ಮುಂಬೈ: ಬಾಲಿವುಡ್ ಚೆಲುವೆ ಕತ್ರೀನಾ ಕೈಫ್ ಮತ್ತು ನಟ ವಿಕಿ ಕೌಶಲ್ ಬರುವ ಡಿಸೆಂಬರ್ನಲ್ಲಿ ವಿವಾಹವಾಗಲಿದ್ದಾರೆ ಎಂಬ ಸುದ್ದಿ ಹಲವು ದಿನಗಳಿಂದ ಹರಡಿದೆ. ಇದೀಗ ದೀಪಾವಳಿ ಸಂದರ್ಭದಲ್ಲಿ ಇವರಿಬ್ಬರ ‘ರೋಕಾ’ ನಡೆದಿದೆ ಎಂದು ವರದಿಗಳು ಹೇಳುತ್ತಿವೆ. ನಿಶ್ಚಿತಾರ್ಥದಂತೆಯೇ ಹುಡುಗ-ಹುಡುಗಿಯ ಮದುವೆಯ ನಿರ್ಧಾರವನ್ನು ‘ಗಟ್ಟಿ’ ಮಾಡುವ ಈ ವಿಶೇಷ ಕಾರ್ಯಕ್ರಮ ನಿರ್ದೇಶಕ ಕಬೀರ್ ಖಾನ್ರ ನಿವಾಸದಲ್ಲಿ ನಡೆಯಿತು ಎನ್ನಲಾಗಿದೆ.
ಕತ್ರೀನಾರ ಸ್ನೇಹಿತರಾದ ಏಕ್ ಥಾ ಟೈಗರ್ ಚಿತ್ರ ನಿರ್ದೇಶಕ ಕಬೀರ್ ಖಾನ್ರನ್ನು ಆಕೆ ರಾಖಿ ಸೋದರನಂತೆ ಕಾಣುತ್ತಾರೆ. ಹಾಗಾಗಿಯೇ ರೋಕಾವನ್ನು ಅವರ ಮನೆಯಲ್ಲಿ ಕೇವಲ ಪ್ರಾಥಮಿಕ ಕುಟುಂಬ ಸದಸ್ಯರ ಉಪಸ್ಥಿತಿಯಲ್ಲಿ ನಡೆಸಲಾಯಿತು. ಕತ್ರೀನಾರ ತಾಯಿ ಸುಜಾನ್ ಟರ್ಖೊಟ್ಟೆ, ಸೋದರಿ ಇಸಬೆಲ್ಲೆ ಕೈಫ್ ಹಾಗೂ ವಿಕಿ ಕೌಶಲ್ರ ತಂದೆ ಶಾಮ್ ಕೌಶಲ್, ತಾಯಿ ವೀಣಾ ಕೌಶಲ್ ಮತ್ತು ಸೋದರ ಸನ್ನಿ ಮಾತ್ರ ಪಾಲ್ಗೊಂಡರು ಎಂದು ಇಂಡಿಯಾ ಟುಡೇ ವರದಿ ತಿಳಿಸಿದೆ.
ಇದನ್ನೂ ಓದಿ: ಬಿಜೆಪಿ ಸರ್ಕಾರಗಳ ಹಾದಿ ಹಿಡಿದ ‘ಕೈ’ ಸರ್ಕಾರ; ಪಂಜಾಬಿನಲ್ಲೂ ಇಂಧನ ಬೆಲೆ ಕಡಿತ
ಈ ಮುನ್ನ ಕತ್ರೀನಾ ತಮ್ಮ ನಿಶ್ಚಿತಾರ್ಥದ ವದಂತಿಗಳನ್ನು ಸುಳ್ಳು ಎಂದಿದ್ದರು. ಆದರೆ, ಅವರ ಆಪ್ತರೊಬ್ಬರು, “ಸುಂದರವಾದ ರೋಕಾ ನಡೆಯಿತು. ಕತ್ರೀನಾ ಲೆಹೆಂಗಾದಲ್ಲಿ ತುಂಬಾ ಚೆನ್ನಾಗಿ ಕಾಣುತ್ತಿದ್ದಳು. ದೀವಾಲಿ ದಿನಗಳು ಒಳ್ಳೆಯ ಮುಹೂರ್ತವೆಂದು ಇಬ್ಬರ ಕುಟುಂಬಗಳು ಈ ಕಾರ್ಯಕ್ರಮ ನಡೆಸಲು ಮುಂದಾದವು. ಕಬೀರ್ ಖಾನ್ ಮತ್ತು ಅವರ ಪತ್ನಿ ಮಿನಿ ಮಾಥುರ್ ಒಳ್ಳೆಯ ಆತಿಥ್ಯ ನೀಡಿದರು” ಎಂದು ಹೇಳಿದ್ದಾರೆ ಎನ್ನಲಾಗಿದೆ.
ಇನ್ನು ಈ ಹಾಟ್ ಕಪಲ್ನ ಮದುವೆ ಡಿಸೆಂಬರ್ನಲ್ಲಿ ರಾಜಸ್ಥಾನದಲ್ಲಿ ನಡೆಯಲಿದೆ. ಈವರೆಗೂ ಯಾವುದೇ ಆಮಂತ್ರಣ ಹೊರಬಿದ್ದಿಲ್ಲವಾದರೂ, ತಮ್ಮ ಆಪ್ತವರ್ಗಕ್ಕೆ ಆ ತಿಂಗಳಲ್ಲಿ ಫ್ರೀಯಾಗಿರಲು ಹೇಳಿದ್ದಾರೆ ಎನ್ನಲಾಗಿದೆ. ಈ ನಡುವೆ ನವೆಂಬರ್ 4 ರಂದು ನಡೆದ ನಿರ್ಮಾಪಕಿ ಆರತಿ ಶೆಟ್ಟಿ ಅವರ ದೀಪಾವಳಿ ಪಾರ್ಟಿಯಲ್ಲಿ ಕತ್ರೀನಾ ಮತ್ತು ವಿಕಿ ಒಟ್ಟಿಗೆ ಭಾಗವಹಿಸಿದ್ದೂ ಜಾಹೀರಾಗಿತ್ತು. (ಏಜೆನ್ಸೀಸ್)
VIDEO| ಪುನೀತ್ಗೆ ಬಿರಿಯಾನಿ, ಕೋಳಿ ಸಾರು ಎಡೆಯಿಟ್ಟ ಅಭಿಮಾನಿಗಳು; ಗ್ರಾಮಸ್ಥರಿಗೂ ವಿತರಣೆ