ಪ್ಯಾರೀಸ್: ಯುದ್ಧ ವಿಮಾನದಿಂದ ಆಕಸ್ಮಿಕವಾಗಿ ಫ್ರೆಂಚ್ ವ್ಯಕ್ತಿಯೊಬ್ಬ ಹೊರಜಿಗಿದ ಪರಿಣಾಮ ಜೆಟ್ ವಿಮಾನ ಲ್ಯಾಂಡ್ ಆಗುವ ಮುನ್ನ ಆಗಸದಲ್ಲಿ ಗಿರಕಿ ಹೊಡೆದಂತಹ ಘಟನೆ ಫ್ರಾನ್ಸ್ನಿಂದ ವರದಿಯಾಗಿದೆ.
ಮಾಧ್ಯಮ ವರದಿಯ ಪ್ರಕಾರ ಹೆಸರೇಳದ ಫ್ರೆಂಚ್ ವ್ಯಕ್ತಿಗಾಗಿ ಆತನ ಸಹೊದ್ಯೋಗಿಯೊಬ್ಬರು ಸರ್ಪ್ರೈಸ್ ಜಾಲಿರೈಡ್ ಆಯೋಜಿಸಿದ್ದರು. ಜೆಟ್ ವಿಮಾನವೇರಿದ್ದ ವ್ಯಕ್ತಿ 2500 ಅಡಿ ಎತ್ತರದಲ್ಲಿ ಹಾರಾಟ ನಡೆಸುವಾಗ ಗಾಬರಿಯಿಂದ ಇಜೆಕ್ಟ್ ಬಟನ್ ಒತ್ತಿದ್ದರಿಂದ ವಿಮಾನದಿಂದ ಹೊರಗೆ ಬಿದ್ದಿದ್ದಾರೆ. ಅದೃಷ್ಟವಶಾತ್ 64 ವರ್ಷದ ಹಿರಿಯ ವ್ಯಕ್ತಿ ಸಣ್ಣಪುಟ್ಟ ಗಾಯಗಳನ್ನು ಹೊರತುಪಡಿಸಿದರೆ ಪ್ರಾಣಾಪಾಯಾದಿಂದ ಪಾರಾಗಿದ್ದಾರೆ.
ಇತ್ತೀಚೆಗಷ್ಟೇ ಬ್ಯೂರೋ ಆಫ್ ಎಂಕ್ವೈರಿ ಆ್ಯಂಡ್ ಅನಾಲಿಸಿಸ್ ಫಾರ್ ಸಿವಿಲ್ ಅವಿಯೇಷನ್ ಸೇಫ್ಟಿ ಆಫ್ ಫ್ರಾನ್ ಬಿಡುಗಡೆ ಮಾಡಿದ ವರದಿ ಪ್ರಕಾರ ಈ ಘಟನೆ ಕಳೆದ ವರ್ಷ ಮಾರ್ಚ್ನಲ್ಲಿ ನಡೆದಿದೆ. ಫ್ರೆಂಚ್ ವ್ಯಕ್ತಿ ಸೇನಾ ಶಶ್ತ್ರಾಸ್ತ್ರ ಕಂಪನಿಯಲ್ಲಿ ಕಾರ್ಯನಿರ್ವಾಹಕರಾಗಿದ್ದರು. ಡಸ್ಸಾಲ್ಟ್ ರಫೇಲ್ ಬಿ ಯುದ್ಧ ವಿಮಾನದಲ್ಲಿ ಫ್ರೆಂಚ್ ವ್ಯಕ್ತಿಗಾಗಿ ಆತನ ಸಹೋದ್ಯೋಗಿ ಸರ್ಪ್ರೈಸ್ ಜಾಲಿರೈಡ್ ಆಯೋಜಿಸಿದ್ದರು. ಆದರೆ, ಫ್ರೆಂಚ್ ವ್ಯಕ್ತಿಗೆ ಮಿಲಿಟರಿ ವಿಮಾನದಲ್ಲಿ ಹಾರಾಡಿದ ಯಾವುದೇ ಅನುಭವ ಇರಲಿಲ್ಲ.
ಹೀಗಿರುವಾಗ ಒಮ್ಮೆ ಸೇಂಟ್-ಡಿಜಿಯರ್ ವಾಯುನೆಲೆಗೆ ಬಂದಾಗ ಫ್ರೆಂಚ್ ವ್ಯಕ್ತಿಗೆ ತನ್ನ ಸಹೋದ್ಯೋಗಿಯ ಪ್ಲ್ಯಾನ್ ಗೊತ್ತಾಗಿದೆ. ಆ ಕ್ಷಣದಲ್ಲೇ ಒತ್ತಡಕ್ಕೂ ಒಳಗಾಗಿ ಆತನ ಹೃದಯ ನಿಮಿಷಕ್ಕೆ 120 ರಿಂದ 145ರ ಪ್ರಮಾಣದಲ್ಲಿ ವೇಗವಾಗಿ ಬಡಿದುಕೊಳ್ಳಲು ಆರಂಭಿಸುತ್ತದೆ. ಇತ್ತ ಸಹೋದ್ಯೋಗಿಯ ಒತ್ತಡದಿಂದ ವಿಮಾನ ಹಾರಾಟವನ್ನು ಮೊಟಕುಗೊಳಿಸಲು ಸಾಧ್ಯವಾಗುವುದಿಲ್ಲ.
ಪೈಲಟ್, ವಿಮಾನವನ್ನು ಹಾರಾಟ ನಡೆಸಲು ಮುಂದಾಗುತ್ತಿದ್ದಂತೆ ಭಯದಿಂದ ಕೆಲ ವಸ್ತವನ್ನು ಫ್ರೆಂಚ್ ವ್ಯಕ್ತಿ ಭದ್ರವಾಗಿ ಹಿಡುಕೊಳ್ಳುತ್ತಾನೆ. ದುರಾದೃಷ್ಟವಶಾತ್ ಕೊನೆಯಲ್ಲಿ ತಿಳಿದೋ, ತಿಳಿದೆಯೋ ಇಜೆಕ್ಟ್ ಬಟನ್ ಅನ್ನು ಒತ್ತಿಬಿಡುತ್ತಾನೆ. ತಕ್ಷಣದಿಂದ ವಿಮಾನದಿಂದ ಹೊರ ಜಿಗಿಯುವ ಆತ ಗಾಳಿಯಲ್ಲಿ ಹಾರಾಡುತ್ತಾ ನೆಲಕ್ಕೆ ಬೀಳುವಾಗ ರಕ್ಷಣೆಗಾಗಿ ಧರಿಸಿದ್ದ ಪ್ಯಾರಾಚೂಟ್ ಆನ್ ಆಗಿ ವಾಯುನೆಲೆ ಹತ್ತಿರದಲ್ಲಿ ಇಳಿಯುತ್ತಾನೆ. ಸಣ್ಣಪುಟ್ಟ ಗಾಯಗಳೊಂದಿಗೆ ಫ್ರೆಂಚ್ ವ್ಯಕ್ತಿ ಪ್ರಾಣಾಪಾಯದಿಂದ ಪಾರಾಗುತ್ತಾರೆ. ಇದಕ್ಕೆ ಸಂಬಂಧಪಟ್ಟ ವಿಡಿಯೋ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. (ಏಜೆನ್ಸೀಸ್)
ದಕ್ಷಿಣ ಕಮಾಂಡ್ನಲ್ಲಿ ತರಬೇತಿನಿರತ ಯೋಧರಿಗಾಗಿ ಸಂಚರಿಸಲಿವೆ ಯೋಧರ ಸ್ಪೆಷಲ್ ರೈಲುಗಳು
ಚೀನಾದೊಂದಿಗೆ ಸಂಬಂಧ ಕಡಿದುಕೊಂಡು ಆಸ್ಟ್ರೇಲಿಯಾದ ‘ಸಹೋದರಿ’ ಇದಕ್ಕೆ ಕಾರಣ ಏನು ಗೊತ್ತಾ?