ಇಸ್ಲಾಮಾಬಾದ್: ಭಾರತದಲ್ಲಿ ಟಿಕ್ಟಾಕ್ ಬ್ಯಾನ್ ಆಗಿದೆ. ಅದೇ ರೀತಿ ಪಕ್ಕದ ಪಾಕಿಸ್ತಾನದಲ್ಲೂ ಟಿಕ್ಟಾಕ್ನ್ನು ಎರಡೆರೆಡು ಬಾರಿ ನಿಷೇಧಿಸಿ ಆಮೇಲೆ ಅನುಮತಿ ನೀಡಲಾಗಿದೆ. ಇದೀಗ ಪಾಕಿಸ್ತಾನ ದೂರಸಂಪರ್ಕ ಪ್ರಾಧಿಕಾರ (ಪಿಟಿಎ) ಹೊಸ ರೀತಿಯಲ್ಲಿ ಟಿಕ್ಟಾಕ್ ಮೇಲೆ ಕಣ್ಣಿಡಲು ಪ್ರಾರಂಭಿಸಿದೆ. ಆ್ಯಪ್ನಲ್ಲಿರುವ ಕಂಟೆಂಟ್ನ್ನೂ ಸೆನ್ಸಾರ್ ಮಾಡಿ, ವೈಯಕ್ತಿಕ ಖಾತೆಗಳಿಗೇ ಕತ್ತರಿ ಹಾಕಲಾಗುತ್ತಿದೆ.
ಇದೀಗ ಪೋರ್ನ್ ಸ್ಟಾರ್ ಮಿಯಾ ಖಲೀಫಾಳ ಟಿಕ್ಟಾಕ್ ಖಾತೆಗೂ ಪಿಟಿಎ ಕತ್ತರಿ ಹಾಕಿದೆ. ಯಾವುದೇ ಅಧಿಕೃತ ಪ್ರಕಟಣೆ ನೀಡದೆಯೇ ಖಾತೆಯನ್ನು ಬ್ಯಾನ್ ಮಾಡಲಾಗಿದೆ. ಯಾವ ಕಾರಣಕ್ಕೆ ಬ್ಯಾನ್ ಮಾಡಿದ್ದೇವೆ ಎನ್ನುವ ವಿಚಾರವನ್ನೂ ಪಿಟಿಎ ತಿಳಿಸಿಲ್ಲ. ಈ ವಿಚಾರವಾಗಿ ಸ್ವತಃ ಮಿಯಾ ಅವರೇ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಆಕ್ರೋಶ ಹೊರಹಾಕಿದ್ದರು. ಮಿಯಾ ಅವರಿಗೆ ಪಾಕ್ನಲ್ಲಿ ಸಾಕಷ್ಟು ಅಭಿಮಾನಿಗಳಿದ್ದು, ಅವರು ಇದೀಗ ತಮ್ಮ ಸರ್ಕಾರದ ಮೇಲೆ ಆಕ್ರೋಶ ಹೊರಹಾಕಲಾರಂಭಿಸಿದ್ದಾರೆ.
ಪಾಕಿಸ್ತಾನಿ ಅಭಿಮಾನಿಗಳ ಬೆಂಬಲಕ್ಕೆ ಮನಸೋತಿರುವ ಮಿಯಾ, ಅವರ ಆಕ್ರೋಶವನ್ನು ಕಡಿಮೆ ಮಾಡುವ ಕೆಲಸವನ್ನೂ ಮಾಡಿದ್ದಾರೆ. ಟಿಕ್ಟಾಕ್ ಇಲ್ಲವೆಂದು ಬೇಸರ ಬೇಡ, ನಾನು ಇನ್ನು ಮುಂದೆ ನನ್ನ ಟಿಕ್ಟಾಕ್ ವಿಡಿಯೋಗಳನ್ನು ಟ್ವಿಟ್ಟರ್ನಲ್ಲೂ ಹಾಕುತ್ತೇನೆ. ಇಲ್ಲೇ ನನ್ನ ವಿಡಿಯೋ ನೋಡಿ ಎಂದು ಆಕೆ ಪಾಕ್ ಅಭಿಮಾನಿಗಳಿಗೆ ತಿಳಿಸಿದ್ದಾಳೆ. (ಏಜೆನ್ಸೀಸ್)
ಫ್ಲೈಟ್ನಲ್ಲೇ ಶುರುವಾಯ್ತು ಗಂಡ ಹೆಂಡತಿಯ ರೊಮ್ಯಾನ್ಸ್! ಬ್ಲಾಂಕೆಟ್ ಹಾಕಿ ಸುಮ್ಮನಾದ ಸಿಬ್ಬಂದಿ
ಅತ್ತೆಯ ಕುಪ್ಪಸದಿಂದ ಅವಳದ್ದೇ ಕತ್ತು ಹಿಸುಕಿದ ಸೊಸೆ! ಪೊದೆಯಲ್ಲಿ ಅಡಗಿತ್ತು ಮಗ ಸೊಸೆಯ ರಹಸ್ಯ
ಅಶ್ಲೀಲ ಸಿಡಿ ಕೇಸ್ಗೆ ಬಿಗ್ ಟ್ವಿಸ್ಟ್! ವಿಡಿಯೋದಲ್ಲಿ ಇರುವುದು ನಾನೇ, ಸಹಮತದಿಂದ ಒಟ್ಟಿಗೆ ಇದ್ದೆವೆಂದ ಜಾರಕಿಹೊಳಿ