಸು ನೋಡಿದ್ದರೂ, ಬಾಲಿವುಡ್ನಲ್ಲಿ ಇನ್ನೂ ಖಾತೆ ತೆರೆಯಬೇಕಿದೆ.
ಇದನ್ನೂ ಓದಿ: ಆಕ್ಟರ್ಗಳ ಅಡ್ಡದಲ್ಲಿ ಕೂತ ರಿಷಭ್ ಶೆಟ್ಟಿ; ಸಿನಿಮಾ ಕುರಿತು ಚರ್ಚೆ
ಇದೀಗ ರಶ್ಮಿಕಾ ತಮ್ಮ ಮೂರನೆಯ ಚಿತ್ರವಾದ ‘ಅನಿಮಲ್’ ಮೇಲೆ ಸಾಕಷ್ಟು ನಿರೀಕ್ಷೆಗಳನ್ನು ಇಟ್ಟುಕೊಂಡಿದ್ದಾರೆ. ಸಂದೀಪ್ ರೆಡ್ಡಿ ವಂಗ ನಿರ್ದೇಶನದ ಈ ಚಿತ್ರದಲ್ಲಿ ರಣಬೀರ್ಗೆ ನಾಯಕಿಯಾಗಿ ರಶ್ಮಿಕಾ ನಟಿಸುತ್ತಿದ್ದಾರೆ.
ನನ್ನ ಸಿನಿಮಾ, ನನ್ನ ಹಾಡು, ಯಾರೂ ಬಳಸುವಂತಿಲ್ಲ … ‘ಸ್ವಾತಿಮುತ್ತಿನ ಮಳೆ ಹನಿಯೇ’ ಟೈಟಲ್ ಕೊಡಲ್ಲ ಎಂದ ಬಾಬು