ಗದಗ: ಬೆಂಗಳೂರಿನ ಸಾಯಿ ಶೂಟಿಂಗ್ ರೇಂಜ್ನಲ್ಲಿ ಇತ್ತೀಚಿಗೆ ನಡೆದ 11ನೇ ರಾಜ್ಯಮಟ್ಟದ ಶೂಟಿಂಗ್ ಕ್ರೀಡಾಕೂಟದಲ್ಲಿ ಗದಗ ಸ್ಪೋರ್ಟ್ಸ ಶೂಟಿಂಗ್ ಅಕಾಡೆಮಿಯ ಶೂಟರ್ಗಳು 3 ಚಿನ್ನ, 2 ಕಂಚು ಪದಕ ಗೆದ್ದುಕೊಂಡಿದ್ದಾರೆ. ಅಕಾಡೆಮಿಯ ಮನ್ವಿತಾ ಎಂ. ಬಡ್ನಿ, ಅಮೃತಾ ಕಬಾಡಿ, ಸಂಜನಾ ಚಿಕ್ಕನಗೌಡರ 10 ಮೀಟರ್ ಏರ್ರೈಲ್ನ ಚಿನ್ನದ ಪದಕ ಪಡೆದಿದ್ದಾರೆ. ಸಿದ್ಧಾರ್ಥ ಎಂ. ಬಡ್ನಿ 10 ಮೀಟರ್ ಏರ್ಪಿಸ್ತೂಲ್ ಪುರುಷ ವಿಭಾಗದಲ್ಲಿ ವೈಯಕ್ತಿ ಹಾಗೂ ಗುಂಪು ಸ್ಪರ್ಧೆಯಲ್ಲಿ ತಲಾ ಒಂದು ಕಂಚಿನ ಪದಕ ಪಡೆದಿದ್ದಾರೆ. ಸಾಧನೆಗೈದ ಶೂಟರ್ಗಳಿಗೆ ಗದಗ ಸ್ಪೋರ್ಟ್ಸ ಶೂಟಿಂಗ್ ಅಕಾಡೆಮಿಯಲ್ಲಿ ಶುಕ್ರವಾರ ಸನ್ಮಾನಿಸಲಾಯಿತು. ಈ ಸಂದರ್ಬದಲ್ಲಿ ರಾಜರಾಜೇಶ್ವರಿ, ಮಂಜುಳಾ ದಾನಿನ್, ಕಲ್ಪನಾ ಚಚಡಿ, ಮೀತು ದತ್ತಾ, ಶ್ರೀನಿವಾಸ ಹುಯಿಲಗೋಳ ಹಲವರು ಇದ್ದರು.