ಬೆಂಗಳೂರು: ಕ್ಯಾಮ್ಸ್ ಪ್ರಧಾನ ಕಾರ್ಯದರ್ಶಿ ಶಶಿಕುಮಾರ್ ಹತ್ಯೆಗೆ ಸುಪಾರಿ ನೀಡಿದ್ದ ಆರೋಪ ಎದುರಿಸುತ್ತಿದ್ದು ನಾಪತ್ತೆಯಾಗಿದ್ದ ಆರ್ಟಿಐ ರವಿಯನ್ನು ಬಂಧಿಸುವಲ್ಲಿ ನಗರದ ಜಾಲಹಳ್ಳಿ ಪೊಲೀಸರು ಕೊನೆಗೂ ಯಶಸ್ವಿಯಾಗಿದ್ದಾರೆ. ಬರೋಬ್ಬರಿ 40 ದಿನಗಳ ಕಾಲ ಆರೋಪಿ ರವಿಗಾಗಿ ಹುಡುಕಾಟ ನಡೆಸಿದ್ದು, ಇದೀಗ ಚಾಮರಾಜನಗರ ಜಿಲ್ಲೆಯ ಕಾಡಿನಲ್ಲಿ ಅಡಗಿದ್ದ ರವಿಯನ್ನು ಬಂಧಿಸಲಾಗಿದೆ. ಈ ಪ್ರಕರಣದ ಸಂಬಂಧವಾಗಿ, ರವಿ ಜೊತೆ ಇದ್ದ ಐವರು ಆರೋಪಿಗಳನ್ನೂ ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಕಳೆದ ಜುಲೈ 29 ರ ರಾತ್ರಿ ಕಾಮ್ಸ್ ಪ್ರಧಾನ ಕಾರ್ಯದರ್ಶಿ ಶಶಿಕುಮಾರ್ ಮೇಲೆ ಹಲ್ಲೆ ನಡೆದಿತ್ತು. ಶಶಿಕುಮಾರ್ ಮನೆ ಬಳಿ ಅವರು ಕಾರಿನಿಂದ ಇಳಿದ ತಕ್ಷಣ ಹತ್ಯೆಯ ಉದ್ದೇಶದಿಂದ ಆರೋಪಿಗಳು ಅಟ್ಯಾಕ್ ಮಾಡಿದ್ದರು. ಅಟ್ಯಾಕ್ ಮಾಡುತ್ತಿದ್ದಂತೆ ಶಶಿಕುಮಾರ್ ಲೈಸೆನ್ಸೆಡ್ ರಿವಾಲ್ವರ್ ತೆಗೆದು ಒಂದು ಫೈರ್ ಮಾಡಿದ್ದರು. ಆಗ ದುಷ್ಕರ್ಮಿಗಳು ಘಟನಾ ಸ್ಥಳದಿಂದ ಎಸ್ಕೇಪ್ ಆಗಿದ್ದರು ಎನ್ನಲಾಗಿದೆ.
ಇದನ್ನೂ ಓದಿ: ಬಾಲಿವುಡ್ ನಟ ಅಕ್ಷಯ್ ಕುಮಾರ್ ತಾಯಿ ನಿಧನ: ಅಮ್ಮನ ಕಳೆದುಕೊಂಡ ನೋವನ್ನು ಅಕ್ಷರಕ್ಕಿಳಿಸಿದ ನಟ
ಪ್ರಕರಣದ ಬೆನ್ನತ್ತಿದ ಜಾಲಹಳ್ಳಿ ಪೊಲೀಸರು ಆಗಸ್ಟ್ 3 ರಂದು ಐವರು ಆರೋಪಿಗಳನ್ನ ಬಂಧಿಸಿದ್ದರು, ಆ ವೇಳೆ ಬಂಧಿತ ಆರೋಪಿಗಳು ಸಾಮಾಜಿಕ ಕಾರ್ಯಕರ್ತ ರವಿ, ಶಶಿಕುಮಾರ್ ಕೊಲೆಗೆ ಸುಪಾರಿ ಕೊಟ್ಟಿರುವ ಬಗ್ಗೆ ಮಾಹಿತಿ ಬಿಚ್ಚಿಟ್ಟಿದ್ದರು. ಶಶಿಕುಮಾರ್ ಹತ್ಯೆ ಮಾಡಿದ್ರೆ ಕ್ಯಾಮ್ಸ್ನಲ್ಲಿ ಉನ್ನತ ಹುದ್ದೆ ಸಿಗುತ್ತೆ ಅನ್ನೋ ಕಾರಣಕ್ಕೆ ಹತ್ಯೆಗೆ ಸುಪಾರಿ ನೀಡಿದ್ದಾಗಿ ತಿಳಿಸಿದ್ದರು. ಪ್ರಕರಣದ ಬಳಿಕ ನಾಪತ್ತೆಯಾಗಿದ್ದ ರವಿ ಶೋಧ ಕಾರ್ಯ ನಡೆದಿತ್ತು.
ಜಾಲಹಳ್ಳಿ ಪೊಲೀಸರು, ಸದ್ಯ ವಶಕ್ಕೆ ಸಿಕ್ಕಿರುವ, ಆರೋಪಿ ರವಿಯ ವಿಚಾರಣೆ ನಡೆಸುತ್ತಿದ್ದಾರೆ. ಈ ಪ್ರಕರಣದ ಸಂಬಂಧ ಇದುವರೆಗೆ ರವಿ ಸೇರಿದಂತೆ 11 ಜನ ಆರೋಪಿಗಳನ್ನು ಬಂಧಿಸಲಾಗಿದೆ.
ಭೂವಿವಾದಗಳಿಗೆ ತಲೆ ಹಾಕಬೇಡಿ: ಖಾಕಿಪಡೆಗೆ ಸಿಎಂ ಫರ್ಮಾನು
ಸ್ತ್ರೀಯರ ಗರ್ಭಾಶಯದ ಆರೋಗ್ಯಕ್ಕೆ ಪೂರಕ; ಪುರುಷರಿಗೂ ಉಪಯುಕ್ತ – ‘ವಿಸ್ತೃತ ಪಾದಾಸನ’