ನವದೆಹಲಿ: ಗೂಗಲ್, ಅಮೇಜಾನ್, ಟ್ವಿಟರ್ನಂತಹ ದೈತ್ಯ ಕಂಪನಿಗಳೇ ಉದ್ಯೋಗ ಕಡಿತದ ಹಿಂದೆ ಬಿದ್ದಿರುವ ಸಂಕಷ್ಟದ ಸಮಯದಲ್ಲಿ ಗುಜರಾತಿನ ಅಹಮದಾಬಾದ್ ಮೂಲದ ಕಂಪನಿಯೊಂದು ತನ್ನ ಉದ್ಯೋಗಿಗಳಿಗೆ ಪ್ರೀಮಿಯಂ ಕಾರುಗಳನ್ನು ಉಡುಗೊರೆಯಾಗಿ ನೀಡಿದೆ. ಕಂಪನಿಯು ಎಂಟು ವರ್ಷಗಳ ಹಿಂದೆ ಆರಂಭವಾಗಿದ್ದು, ಇಂದು ಕೋಟಿಗಟ್ಟಲೆ ಟರ್ನ್ಒವರ್ ಹೊಂದಿದೆ.
ಕಂಪನಿಯ ಹೆಸರು ತ್ರಿಧ್ಯ ಟೆಕ್ ಲಿಮಿಟೆಡ್. ಇದು ಅಹಮದಾಬಾದ್ನಲ್ಲಿದೆ. ಕಂಪನಿಯ ಏಳಿಗೆಗೆ ದುಡಿದ ಉದ್ಯೋಗಿಗಳಿಗೆ ಟೊಯೋಟಾ ಗ್ಲಾಂಜಾ ಕಾರುಗಳನ್ನು ಗಿಫ್ಟ್ ಆಗಿ ನೀಡುವ ಅವರ ಶ್ರಮವನ್ನು ಗೌರವಿಸಿದ್ದಾರೆ.
ಈ ಬಗ್ಗೆ ಕಂಪನಿಯ ವ್ಯವಸ್ಥಾಪಕ ನಿರ್ದೇಶಕ ರಮೇಶ್ ಮರಂದ್ ಮಾತನಾಡಿದ್ದು, ಕಂಪನಿಯು ಆರಂಭವಾದ ಸಮಯದಲ್ಲಿ ಈ ಉದ್ಯೋಗಿಗಳು ಕೆಲಸಕ್ಕೆ ಸೇರಿದರು. ಎಲ್ಲರು ತಮ್ಮ ಸ್ಥಿರವಾದ ಕೆಲಸವನ್ನು ತೊರೆದು, ಕಂಪನಿಯನ್ನು ಯಶಸ್ವಿಗೊಳಿಸಲು ತುಂಬಾ ಶ್ರಮಿಸಿದರು ಎಂದಿದ್ದಾರೆ. ಅಲ್ಲದೆ, ಇತರೆ ಉದ್ಯೋಗಿಗಳಿಗೂ ಕಾರು ನೀಡಲು ಮುಂದಾಗಿದ್ದಾರೆ.
ರಮೇಶ್ ಮರಂದ್ ಅವರ ಕಂಪನಿಗೆ ಏಷ್ಯಾ, ಯೂರೋಪ್ ಮತ್ತು ಆಸ್ಟ್ರೇಲಿಯಾದಲ್ಲಿ ಗ್ರಾಹಕರನ್ನು ಹೊಂದಿದ್ದಾರೆ. ಇವರ ಕಂಪನಿ, ಹೆಲ್ತ್ಕೇರ್, ಇನ್ಶುರೆನ್ಸ್, ಚಿಲ್ಲರೆ ವ್ಯಾಪಾರ, ಇಂಧನ ವಲಯ ಸೇರಿದಂತೆ ಅನೇಕ ಕ್ಷೇತ್ರಗಳಿಗೆ ಸಾಫ್ಟ್ವೇರ್ ಡೆವೆಲಪ್ ಮಾಡಿಕೊಡುತ್ತದೆ. ಅಲ್ಲದೆ, ಟೆಕ್ನಾಲಜಿ ಬೆಂಬಲವನ್ನು ನೀಡುತ್ತದೆ.
ಯಾರು ಈ ರಮೇಶ್ ಮರಂದ್?
ರಮೇಶ್ ಮರಂದ್ ಅವರು ತ್ರಿಧ್ಯ ಇನ್ಫೋಟೆಕ್ ಕಂಪನಿಯ ಸಿಇಒ ಮತ್ತು ಐಟಿ ನಿರ್ದೇಶಕ. ಅವರಿಗೆ 12 ವರ್ಷಗಳ ಬಿಸಿನೆಸ್ ಡೆವಲಪ್ಮೆಂಟ್ ಮತ್ತು ಮಾರ್ಕೆಟಿಂಗ್ ಅನುಭವ ಇದೆ. ರಮೇಶ್ ಅವರು ಯುಕೆ ಮೂಲದ ಸಾಫ್ಟ್ವೇರ್ ಪ್ರಾಡಕ್ಟ್ ಡೆವಲಪ್ಮೆಂಟ್ ಕಂಪನಿಯ ಪಾಲುದಾರರು ಆಗಿದ್ದಾರೆ. ಲಿಂಕ್ಡಿನ್ನಲ್ಲಿ ಸ್ಟಾರ್ ಆಗಿರುವ ರಮೇಶ್ ಮರಂದ್ ಅವರು ಸುಮಾರು 30 ಸಾವಿರ ಫಾಲೋವರ್ಸ್ ಹೊಂದಿದ್ದಾರೆ. (ಏಜೆನ್ಸೀಸ್)
ಮದ್ವೆ ಬಳಿಕ ಮೊದಲ ಬಾರಿ ಮನೆಗೆ ಬಂದ ಅಳಿಯನಿಗೆ 108 ಬಗೆಯ ಖಾದ್ಯ ತಯಾರಿಸಿದ ಅತ್ತೆ!
ಈ ಫೋಟೋದಲ್ಲಿರೋ ಚಿರತೆ ಪತ್ತೆಹಚ್ಚುವಲ್ಲಿ ಶೇ. 90 ಮಂದಿ ಫೇಲ್! ಸಾಧ್ಯವಾದ್ರೆ ನೀವು ಪತ್ತೆ ಹಚ್ಚಿ…
2 ವರ್ಷಗಳ ಬಳಿಕ ಲಖನೌ ಜೈಲಿನಿಂದ ಬಿಡುಗಡೆಯಾದ ಕೇರಳ ಪತ್ರಕರ್ತ ಸಿದ್ದಿಖ್ ಕಪ್ಪನ್