ಕೊಚ್ಚಿ: ಈಗಾಗಲೇ ಸಾಕಷ್ಟು ನಟಿಯರು ಸಿನಿಮಾ ಇಂಡಸ್ಟ್ರಿಯಲ್ಲಿ ನಡೆಯುವ ಕಾಸ್ಟಿಂಗ್ ಕೌಚ್ ಬಗ್ಗೆ ಮಾತನಾಡಿದ್ದಾರೆ. ನಿರ್ದೇಶಕರು, ನಟರು ಹಾಗೂ ನಿರ್ಮಾಪಕರು ಅವಕಾಶದ ಹೆಸರಿನಲ್ಲಿ ತಮ್ಮ ಬಯಕೆಗಳನ್ನು ಈಡೇರಿಸುವಂತೆ ನಟಿಯರನ್ನು ಕೇಳುವುದು ಸಿನಿ ಇಂಡಸ್ಟ್ರಿಗೆ ಅಂಟಿಕೊಂಡಿರುವ ಶಾಪವಾಗಿದೆ. ಬಾಲಿವುಡ್, ಟಾಲಿವುಡ್, ಕಾಲಿವುಡ್, ಸ್ಯಾಂಡಲ್ವುಡ್ ಮತ್ತು ಮಾಲಿವುಡ್ನಲ್ಲಿ ನಡೆಯುವ ಕಾಸ್ಟಿಂಗ್ ಕೌಚ್ಗೆ ಅನೇಕ ಕಲಾವಿದೆಯರು ಸಂತ್ರಸ್ತೆಯರಾಗಿದ್ದಾರೆ. ಇನ್ನು ಕೆಲವರು ಅದನ್ನು ಎದುರಿಸಿದ್ದಾರೆ. ಸಾಕಷ್ಟು ನಟಿಯರು ತಮ್ಮ ಕಹಿ ಅನುಭವಗಳನ್ನು ಧೈರ್ಯವಾಗಿ ಹೇಳಿಕೊಂಡಿದ್ದು, ಇದೀಗ ಆ ಸಾಲಿಗೆ ಮಲಯಾಳಂ ನಟಿ ಮಾಳವಿಕಾ ಶ್ರೀನಾಥ್ ಸೇರಿಕೊಂಡಿದ್ದಾರೆ.
ಇದನ್ನೂ ಓದಿ: ದರದಲ್ಲೂ, ಗುಣಮಟ್ಟದಲ್ಲೂ ನಂದಿನಿಗಿಲ್ಲ ಸಾಟಿ; ಬೇರೆ ಹಾಲು ಖರೀದಿಸಿದರೆ ಗ್ರಾಹಕರಿಗೆ ಹೊರೆ
View this post on Instagram
ಮಂಜು ವಾರಿಯರ್ ಮಗಳ ಪಾತ್ರ
ಮಾಳವಿಕಾ ಶ್ರೀನಾಥ್ ಓರ್ವ ಯುವನಟಿ. ಮಧುರಂ ಮತ್ತು ಸಾಟರ್ಡೆ ನೈಟ್ ಸಿನಿಮಾಗಳ ಮೂಲಕ ಸಿನಿರಸಿಕರ ಗಮನ ಸೆಳೆದಿದ್ದಾರೆ. ಸಿನಿಮಾ ಆಡಿಷನ್ಗೆ ಕರೆದ ವೇಳೆ ಅನುಭವಿಸಿದ ಕಾಸ್ಟಿಂಗ್ ಕೌಚ್ ಕಹಿ ಅನುಭವವನ್ನು ಮಾಳವಿಕಾ ಬಹಿರಂಗಪಡಿಸಿದ್ದಾರೆ. ಮಾಧ್ಯಮ ಸಂದರ್ಶನವೊಂದರಲ್ಲಿ ಮಾತನಾಡಿರುವ ಮಾಳವಿಕಾ, ಮಂಜು ವಾರಿಯರ್ ಮಗಳ ಪಾತ್ರದಲ್ಲಿ ನಟಿಸಲು ಬಯಸುವುದಾದರೆ ನಮ್ಮ ಜತೆ ಸ್ವಲ್ಪ ಸಹಕರಿಸು ಎಂದು ಅವರು ಆಫರ್ ಮಾಡಿದರು ಎಂದು ಮಾಳವಿಕಾ ತಿಳಿಸಿದರು.
ಇದನ್ನೂ ಓದಿ: ಭವಾನಿ ಹೆಸರು ಪದೇ ಪದೇ ಪ್ರಸ್ತಾಪ: ಎಚ್‌ಡಿಕೆ ಮೇಲೆ ರೇವಣ್ಣ ಪರೋಕ್ಷ ಅಸಮಾಧಾನ
ಆಡಿಷನ್ಗೆ ಹೋಗಲು ಒಪ್ಪಿಕೊಂಡೆ
ಇದು 3 ವರ್ಷಗಳ ಹಿಂದೆ ನಡೆದ ಘಟನೆ. ಮಂಜು ವಾರಿಯರ್ ಮಗಳ ಪಾತ್ರಕ್ಕಾಗಿ ನನ್ನನ್ನು ಆಡಿಷನ್ಗೆ ಕರೆದರು. ಆ ಸಮಯದಲ್ಲಿ ನನಗೆ ಸಿನಿಮಾ ಸಂಪರ್ಕ ಇರಲಿಲ್ಲ. ಆಡಿಷನ್ ಕರೆ ನಿಜವೋ? ಅಥವಾ ಅಲ್ಲವೋ? ನನಗೆ ತಿಳಿದಿರಲಿಲ್ಲ. ಆದರೆ, ನಾನು ಆಡಿಷನ್ಗೆ ಹೋಗಲು ಒಪ್ಪಿಕೊಂಡೆ. ಅವರು ಮನೆಗೆ ಇನ್ನೋವಾ ಕಾರನ್ನು ಕಳುಹಿಸಿದರು. ನಾನು ನನ್ನ ತಾಯಿ ಮತ್ತು ಸಹೋದರಿ ಜತೆ ಹೊರಟೆ. ಆಡಿಷನ್ ಎಲ್ಲೋ ತ್ರಿಶೂರಿನಲ್ಲಿತ್ತು.
View this post on Instagram
ಇದನ್ನೂ ಓದಿ: ಹೆತ್ತವರಿಂದ ಪ್ರತ್ಯೇಕಿಸಿದರೆ ಪತಿಗೆ ವಿಚ್ಛೇದನ ಅವಕಾಶ
ಡ್ರೆಸ್ಸಿಂಗ್ ರೂಮ್ನಲ್ಲಿ ಇರುವಾಗ
ಆಡಿಷನ್ ಸ್ಥಳ ತಲುಪಿದ ಅರ್ಧ ಗಂಟೆಯ ನಂತರ, ಓರ್ವ ವ್ಯಕ್ತಿ ನನಗೆ ಡ್ರೆಸ್ಸಿಂಗ್ ರೂಮ್‌ಗೆ ಹೋಗಲು ಹೇಳಿದರು. ಪ್ರಯಾಣ ಮಾಡಿದ್ದರಿಂದ ನಿಮ್ಮ ಕೂದಲು ಅಸ್ತವ್ಯಸ್ತವಾಗಿದೆ, ಅದನ್ನು ಸರಿಮಾಡಿಕೊಂಡು ಬನ್ನಿ ಎಂದು ಹೇಳಿದರು. ನಾನು ಡ್ರೆಸ್ಸಿಂಗ್ ರೂಮ್ನಲ್ಲಿ ಇರುವಾಗ ಆತ ನನ್ನನ್ನು ತಬ್ಬಿಕೊಂಡು ಖಾಸಗಿ ಅಂಗಗಳನ್ನು ಮುಟ್ಟಿದ. ಅವಕಾಶ ಬೇಕಾದರೆ ನನ್ನ ಜತೆ ಸಹಕರಿಸು ಎಂದನು. ನನಗೆ 10 ನಿಮಿಷ ಸಾಕು ಎಂದನು. ಈ ವೇಳೆ ನನ್ನ ತಾಯಿ ಮತ್ತು ಸಹೋದರಿ ನನಗಾಗಿ ಹೊರಗೆ ಕಾಯುತ್ತಿದ್ದರು. ನಾನು ಅಳಲು ಪ್ರಾರಂಭಿಸಿದೆ ಮತ್ತು ಅವನ ಕ್ಯಾಮೆರಾವನ್ನು ಕೆಡವಲು ಪ್ರಯತ್ನಿಸಿದೆ. ಅವರ ಗಮನ ಕ್ಯಾಮರಾ ಕಡೆ ತಿರುಗುವಷ್ಟರಲ್ಲಿ ನಾನು ತಪ್ಪಿಸಿಕೊಂಡೆ ಎಂದು ಮಾಳವಿಕಾ ಹೇಳಿದರು. (ಏಜೆನ್ಸೀಸ್)
ಪಾತ್ರಕ್ಕಾಗಿ ಪಲ್ಲಂಗ: ಅನುಷ್ಕಾ ಶೆಟ್ಟಿ ಪಾರಾಗಿದ್ಹೇಗೆ? ಕಾಲಿವುಡ್ ಬಗ್ಗೆ ಕನ್ನಡತಿ ಹೇಳಿದ್ದೇನು?
ನಾಯಕನೊಬ್ಬನ ಮುಖವಾಡ ಕಳಚಿದ ಇಶಾ ಕೊಪ್ಪಿಕರ್: ಕಹಿ ಘಟನೆ ಮೆಲಕು ಹಾಕಿದ ಓ ನನ್ನ ನಲ್ಲೆ
ಮ್ಯಾನೇಜರ್ ಜತೆ ಚೆನ್ನಾಗಿದ್ರೆ ಜಾಸ್ತಿ ಹಣ ಕೊಡ್ತೀವಿ… ಸೋಶಿಯಲ್ ಮೀಡಿಯಾ ಸೆಲೆಬ್ರಿಟಿಯ ಕಹಿ ಅನುಭವ