ಮುಂಬೈ: ರಿಷಭ್ ಶೆಟ್ಟಿ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಟ್ರೆಂಡಿಂಗ್ನಲ್ಲಿದ್ದಾರೆ. ಕಳೆದ ಕೆಲವು ದಿನಗಳಿಂದ ಸಿಕ್ಕಾಪಟ್ಟೆ ಸುದ್ದಿಯಲ್ಲಿದ್ದಾರೆ. ಇತ್ತೀಚೆಗೆ ಮುಂಬೈನಲ್ಲಿ ನಡೆದ ಸಮಾರಂಭವೊಂದರಲ್ಲಿ ರಿಷಭ್, ಬಾಲಿವುಡ್ ನಟ ನವಾಜುದ್ದೀನ್ ಸಿದ್ದೀಖಿ ಜತೆಗೆ ಭಾಗವಹಿಸಿದ್ದಾರೆ. ಆ ನಂತರ ಫಿಲ್ಮಿ ಕಂಪ್ಯಾನಿಯನ್ ಭಾರತೀಯ ಚಿತ್ರರಂಗದ ಹಲವು ದಿಗ್ಗಜರನ್ನು ಮಾತಾಡಿಸಿದ್ದು, ಈ ಪೈಕಿ ಕಮಲ್ ಹಾಸನ್ ಅವರು ಈ ವರ್ಷದ ತಮ್ಮ ನೆಚ್ಚಿನ ಚಿತ್ರ ‘ಕಾಂತಾರ’ ಎಂದು ಹೇಳಿಕೊಂಡಿದ್ದಾರೆ. ಇನ್ನು, ಚಿತ್ರ ನೋಡಿರುವ ಬಾಲಿವುಡ್ ನಟ ಹೃತಿಕ್ ರೋಶನ್, ‘ಕಾಂತಾರ’ ಬಗ್ಗೆ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಹೊಗಳಿದ್ದಾರೆ. ಆ ಚಿತ್ರದಿಂದ ತುಂಬಾ ಕಲಿತಿದ್ದಾಗಿ ಹೇಳಿದ್ದಾರೆ.
ಇದನ್ನೂ ಓದಿ: ಟೈಗರ್ ನಂತರ ಇನ್ನೊಬ್ಬರೊಂದಿಗೆ ಡೇಟಿಂಗ್ ಮಾಡ್ತಿದ್ದಾರಾ ದಿಶಾ ಪಠಾಣಿ?
ಇದೆಲ್ಲದರ ಜತೆಗೆ ರಿಷಭ್ ಶೆಟ್ಟಿ, ಸೋಷಿಯಲ್ ಮೀಡಿಯಾದಲ್ಲಿ ಒಂದು ಫೋಟೋ ಶೇರ್ ಮಾಡಿಕೊಂಡಿದ್ದಾರೆ. ಈ ಫೋಟೋದಲ್ಲಿ ಭಾರತೀಯ ಚಿತ್ರರಂಗದ ಜನಪ್ರಿಯ ನಟ-ನಟಿಯರು ಇದ್ದು, ಅವರೊಂದಿಗೆ ರಿಷಭ್ ವೇದಿಕೆ ಹಂಚಿಕೊಂಡಿದ್ದಾರೆ. ಅಷ್ಟೇ ಅಲ್ಲ, ಕನ್ನಡ ಚಿತ್ರರಂಗ, ‘ಕಾಂತಾರ’ ಮುಂತಾದ ಹಲವು ವಿಷಯಗಳ ಕುರಿತು ಚರ್ಚೆ ಮಾಡಿದ್ದಾರೆ.
ಅಂದಹಾಗೆ, ಈ ಚರ್ಚೆಯನ್ನು ಏರ್ಪಡಿಸಿದ್ದು ಪತ್ರಕರ್ತೆ ಅನುಪಮಾ ಚೋಪ್ರಾ ಅವರ ಫಿಲ್ಮಿ ಕಂಪಾನಿಯನ್ ಸಂಸ್ಥೆ. ಪ್ರತೀ ವರ್ಷದ ಕೊನೆಯಲ್ಲಿ ಹಲವು ಚರ್ಚೆಗಳನ್ನು ಆಯೋಜಿಸುವ ಅನುಪಮಾ, ಈ ಬಾರಿ ‘ಆಕ್ಟರ್ಸ್ ಅಡ್ಡ 2022’ ಎಂಬ ಚರ್ಚೆ ಏರ್ಪಡಿಸಿದ್ದಾರೆ. ಈ ಚರ್ಚೆಯಲ್ಲಿ ಬಾಲಿವುಡ್ ಮತ್ತು ದಕ್ಷಿಣದ ನಟರು ಭಾಗವಹಿಸಿದ್ದಾರೆ.
ಇದನ್ನೂ ಓದಿ: ಅವಿವಾಗೆ ಅಭಿಷೇಕ್ ತೊಡಿಸಿದ ಉಂಗುರದ ಬೆಲೆ ಎಷ್ಟು?
ಈ ಚರ್ಚೆಯಲ್ಲಿ ರಿಷಭ್ ಜತೆಗೆ ಅನಿಲ್ ಕಪೂರ್, ವಿದ್ಯಾ ಬಾಲನ್, ವರುಣ್ ಧವನ್, ಆಯುಷ್ಮಾನ್ ಖುರಾನಾ, ಜಾಹ್ನವಿ ಕಪೂರ್, ರಾಜಕುಮಾರ್ ರಾವ್, ದುಲ್ಕರ್ ಸಲ್ಮಾನ್ ಮುಂತಾದವರು ಭಾಗವಹಿಸಿದ್ದು ವಿಶೇಷ. ಅದಕ್ಕೂ ವಿಶೇಷತೆಯೆಂದರೆ, ಈ ಚರ್ಚೆಯಲ್ಲಿ ದಕ್ಷಿಣ ಭಾರತದಿಂದ ಇಬ್ಬರೇ ಇಬ್ಬರು ಕಲಾವಿದರು ಭಾಗವಹಿಸಿದ್ದು, ಕನ್ನಡದಿಂದ ರಿಷಭ್ ಮತ್ತು ಮಲಯಾಳಂನಿಂದ ದುಲ್ಕರ್ ಇದ್ದರು.
Evening with Amazing People and Amazing Discussion.@FilmCompanion @AnilKapoor @vidya_balan@dulQuer @ayushmannk @RajkummarRao @Varun_dvn@MrVijayVarma #SheebaChadha #JanhviKapoor @anupamachopra pic.twitter.com/wJBOfuiTCD
— Rishab Shetty (@shetty_rishab) December 12, 2022
ಮೆಕ್ಕಾ ಆಯ್ತು; ಈಗ ವೈಷ್ಣೋದೇವಿ ದರ್ಶನ ಪಡೆದ ಶಾರುಖ್ ಖಾನ್