'ಸರ್ಕಾರಿ ಬಂಗಲೆಯನ್ನು ಕೂಡಲೇ ತೆರವು ಮಾಡಿ': ಕೇಂದ್ರದಿಂದ ಮಹುವಾ ಮೊಯಿತ್ರಾಗೆ ನೋಟಿಸ್ ಜಾರಿ

ನವದೆಹಲಿ: ತೃಣಮೂಲ ಕಾಂಗ್ರೆಸ್ ನಾಯಕಿ ಮಹುವಾ ಮೊಯಿತ್ರಾ ಅವರ ಸಂಕಷ್ಟಗಳು ಕಡಿಮೆಯಾಗುವ ಲಕ್ಷಣಗಳು ಕಾಣುತ್ತಿಲ್ಲ. ಪ್ರಶ್ನೆಗಾಗಿ ಕಾಸು ಪ್ರಕರಣದಲ್ಲಿ ಸಂಸದ ಸ್ಥಾನ ಕಳೆದುಕೊಂಡಿರುವ ಮಹುವಾ ಇದೀಗ ಸರ್ಕಾರಿ ಬಂಗಲೆಯನ್ನು ಖಾಲಿ ಮಾಡುವಂತೆ ನೋಟಿಸ್‌ ಪಡೆದಿದ್ದಾರೆ. ನೋಟಿಸ್‌ನಲ್ಲಿ ಟಿಎಂಸಿ ನಾಯಕಿಯಾದ ಮಹುವಾ ಅವರಿಗೆ ಲೋಕಸಭೆ ಸಂಸದರಿಗಾಗಿ ಮಂಜೂರು ಮಾಡಿರುವ ಬಂಗಲೆಯನ್ನು ಕೂಡಲೇ ತೆರವು ಮಾಡುವಂತೆ ಕಟ್ಟುನಿಟ್ಟಿನ ಧ್ವನಿಯಲ್ಲಿ ಕೇಳಲಾಗಿದೆ. ಮಹುವಾ ಪ್ರಸ್ತುತ ಈ ಸರ್ಕಾರಿ ಬಂಗಲೆಯಲ್ಲಿ ವಾಸಿಸುತ್ತಿದ್ದಾರೆ.

ಎಸ್ಟೇಟ್ ಡೈರೆಕ್ಟರೇಟ್ ನಿಂದ ಮಹುವಾಗೆ ನೋಟಿಸ್ ಜಾರಿ ಮಾಡಲಾಗಿದೆ. ಎಸ್ಟೇಟ್ ನಿರ್ದೇಶನಾಲಯವು ಸರ್ಕಾರಿ ಆಸ್ತಿಗಳನ್ನು ನಿರ್ವಹಿಸುವ ಜವಾಬ್ದಾರಿಯನ್ನು ಹೊಂದಿದೆ. ಮಹುವಾ ಸ್ವತಃ ಬಂಗಲೆಯನ್ನು ಖಾಲಿ ಮಾಡದಿದ್ದರೆ, ಅಲ್ಲಿ ವಾಸಿಸುವ ಇತರ ಜನರನ್ನು ಆವರಣದಿಂದ ಹೊರಹಾಕಲಾಗುವುದು ಎಂದು ನೋಟಿಸ್​​​ನಲ್ಲಿ ಹೇಳಲಾಗಿದೆ. ಅಗತ್ಯವಿದ್ದರೆ, ಇದಕ್ಕಾಗಿ ಬಲವನ್ನು ಸಹ ಬಳಸಬಹುದು. ಸಾಮಾನ್ಯವಾಗಿ, ಸಂಸತ್ತನ್ನು ತೊರೆದ ನಂತರ, ಸಂಸದರು ತಕ್ಷಣವೇ ಅವರಿಗೆ ಮಂಜೂರು ಮಾಡಿದ ಸರ್ಕಾರಿ ಬಂಗಲೆಯನ್ನು ಖಾಲಿ ಮಾಡಬೇಕು. 

ಈಗಾಗಲೇ ನೋಟಿಸ್ ಜಾರಿ 
ವಾಸ್ತವವಾಗಿ, ಬಂಗಲೆಯನ್ನು ಖಾಲಿ ಮಾಡಲು ಮಹುವಾ ಮೊಯಿತ್ರಾ ಅವರಿಗೆ ಸಾಕಷ್ಟು ಅವಕಾಶಗಳನ್ನು ನೀಡಲಾಗಿದೆ ಎಂದು ಸರ್ಕಾರ ತನ್ನ ನೋಟಿಸ್‌ನಲ್ಲಿ ತಿಳಿಸಿದೆ. ಆದರೆ ಅವರು ಇನ್ನೂ ಮಾಡಿಲ್ಲ. ಜನವರಿ 7 ರಂದು ಬಂಗಲೆಯನ್ನು ಖಾಲಿ ಮಾಡುವಂತೆ ಮೊದಲು ಕೇಳಲಾಯಿತು. ಇದಾದ ಬಳಿಕ ಜನವರಿ 8ರಂದು ಅವರಿಗೆ ಈ ಸಂಬಂಧ ನೋಟಿಸ್ ಕೂಡ ಬಂದಿದ್ದು, ಮೂರು ದಿನಗಳಲ್ಲಿ ಬಂಗಲೆ ಖಾಲಿ ಮಾಡದಿರುವುದಕ್ಕೆ ಕಾರಣ ಕೇಳಲಾಗಿತ್ತು. ಎಸ್ಟೇಟ್ ನಿರ್ದೇಶನಾಲಯವು ಜನವರಿ 12 ರಂದು ಮಹುವಾಗೆ ಈ ಸಂಬಂಧ ಮತ್ತೊಮ್ಮೆ ನೋಟಿಸ್ ಕಳುಹಿಸಿದೆ. ಒಂದು ತಿಂಗಳ ಹಿಂದೆಯೇ ಮಹುವಾಗೆ ಕೇಂದ್ರ ಸರ್ಕಾರದಿಂದ ಬಂಗಲೆ ತೆರವಿಗೆ ನೋಟಿಸ್ ಜಾರಿಯಾಗಿದೆ.

ಪ್ರಶ್ನೆಗಾಗಿ ಕಾಸು ಪ್ರಕರಣದಲ್ಲಿ ಮಹುವಾ ತಪ್ಪಿತಸ್ಥ ಎಂದು ಸಂಸದೀಯ ಸಮಿತಿಯು ಈಗಾಗಲೇ ತೀರ್ಪು ನೀಡಿದೆ. ಮಹುವಾ ಮೊಯಿತ್ರಾ ಅವರು ತಮ್ಮ ಸಂಸದೀಯ ಲಾಗಿನ್-ಐಡಿ ಪಾಸ್‌ವರ್ಡ್ ಅನ್ನು ಉದ್ಯಮಿ ದರ್ಶನ್ ಹಿರಾನಂದನಿ ಅವರೊಂದಿಗೆ ಹಂಚಿಕೊಂಡಿದ್ದಕ್ಕಾಗಿ ತಪ್ಪಿತಸ್ಥರೆಂದು ಕಂಡುಬಂದಿದೆ. ಲಾಗಿನ್-ಐಡಿ ಪಾಸ್‌ವರ್ಡ್ ಅನ್ನು ಹಂಚಿಕೊಂಡಿದ್ದಕ್ಕಾಗಿ ಮಹುವಾ ದುಬಾರಿ ಉಡುಗೊರೆಗಳು ಮತ್ತು ಹಣವನ್ನು ಪಡೆದಿದ್ದಾರೆ ಎಂದು ಸಮಿತಿಯು ಕಂಡುಹಿಡಿದಿದೆ. 

https://www.vijayavani.net/man-stuck-in-aircraft-loo-for-entire-mumbai-bengaluru-flight