ನವದೆಹಲಿ: ಕೋವಿಡ್ 19 ಸೋಂಕಿನ ಜಾಗತಿಕ ರಾಜಧಾನಿ ಎನಿಸಿಕೊಂಡ ಚೀನಾ ಈಗ ಉಭಯ ಸಂಕಟಕ್ಕೆ ಸಿಲುಕಿಕೊಂಡಿದೆ. ಒಂದೆಡೆ ಸೋಂಕಿನ ಮಾಹಿತಿ ಬಚ್ಚಿಟ್ಟಿದ್ದಕ್ಕಾಗಿ ಜಗತ್ತಿನೆದುರು ಮಾನ ಕಳೆದುಕೊಂಡಿರುವ ಅದು ಈಗ ರಾಜತಾಂತ್ರಿಕವಾಗಿಯೂ ಹಿನ್ನಡೆಗೆ ಒಳಗಾಗುತ್ತಿದೆ.
ಚೀನಾದ ಯುನಾನ್ ಪ್ರಾಂತ್ಯದ ಕನ್ಮಿಂಗ್ ಜತೆ ಆಸ್ಟ್ರೇಲಿಯಾದ ವಾಗ್ಗಾ ವಗ್ಗಾ ನಗರ ಸಹೋದರಿ ನಗರವಾಗಿ ಒಪ್ಪಂದ ಮಾಡಿಕೊಂಡಿತ್ತು. ಆದರೆ, ಚೀನಾದ ಕ್ಷಿ ಜಿನ್ಪಿಂಗ್ ಅವರ ಸರ್ವಾಧಿಕಾರಿ ಧೋರಣೆ ಜತೆಗೆ ಪ್ರಜಾಪ್ರಭುತ್ವ ವಿರೋಧಿ ನಿಲುವುಗಳಿಂದಾಗಿ ಚೀನಾದ ಕನ್ಮಿಂಗ್ ಜತೆಗಿನ ಸಹೋದರಿ ಸಂಬಂಧವನ್ನು ಕಡಿದುಕೊಂಡಿದೆ.
ಈ ಬೆಳವಣಿಗೆ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿರುವ ಆಸ್ಟ್ರೇಲಿಯಾದಲ್ಲಿನ ಚೀನಾದ ರಾಯಭಾರಿ, ಸಹೋದರಿ ನಗರದ ಸಂಬಂಧ ಕಡಿದುಕೊಳ್ಳುವ ಬಗ್ಗೆ ವಾಗ್ಗಾ ವಗ್ಗಾ ನಗರದ ಕೌನ್ಸಿಲರ್ಗಳು ಸರ್ವಸಮ್ಮತಿ ನಿರ್ಧಾರ ಕೈಗೊಂಡಿರುವುದು ಅನ್ಯಾಯ. ಜತೆಗೆ ಚೀನಾ ವಿರುದ್ಧ ಭಾರಿ ಟೀಕೆಗಳನ್ನು ಮಾಡಿದ್ದಾರೆ. ಇದೊಂದು ಏಕಪಕ್ಷೀಯ ನಿರ್ಧಾರ. ಇಂಥ ನಿರ್ಧಾರಗಳಿಂದ ಉಭಯ ರಾಷ್ಟ್ರಗಳ ನಡುವಿನ ದ್ವಿಪಕ್ಷೀಯ ಸಂಬಂಧದ ಮೇಲೂ ವ್ಯತಿರಿಕ್ತ ಪರಿಣಾಮ ಉಂಟಾಗುತ್ತದೆ ಎಂದು ಹೇಳಿದ್ದಾರೆ.
ಡೆಮಾಕ್ರಟಿಕ್ ಲೇಬರ್ ಪಾರ್ಟಿಯ ಮಾಜಿ ಅಧ್ಯಕ್ಷ ಹಾಗೂ ಕೌನ್ಸಿಲರ್ ಪಾಲ್ ಫನ್ನೆಲ್, ಚೀನಾದ ಕನ್ಮಿಂಗ್ ಸಹೋದರಿ ಸಂಬಂಧ ಹಾಗೂ ಟೈಲಿಂಗ್ ಹಾಗೂ ಜಿಯಾಗ್ಸು ಪ್ರಾಂತ್ಯದ ಜತೆಗಿನ ಸ್ನೇಹ ಸಂಬಂಧವನ್ನು ಕಡಿದುಕೊಳ್ಳುವ ಎರಡು ಮಹತ್ವದ ನಿರ್ಣಯಗಳನ್ನು ಕೌನ್ಸಿಲ್ನಲ್ಲಿ ಮಂಡಿಸಿದ್ದರು. ಕೌನ್ಸಿಲರ್ಗಳು ಪಕ್ಷಭೇದ ಮರೆತು, ಎರಡೂ ನಿರ್ಣಯಗಳನ್ನು ಸರ್ವಸಮ್ಮತವಾಗಿ ಬೆಂಬಲಿಸಿದರು ಎನ್ನಲಾಗಿದೆ.
ಗುಟ್ಕಾ ತಿಂದು ರಸ್ತೆಯಲ್ಲಿ ಉಗುಳಿ, ಜೈಲು ಸೇರಿದರು… ಹೊಸ ನಿಯಮದನ್ವಯ ರಾಜಸ್ಥಾನದಲ್ಲಿ ಕಾರ್ಯಾಚರಣೆ