ಅಮೃತಸರ: ಖಲಿಸ್ತಾನ್ ಜಿಂದಾಬಾದ್ ಎಂದು ಬರೆದಿರುವ ಭಿತ್ತಿಪತ್ರಗಳು ಸಿರ್ಸಾ ಜಿಲ್ಲೆಯ ಕಲಾನ್ವಾಲಿಯ ಕೆಲವು ಧಾರ್ಮಿಕ ಸ್ಥಳಗಳು ಸೇರಿ ವಿವಿಧೆಡೆ ಗೋಡೆಗಳ ಮೇಲೆ ಕಾಣಿಸಿಕೊಂಡಿದ್ದು, ಅಚ್ಚರಿ ಮೂಡಿಸಿವೆ. ಈ ಭಿತ್ತಿಪತ್ರಗಳನ್ನು ನೋಡಿ ಅಚ್ಚರಿಗೊಂಡ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕಾಗಮಿಸಿದ ಪೊಲೀಸರು ಅವನ್ನು ಕಿತ್ತು ಹಾಕಿದರು.
ಇದನ್ನೂ ಓದಿ: ತಮಗೆ ತಾವೇ ದಂಡ ಹಾಕಿಸಿಕೊಂಡು ಮಾದರಿಯಾದ ಅಧಿಕಾರಿ!
ಈ ಕೃತ್ಯವನ್ನು ಯಾವುದೇ ಸಂಘಟನೆ ಹೊರತಾಗಿ ಕೆಲವು ಕಿಡಿಗೇಡಿಗಳು ಮಾಡಿರಬಹುದೆಂದು ಪೊಲೀಸರು ಶಂಕಿಸಿದ್ದಾರೆ, ಘಟನೆಯ ಬಗ್ಗೆ ಕೆಲವು ವ್ಯಕ್ತಿಗಳ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ ಮತ್ತು ಆ ಪೋಸ್ಟರ್ ಹಾಕಿದ ವ್ಯಕ್ತಿಗಳನ್ನು ಗುರುತಿಸಲು ಸಿಸಿ ಕ್ಯಾಮರಾ ದೃಶ್ಯಾವಳಿಗಳನ್ನು ಸ್ಕ್ಯಾನ್ ಮಾಡಲಾಗುತ್ತಿದೆ ಎಂದು ಕಲಾನ್ವಾಲಿ ಪೊಲೀಸ್ ಠಾಣಾಧಿಕಾರಿ ರಾಜಾರಾಮ್ ಹೇಳಿದ್ದಾರೆ.
ಇದನ್ನೂ ಓದಿ: ಹಾಸಿಗೆಗಳಿಲ್ಲ ಎನ್ನುತ್ತವೆ ಆಸ್ಪತ್ರೆಗಳು, ರಾಜಕೀಯ ಮಾಡಿದರೆ ಹುಷಾರ್ ಎನ್ನುತ್ತಾರೆ ಸಿಎಂ. ಮುಂದೇನು?
ಈ ಕುರಿತು ಪೊಲೀಸರು ಅಲ್ಲಿಯ ನಿವಾಸಿಗಳನ್ನು ವಿಚಾರಿಸಿದ್ದಾರೆ. ಆದರೆ ಭಿತ್ತಿಪತ್ರಗಳನ್ನು ಯಾರು ಅಂಟಿಸಿದ್ದಾರೆ ಎಂಬುದು ಗೊತ್ತಿಲ್ಲ ಎಂದು ನಿವಾಸಿಗಳು ತಿಳಿಸಿದ್ದಾರೆ. ಬೆಳಿಗ್ಗೆ ಖಲಿಸ್ತಾನ್ ಜಿಂದಾಬಾದ್ ಎಂದು ಬರೆದಿರುವ ಪೋಸ್ಟರ್‌ಗಳನ್ನು ಕೆಲವು ಗೋಡೆಗಳ ಮೇಲೆ ಅಂಟಿಸಿರುವುದನ್ನು ಅಲ್ಲಿಯ ನಿವಾಸಿಗಳು ನೋಡಿದ್ದಾರೆ.
ಇದನ್ನೂ ಓದಿ: VIDEO: ಹೀಗೊಂದು ಮದುವೆ: ಉಂಗುರದ ಬದಲು ಮಾಸ್ಕ್ ಎಕ್ಸ್ಚೇಂಜ್!
ರೈಲು ನಿಲ್ದಾಣದ ಬಳಿ ಇರುವ ಗುರುದ್ವಾರ ಸಿಂಗ್ ಸಭಾ, ತಖ್ತ್ಮಲ್ ರಸ್ತೆಯಲ್ಲಿರುವ ಗುರುದ್ವಾರ ರಾಮ್ ತೀರ್ಥ. ಶ್ರೀ ದುರ್ಗಾ ದೇವಸ್ಥಾನ, ಖುಹ್ ವಾಲಾ ಬಜಾರ್‌ನ ಶ್ರೀ ಬಾಲಾಜಿ ದೇವಸ್ಥಾನ ಮತ್ತು ರಾಮ್ ಬಾಗ್‌ನಲ್ಲಿರುವ ನಂದ ಬಾಬಾ ಸಂಸ್ಥೆಯ ಗೋಡೆಗಳ ಮೇಲೆ ಈ ಭಿತ್ತಿಪತ್ರಗಳು ಕಂಡುಬಂದಿದ್ದವು.
ಶಾಕಿಂಗ್ ನ್ಯೂಸ್: ಕೋವಿಡ್ 19 ರೋಗಿಯ ಶವವನ್ನು ಎಸೆದ ಆ್ಯಂಬುಲೆನ್ಸ್ ಸಿಬ್ಬಂದಿ!