ನ್ಯೂ ಓರ್ಲಿಯನ್ಸ್: 71ನೇ ಆವೃತ್ತಿಯ ವಿಶ್ವ ಸುಂದರಿ ಪಟ್ಟ ಈ ಬಾರಿ ಯುಎಸ್ ಪಾಲಾಗಿದ್ದು ಯುಎಸ್ನ ಆರ್ ಬೊನಿ ಗೇಬ್ರಿಯಲ್ ವಿಶ್ವ ಸುಂದರಿ ಕಿರೀಟ ಮುಡಿಗೇರಿಸಿಕೊಂಡಿದ್ದಾರೆ. ಇಂದು (ಜ.15) ಲೂಸಿಯಾನದ ನ್ಯೂ ಓರ್ಲಿಯನ್ಸ್ನಲ್ಲಿರುವ ನ್ಯೂ ಓರ್ಲಿಯನ್ಸ್ ಮೋರಿಯಲ್ ಕನ್ವೆನ್ಷನ್ ಸೆಂಟರ್ನಲ್ಲಿ ನಡೆದ ವಿಶ್ವಸುಂದರಿ ಕಾರ್ಯಕ್ರಮದಲ್ಲಿ ನಡೆದಿದೆ. ಇದೀಗ ಮಿಸ್ ಯುನಿವರ್ಸ್ ಕಿರೀಟದ ಬೆಲೆ ಬಹಿರಂಗವಾಗಿದ್ದು ಅದು ಬರೋಬ್ಬರಿ 46 ಕೋಟಿ ರೂ. ಬೆಲೆ ಬಾಳುತ್ತದೆ ಎಂದು ಹೇಳಲಾಗುತ್ತಿದೆ.
ಇಂದು (15-03-2023) ನಡೆದ 2022 ರ ಕಿರೀಟವು ಪಿಯರ್ ಹಣ್ಣಿನ ಆಕಾರದ ನೀಲಮಣಿಗಳಿಂದ ಸುತ್ತುವರಿಯಲ್ಪಟ್ಟಿದ್ದು ವಜ್ರಗಳಿಂದ ಆವೃತವಾಗಿದೆ. “ಫೋರ್ಸ್ ಫಾರ್ ಗುಡ್” ಹೆಸರಿನ ಈ ಕಿರೀಟ, 993 ಕಲ್ಲುಗಳಿಂದ ಅಲಂಕೃತವಾಗಿದೆ. ಇದರಲ್ಲಿ 110.83 ಕ್ಯಾರೆಟ್ ಇರುವ ನೀಲಮಣಿ ಮತ್ತು 48.24 ಕ್ಯಾರೆಟ್ ಇರುವ ಬಿಳಿ ವಜ್ರವನ್ನು ಹೊಂದಿದೆ.
ಕಿರೀಟದ ಮೇಲ್ಭಾಗದಲ್ಲಿ 45.14-ಕ್ಯಾರೆಟ್ ರಾಯಲ್ ಬ್ಲೂ ನೀಲಮಣಿ ಇದೆ. ಅದರ ಗಾಢವಾದ ನೀಲಿ ಬಣ್ಣವು ಅವಿರತ ಪ್ರಯತ್ನದ ಮೂಲಕ ಒಳ್ಳೆಯತನವನ್ನು ಕಂಡುಕೊಂಡು ಉಜ್ವಲ ಭವಿಷ್ಯದ ಭರವಸೆಯ ಸಂದೇಶವನ್ನು ನೀಡುತ್ತಿದೆ. (ಏಜೆನ್ಸೀಸ್)\
The official Miss Universe is… USA🇺🇸 pic.twitter.com/mBZvNTJN1m
— Miss Universe (@MissUniverse) January 15, 2023