ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ‘ಪಾರು’ ಧಾರಾವಾಹಿಯಲ್ಲಿ ನಟಿಸುತ್ತಿರುವ ಮಾನಸಿ ಜೋಷಿ, ಇದೀಗ ಸೈಬರ್ ಕ್ರೈಮ್ ಪೊಲೀಸರ ಮೊರೆ ಹೋಗಿದ್ದಾರೆ. ಅಷ್ಟೇ ಅಲ್ಲ, ತಮ್ಮ ಅಭಿಮಾನಿ ಎಂದು ಹೇಳಿಕೊಂಡು ಟ್ರೋಲ್ ಮಾಡಿದವನ ವಿರುದ್ಧ ದೂರು ದಾಖಲಿಸಿದ್ದಾರೆ.
ಇದನ್ನೂ ಓದಿ: ಸುಶಾಂತ್ ಸಿಂಗ್ ಉಗುರುಗಳಲ್ಲಿ ಅಡಗಿದೆಯಾ ಸಾವಿನ ಹಿನ್ನೆಲೆ?; ಮುಂಬೈ ಪೊಲೀಸ್ ಕಾಯುತ್ತಿದೆ ಆ ವರದಿಗಾಗಿ…
ಮಾನಸಿ ಜೋಷಿ ಅವರು ಇನ್ಸ್ಟಾಗ್ರಾಂನಲ್ಲಿ ದೊಡ್ಡ ಅಭಿಮಾನಿ ಬಳಗವಿದೆ. ಅವರ ಹೆಸರಿನಲ್ಲಿ ಕೆಲವು ಫ್ಯಾನ್ ಪೇಜ್ಗಳು ಸಹ ಇವೆ. ಈ ಮಧ್ಯೆ, ಅಭಿಮಾನಿ ಎಂದು ಹೇಳಿಕೊಂಡು ಬಂದವನೊಬ್ಬ, ಮಾನಸಿ ಅವರ ಮೊಬೈಲ್ ನಂಬರ್ ಪಡೆಯಲು ಪ್ರಯತ್ನಿಸಿದ್ದಾನೆ.
ಯಾವಾಗ ಮಾನಸಿ ತಮ್ಮ ನಂಬರ್ ಕೊಡುವುದು ಹಿಂದೇಟು ಹಾಕಿದರೋ, ಆಗ ಆತ ಇನ್ನೆರೆಡು ಅಕೌಂಟ್ ತೆರೆದು ನಂಬರ್ ಕೇಳಿದ್ದಾನೆ. ಆಗಲೂ ಆತನ ಬಗ್ಗೆ ಮಾನಸಿ ಬಗ್ಗಿಲ್ಲ. ಸಿಟ್ಟಾದ ಆತ, ಆಕೆಯ ವಿರುದ್ಧ ಟ್ರೋಲ್ ಮಾಡುವುದಕ್ಕೆ ಪ್ರಾರಂಭಿಸಿದ್ದಾನೆ. ಇದನ್ನು ಗಮನಿಸಿದ ಮಾನಸಿ, ಸೀದಾ ಸೈಬರ್ ಕ್ರೈಂ ಪೊಲೀಸರಿಗೆ ದೂರು ದಾಖಲಿಸಿದ್ದಾರೆ.
ಈ ಕುರಿತು ತಮ್ಮ ಅಭಿಮಾನಿಗಳ ಪೇಜ್ ಮೂಲಕ ಮಾಹಿತಿ ನೀಡಿರುವ ಮಾನಸಿ, ‘ನನ್ನ ಇನ್ಸ್ಟಾಗ್ರಾಂ ಖಾತೆ ಕಾಣಿಸದೇ ಇರುವುದಕ್ಕೆ ನಿಮ್ಮಲ್ಲಿ ಹಲವರಿಗೆ ಆತಂಕ ಉಂಟಾಗಿರಬಹುದು. ಯಾರೂ ಗಾಬರಿಯಾಗಬೇಡಿ. ನನ್ನ ಹೆಸರಿನಲ್ಲಿ ಫ್ಯಾನ್ ಪೇಜ್ ಪ್ರಾರಂಭಿಸಿ, ಟ್ರೋಲ್ ಮಾಡುತ್ತಿರುವ ಕಾರಣ ನಾನು ಮತ್ತು ನನ್ನ ತಂಡ, ಇದರ ಬಗ್ಗೆ ಕ್ರಮ ಕೈಗೊಳ್ಳುತ್ತಿದ್ದೇವೆ. ಈಗಾಗಲೇ ಸೈಬರ್ ಕ್ರೈಮ್ ಮೊರೆ ಹೋಗಿದ್ದೇನೆ. ನನಗೆ ಸಪೋರ್ಟ್ ಮಾಡಿದ ಎಲ್ಲರಿಗೂ ಧನ್ಯವಾದಗಳು’ ಎಂದು ಮಾನಸಿ ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: ನನಗೂ ಆಸ್ಕರ್ ಶಾಪ ತಟ್ಟಿತ್ತು … ರೆಸೂಲ್ ಮಾತಿನ ಮರ್ಮವೇನು?
ಈ ತರಹ ಅಭಿಮಾನಿಗಳು ಎಂದು ಹೇಳಿಕೊಂಡು ಬಂದು, ನಟ-ನಟಿಯರಿಗೆ ಕಿರುಕುಳ ನೀಡುವ ಪರಿಪಾಠ ಹೆಚ್ಚಾಗುತ್ತಿರುವ ಜತೆಗೆ ಸೆಲೆಬ್ರಿಟಿಗಳ ಪೇಜ್ಗಳನ್ನು ಹ್ಯಾಕ್ ಮಾಡುವುದು ಸಹ ಜಾಸ್ತಿಯಾಗುತ್ತಿದೆ. ಈ ನಿಟ್ಟಿನಲ್ಲಿ ಸೈಬರ್ ಕ್ರೈಂ ಇಲಾಖೆ ಯಾವ ರೀತಿ ಕ್ರಮ ಕೈಗೊಳ್ಳುತ್ತದೋ ನೋಡಬೇಕು.
ಕರೊನಾ ನೆಗೆಟಿವ್: ಆಸ್ಪತ್ರೆಯಿಂದ ಐಶ್ವರ್ಯಾ ಮತ್ತು ಆರಾಧ್ಯಾ ಡಿಸ್ಚಾರ್ಜ್