ನವದೆಹಲಿ: ಇತ್ತೀಚಿನ ದಿನಗಳಲ್ಲಿ ಸಂಬಂಧಗಳಲ್ಲಿನ ಬಿರುಕು ಮತ್ತು ಮೋಸ ಮಾಡುವುದು ತುಂಬಾ ಸಾಮಾನ್ಯವಾಗಿದೆ. ಈ ಡಿಜಿಟಲ್ ಯುಗದಲ್ಲಂತೂ ನಿಷ್ಠಾವಂತ, ಕಾಳಜಿಯುಳ್ಳ ಮತ್ತು ಸಂಪೂರ್ಣ ಪ್ರೀತಿಸುವ ಸೂಕ್ತ ಪಾಲುದಾರನನ್ನು ಹುಡುಕುವುದೇ ತುಂಬಾ ಕಷ್ಟಕರವಾಗಿರುತ್ತದೆ.
ನಿಜವಾದ ಪ್ರೀತಿ ಮತ್ತು ಬದ್ಧತೆಗಳು ಸಿನಿಮಾ, ನಾಟಕ ಮತ್ತು ಟಿವಿ ಸೀರಿಯಲ್ಗಳಿಗೆ ಸೀಮಿತವಾಗಿದೆ. ಇದಕ್ಕೆ ತಾಜಾ ಉದಾಹರಣೆ ಎನ್ನುವಂತೆ ಯುವತಿಯೊಬ್ಬಳು ಪ್ರತಿಷ್ಠಿತ ಮೈಕ್ರೋಸಾಫ್ಟ್ ಕಂಪನಿಯಲ್ಲಿ ಕೆಲಸ ಗಿಟ್ಟಿಸಿದ ಬಳಿಕ ಬಾಯ್ಫ್ರೆಂಡ್ಗೆ ಕೈಕೊಟ್ಟಿರುವ ಪ್ರಸಂಗ ಇದೀಗ ವರದಿಯಾಗಿದೆ. ಗಮನಾರ್ಹ ಸಂಗತಿ ಏನೆಂದರೆ, ಯುವತಿಯನ್ನು ಸಂದರ್ಶನಕ್ಕೆ ತಯಾರು ಮಾಡಿದ್ದು, ಪ್ರಾಜೆಕ್ಟ್, ಡಿಎಸ್ಎ ಮತ್ತು ಆಕೆಯ ರೆಸ್ಯೂಮ್ ವಿನ್ಯಾಸ ಮಾಡಲು ಯುವಕ ನೆರವು ನೀಡಿದ್ದ.
ಸಂತ್ರಸ್ತ ಯುವಕ ತನ್ನ ಫ್ರೆಂಡ್ ಜತೆ ಮಾಡಿರುವ ವಾಟ್ಸ್ಆ್ಯಪ್ ಚಾಟ್ ಸ್ಕ್ರೀನ್ಶಾಟ್ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಪ್ರೇಮಿಗಳ ದಿನದ ಪ್ಲ್ಯಾನ್ ಏನು ಎಂದು ಫ್ರೆಂಡ್ ಕೇಳಿದಾಗ ಸಂತ್ರಸ್ತ ಯುವಕ ತನ್ನ ನೋವನ್ನು ಬಿಚ್ಚಿಟ್ಟಿದ್ದಾನೆ.
ಪ್ಲ್ಯಾನ್ ಏನು ಇಲ್ಲ ಬ್ರೋ…ಆಕೆ ಮುಂದುವರಿಯಲು ಬಯಸಿಲ್ಲ. ಆಕೆಯನ್ನು ನಾನು ಸಂದರ್ಶನಗಳಿಗೆ, ಡಿಎಸ್ಎ ಮತ್ತು ಪ್ರಾಜೆಕ್ಟ್ಗಳಿಗೆ ತಯಾರು ಮಾಡಿದೆ. ಅಷ್ಟೇ ಏಕೆ ಆಕೆಯ ರೆಸ್ಯೂಮ್ ಸಹ ನಾನೇ ರೆಡಿ ಮಾಡಿದೆ. ನನ್ನ ನೆರವಿನಿಂದ ಆಕೆ ಮೈಕ್ರೋಸಾಫ್ಟ್ನಲ್ಲಿ ಉದ್ಯೋಗ ಸಹ ಪಡೆದುಕೊಂಡಳು. ಆದರೆ, ಇಂದು ಮೈಕ್ರೋಸಾಫ್ಟ್ನ ಉದ್ಯೋಗಿ ಜತೆ ಡೇಟಿಂಗ್ಗೆ ಹೋಗಿದ್ದಾಳೆ. ನಾನು ಮಾತ್ರ ಇನ್ನೂ ನಿರುದ್ಯೋಗಿಯಾಗಿದ್ದೇನೆ ಎಂದು ಯುವಕ ಹೇಳಿದ್ದಾನೆ. ಅಲ್ಲದೆ, ಕೊನೆಯಲ್ಲಿ ಏಕಾಂಗಿಯಾಗೇ ಉಳಿಯಿರಿ ಬ್ರೋ ಎಂದು ಚಾಟ್ ಕೊನೆಗೊಳಿಸಿದ್ದಾರೆ.
ಚಾಟ್ನ ಸ್ಕ್ರೀನ್ಶಾಟ್ ವೈರಲ್ ಆಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆ ಹುಟ್ಟುಹಾಕಿದೆ. ಸಾಕಷ್ಟು ಕಾಮೆಂಟ್ಗಳ ಮೂಲಕ ಸಂತ್ರಸ್ತ ಯುವಕನಿಗೆ ಧೈರ್ಯ ತುಂಬುತ್ತಿದ್ದಾರೆ. (ಏಜೆನ್ಸೀಸ್)
ಹಗಲು-ರಾತ್ರಿ ದುಡಿದು ಪತ್ನಿಯ ಓದಿಗೆ ನೆರವು: ಸರ್ಕಾರಿ ಕೆಲಸ ಸಿಗುತ್ತಿದ್ದಂತೆ ಗಂಡನಿಗೆ ಬಿಗ್ ಶಾಕ್!