ಆಚಾರ್ಯ ಸಿನಿಮಾದ ಜತೆಯಲ್ಲಿ ಎರಡು ಹೊಸ ಪ್ರಾಜೆಕ್ಟ್ಗಳಲ್ಲಿ ಟಾಲಿವುಡ್ ಮೆಗಾಸ್ಟಾರ್ ಚಿರಂಜೀವಿ ತೊಡಗಿಸಿಕೊಂಡಿದ್ದಾರೆ. ಈಗಿನ್ನು ಆ ಎರಡು ಸಿನಿಮಾಗಳು ಸ್ಕ್ರಿಪ್ಟಿಂಗ್ ಹಂತದಲ್ಲಿದ್ದು, ವಿಶೇಷ ಏನೆಂದರೆ, ಏಕಕಾಲದಲ್ಲಿಯೇ ಆ ಎರಡು ಸಿನಿಮಾಗಳ ಶೂಟಿಂಗ್ನಲ್ಲಿ ಚಿರು ಭಾಗವಹಿಸಲಿದ್ದಾರೆ.
ಇದನ್ನೂ ಓದಿ: ಚಿರು ಹುಟ್ಟುಹಬ್ಬಕ್ಕೆ ‘ಕ್ಷತ್ರಿಯ’ ಚಿತ್ರದ ಟೀಸರ್ ಬಿಡುಗಡೆ
ಮಲಯಾಳಂ ರಿಮೇಕ್ ಲೂಸಿಫರ್ ಚಿತ್ರದ ತೆಲುಗು ರಿಮೇಕ್ನಲ್ಲಿ ಚಿರು ನಟಿಸಲಿದ್ದಾರೆ. ಇದರ ಜತೆಗೆ ತಮಿಳಿನ ವೇದಾಲಂ ಸಿನಿಮಾ ರಿಮೇಕ್ಗೂ ಚಿರು ಸಹಿ ಹಾಕಿದ್ದು, ಯುಗಾದಿ ಸಮಯದಲ್ಲಿ ಈ ಎರಡು ಸಿನಿಮಾಗಳ ಶೂಟಿಂಗ್ನಲ್ಲಿ ಭಾಗವಹಿಸಲಿದ್ದಾರೆ.
ಇದನ್ನೂ ಓದಿ: ‘ಬೆಲ್ ಬಾಟಮ್’ ಮುಗೀತು; ‘ಪೃಥ್ವಿರಾಜ್’ ಆದ ಅಕ್ಷಯ್ …
ವಿವಿ ವಿನಾಯಕ್ ಲೂಸಿಫರ್ ರಿಮೇಕ್ಗೆ ನಿರ್ದೇಶನದ ಜವಾಬ್ದಾರಿ ಹೊತ್ತರೆ, ಮೆಹೆರ್ ರಮೇಶ್ ವೇದಾಲಂ ಚಿತ್ರವನ್ನು ತೆಲುಗಿಗೆ ತರುತ್ತಿದ್ದಾರೆ. ಸದ್ಯ ಕೊರಟಾಲ ಶಿವ ನಿರ್ದೇಶನದಲ್ಲಿ ತಯಾರಾಗುತ್ತಿರುವ ಆಚಾರ್ಯ ಚಿತ್ರದ ಕೆಲಸಗಳಲ್ಲಿ ಚಿರು ತೊಡಗಿಸಿಕೊಂಡಿದ್ದಾರೆ. (ಏಜೆನ್ಸೀಸ್)