ಬೆಂಗಳೂರು: ಸ್ಯಾಂಡಲ್ವುಡ್ನವರು ತಮ್ಮ ಸಿನಿಮಾದ ಟೀಸರ್-ಟ್ರೇಲರ್-ಸಾಂಗ್ ರಿಲೀಸ್ ಸಮಾರಂಭಗಳನ್ನು ವಿಭಿನ್ನವಾಗಿ ನಡೆಸುವುದು ಹೊಸದೇನಲ್ಲ. ಹಾಗೆಯೇ ವಿಶಿಷ್ಟವಾದ ಸ್ಥಳಗಳಲ್ಲಿಯೂ ಇಂಥದ್ದೇ ಕಾರ್ಯಕ್ರಮಗಳನ್ನು ಆಯೋಜಿಸಿ ಗಮನ ಸೆಳೆಯುವುದು ಕೂಡ ಉಂಟು. ಇದೀಗ ಆ ಪ್ರಯತ್ನಕ್ಕೆ ರಾಜು ಜೇಮ್ಸ್ ಬಾಂಡ್ ಕೂಡ ಮುಂದಾಗಿದ್ದಾನೆ.
ಅಂದರೆ ರಾಜು ಜೇಮ್ಸ್ ಬಾಂಡ್ ಕನ್ನಡ ಸಿನಿಮಾದ ಟೀಸರ್ ಕರ್ನಾಟಕದ ಹೊರಗೆ ಮಾತ್ರವಲ್ಲ, ಭಾರತದಿಂದ ಆಚೆಯೇ ಬಿಡುಗಡೆ ಆಗಲಿದೆ. ಅರ್ಥಾತ್, ಕೆನಡದ ನಯಾಗರ ಜಲಪಾತದ ಸಮೀಪ ಈ ಚಿತ್ರದ ಟೀಸರ್ ರಿಲೀಸ್ ಆಗಲಿದೆ.
ಇದನ್ನೂ ಓದಿ: ಅಂದು ನಿಧಿ ಸುಬ್ಬಯ್ಯ, ಇಂದು ಆವಂತಿಕಾ ಶೆಟ್ಟಿ; ಇಬ್ಬರದ್ದೂ ಬಹುತೇಕ ಒಂದೇ ಥರ ಬೇಸರ!
ಚಿತ್ರದ ನಾಯಕ ಗುರುನಂದನ್ ಕೆನಡದಿಂದಲೇ ಈ ಕುರಿತು ವಿಜಯವಾಣಿ ಜತೆ ಮಾತನಾಡಿದ್ದು, ಕೆನಡದಲ್ಲಿರುವ ಕನ್ನಡಿಗರ ಸಮ್ಮುಖದಲ್ಲಿ ನಯಾಗರ ಜಲಪಾತದ ಬಳಿ ರಾಜು ಜೇಮ್ಸ್ ಬಾಂಡ್ ಸಿನಿಮಾದ ಟೀಸರ್ ಬಿಡುಗಡೆ ಮಾಡಲಿರುವುದಾಗಿ ಹೇಳಿದರು.
ಇದನ್ನೂ ಓದಿ: ನಿನ್ನೆ ‘ಮೀಟ್ ಮಾಡಣ ಇಲ್ಲ ಡೇಟ್ ಮಾಡಣ’, ಇಂದು ‘ನೋಡುತ.. ಸುಮ್ಮನೇ..’; ಮತ್ತೆ ಟಾಪ್ಗೆ ಹೋದ ರಚಿತಾ ರಾಮ್
ಡಿ. 30 ತಮ್ಮ ಜನ್ಮದಿನವಾಗಿದ್ದು ಹಾಗೂ ಈ ಸಂದರ್ಭದಲ್ಲಿ ಕೆನಡದಲ್ಲಿ ಇರುವುದರಿಂದ ಇಲ್ಲಿಯೇ ಟೀಸರ್ ರಿಲೀಸ್ ಹಮ್ಮಿಕೊಳ್ಳಲಾಗಿದೆ. ಚಿತ್ರವನ್ನು ಫೆಬ್ರವರಿ ಮೊದಲ ಅಥವಾ ಎರಡನೇ ವಾರದಲ್ಲಿ ಬಿಡುಗಡೆ ಮಾಡಲಾಗುವುದು. ಯಾವುದಕ್ಕೂ ಕೋವಿಡ್ ಪರಿಸ್ಥಿತಿ ನೋಡಿಕೊಂಡು ಚಿತ್ರದ ಬಿಡುಗಡೆ ದಿನಾಂಕ ಘೋಷಿಸಲಾಗುವುದು ಎಂದು ಅವರು ತಿಳಿಸಿದ್ದಾರೆ.
ರೊಮ್ಯಾಂಟಿಕ್ ಆ್ಯಕ್ಷನ್ ಕಾಮಿಡಿ ಆಗಿರುವ ಈ ಚಿತ್ರವನ್ನು ದೀಪಕ್ ಮಧುವನಹಳ್ಳಿ ನಿರ್ದೇಶಿಸಿದ್ದು, ಕಿರಣ್ ಭರ್ತೂರು ಮತ್ತು ಮಂಜುನಾಥ್ ವಿಶ್ವಕರ್ಮ ಬಂಡವಾಳ ಹೂಡಿದ್ದಾರೆ. ಚಿತ್ರದಲ್ಲಿ ಗುರುನಂದನ್ ಜತೆ ಪೂಜಾ ನಾಯಕಿಯಾಗಿ ಅಭಿನಯಿಸಿದ್ದಾರೆ. ಈ ಚಿತ್ರಕ್ಕೆ ಅನೂಪ್ ಸೀಳಿನ್ ಅವರ ಸಂಗೀತವಿದೆ.
ಕೊನೆಗೂ ಹೊರಬಿತ್ತು ಪುನೀತ್ ರಾಜಕುಮಾರ್ ಡೈರಿಯಲ್ಲಿದ್ದ ಆ ನಿರ್ಮಾಪಕರ ಹೆಸರು!
ಯಾವುದೇ ಪದವಿ ಕೊಡಲಿಲ್ಲ, ಹಣವನ್ನೂ ನೀಡಲಿಲ್ಲ; ಆದರೂ ಮಾಡುತ್ತಿದ್ದಾರೆ ಸ್ವಯಂಪ್ರಚಾರ: ಬೆಂಬಲಿಸಿದವರಿಗೆ ಉಪೇಂದ್ರ ಮೆಚ್ಚುಗೆ
ನೀನೇ ಸಾಕಿದ ಗಿಣಿ ನಿನ್ನ ಹದ್ದಾಗಿ ಕುಕ್ಕಿತಲ್ಲೋ..; ಆರ್ಟಿಐ ಕಾರ್ಯಕರ್ತನನ್ನೇ ಇಕ್ಕಟ್ಟಿಗೆ ಸಿಲುಕಿಸಿದ ಮಹಿಳಾ ಅಧಿಕಾರಿ!?