ಪುಣೆ: ಲಾಕ್ಡೌನ್ ಅವಧಿಯಲ್ಲಿ ಅಜ್ಜಿಯ ಮನೆಗೆ ಬಂದಿದ್ದ 16 ವರ್ಷದ ಬಾಲಕಿಗೆ ನೀಲಿಚಿತ್ರಗಳ ದೃಶ್ಯಗಳನ್ನು ತೋರಿಸಿದ ಸೋದರತ್ತೆ, ಆಕೆಗೆ ಲೈಂಗಿಕ ಕಿರುಕುಳ ನೀಡಿದ್ದಾಳೆ. ಇದಕ್ಕೆ ಆಕೆಯ ಬಾಯ್ಫ್ರೆಂಡ್ ಕೂಡ ಸಹಕರಿಸಿದ್ದ ಎಂದು ಹೇಳಲಾಗಿದ್ದು, ಇದೀಗ ಇಬ್ಬರನ್ನೂ ವಶಕ್ಕೆ ಪಡೆದುಕೊಂಡಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.
ಏಪ್ರಿಲ್ನ ಲಾಕ್ಡೌನ್ ಅವಧಿಯಲ್ಲಿ ಸುರಕ್ಷಿತವಾಗಿರಲಿ ಎಂದು 16 ವರ್ಷದ ಪುತ್ರಿ ಸೇರಿ ನನ್ನ ನಾಲ್ಕು ಮಕ್ಕಳನ್ನು ಉಂಡ್ರಿಯಲ್ಲಿರುವ ನನ್ನ ಅತ್ತೆ ಮನೆಗೆ ಕಳುಹಿಸಿದ್ದೆ. ನನ್ನ ನಾದಿನಿಯನ್ನು ಭೇಟಿಯಾಗಲು ಆಕೆಯ ಬಾಯ್ಫ್ರೆಂಡ್ ಆಗಾಗ್ಗ ಮನೆಗೆ ಬಂದು ಹೋಗುತ್ತಿದ್ದ. ಆ ಸಂದರ್ಭದಲ್ಲಿ ನನ್ನ ಪುತ್ರಿಗೆ ಅವರಿಬ್ಬರೂ ಪೋರ್ನ್ ದೃಶ್ಯಗಳನ್ನು (ನೀಲಿಚಿತ್ರಗಳು) ತೋರಿಸಿ ಲೈಂಗಿಕ ಕಿರುಕುಳ ನೀಡಿದ್ದಾರೆ ಎಂದು ಖೊಂಡ್ವಾ ಪೊಲೀಸ್ ಠಾಣೆಯಲ್ಲಿ 30 ವರ್ಷದ ಮಹಿಳೆ ದೂರು ದಾಖಲಿಸಿದ್ದಾಳೆ.
ಈ ದೂರನ್ನು ಆಧರಿಸಿ ಬಾಲಕಿಯ ಸೋದರತ್ತೆ ಹಾಗೂ ಆಕೆಯ ಬಾಯ್ಫ್ರೆಂಡ್ ಅನ್ನು ಬಂಧಿಸಿರುವುದಾಗಿ ಖೋಂಡ್ವಾ ಠಾಣೆಯ ಮುಖ್ಯಸ್ಥ ವಿನಾಯಕ್ ಗಾಯಕ್ವಾಡ್ ತಿಳಿಸಿದ್ದಾರೆ. ಇವರಿಬ್ಬರ ವಿರುದ್ಧ ಮಹಿಳೆಯ ಶೀಲ ಭಂಗ ಮಾಡಲು ಯತ್ನ (ಐಪಿಸಿ 354) ಮತ್ತು ಪೋಕ್ಸೋ ಕಾಯ್ದೆಯ 8 ಮತ್ತು 12ನೇ ವಿಧಿಯನ್ವಯ ಅವರ ವಿರುದ್ಧ ಕ್ರಮ ಕೈಗೊಳ್ಳಲಾಗಿದೆ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ರಾತ್ರಿ ಲವರ್ ಜತೆ ಜಗಳವಾಡಿದ ಯುವತಿ ಬೆಳಗಾಗುವಷ್ಟರಲ್ಲಿ ಸಾವು: ಪೊಲೀಸ್ ಬಲೆಗೆ ಬಿದ್ದ ಪ್ರಿಯಕರ
ಬಾಲಕಿಯ ತಾಯಿ ಪುಣೆಯ ಹೊರವಲಯದಲ್ಲಿ ಕೆಲಸ ಮಾಡುತ್ತಾರೆ. ಆದ್ದರಿಂದ, ಮಕ್ಕಳ ಸುರಕ್ಷತೆ ದೃಷ್ಟಿಯಿಂದ ಅವರನ್ನು ಉಂಡ್ರಿಯಲ್ಲಿರುವ ತನ್ನ ಅತ್ತೆ ಮನೆಗೆ ಕಳುಹಿಸಿದ್ದಳು. ಬಕ್ರೀದ್ ಹಬ್ಬಕ್ಕೆಂದು ಮನೆಗೆ ಮರಳಿದಾಗ ಬಾಲಕಿ ತನ್ನ ಸೋದರತ್ತೆಯ ಕೃತ್ಯವನ್ನು ತಾಯಿಯ ಬಳಿ ಹೇಳಿಕೊಂಡಿದ್ದಳು. ಇದನ್ನು ಆಧರಿಸಿ ಸಂತ್ರಸ್ತೆಯ ತಾಯಿ ದೂರು ದಾಖಲಿಸಿದ್ದರು. ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ ಇಬ್ಬರೂ ತಪ್ಪೊಪ್ಪಿಕೊಂಡರುವುದಾಗಿ ವಿವರಿಸಿದ್ದಾರೆ.
ಬಂಧಿತರಿಗೆ ಕೋವಿಡ್: ಬಂಧಿಸಲ್ಪಟ್ಟಿರುವ ಸಂತ್ರಸ್ತೆಯ ಸೋದರತ್ತೆ ಮತ್ತು ಆಕೆಯ ಬಾಯ್ಫ್ರೆಂಡ್ ಇಬ್ಬರಿಗೂ ಕೋವಿಡ್-19 ಪರೀಕ್ಷೆ ಮಾಡಲಾಗಿದ್ದು, ಕರೊನಾ ಪಾಸಿಟಿವ್ ಎಂದು ವರದಿ ಬಂದಿದೆ. ಇದೊಂದು ಗಂಭೀರ ಪ್ರಕರಣವಾಗಿರುವುದರಿಂದ ಅವರಿಬ್ಬರನ್ನೂ ಜೈಲಿನಲ್ಲೇ ಇರಿಸುವಂತೆ ಜೈಲ್ ವಾರಂಟ್ ಜಾರಿಯಾಗಿದ್ದರೂ, ಜೈಲು ಅಧಿಕಾರಿಗಳು ಮಾತ್ರ ಅವರನ್ನು ಆಸ್ಪತ್ರೆಗೆ ದಾಖಲಿಸಲು ನಿರ್ಧರಿಸಿದ್ದು, ಆ ಪ್ರಕ್ರಿಯೆಯಲ್ಲಿ ತೊಡಗಿದ್ದಾರೆ.
ತೀವ್ರ ಕುತೂಹಲ ಮೂಡಿಸಿದ ಸಚಿವ ರಾಜನಾಥ್ ಸಿಂಗ್ ಕುರಿತ ರಕ್ಷಣಾ ಸಚಿವಾಲಯದ ಟ್ವೀಟ್