ನವದೆಹಲಿ: ಈ ಭೂಮಿ ಮೇಲಿನ ನಮ್ಮ ಅಸ್ತಿತ್ವ ನಾವು ತಿನ್ನುವ ಆಹಾರದ ಮೇಲೆ ಅವಲಂಬಿಸಿದೆ ಎನ್ನುವುದು ಎಷ್ಟು ನಿಜವೋ, ನಾವಿರುವ ಈ ಭೂಮಿಯ ಅಳಿವು-ಉಳಿವಿಗೂ ನಮ್ಮ ಆಹಾರ ಕಾರಣವಾಗುತ್ತದೆ ಎಂಬುದು ಕೂಡ ಅಷ್ಟೇ ನಿಜ. ಅದನ್ನು ತಿಳಿಸುವಂಥ ಸಮೀಕ್ಷೆಯೊಂದು ಹೊರಬಿದ್ದಿದ್ದು, ಮನುಷ್ಯ ಇನ್ನು ಯೋಚನೆ ಮಾಡಿ ತಿನ್ನುವಂತಾಗಿದೆ.
ಹೌದು.. ಈ ಭೂಮಿಯ ಅಸ್ತಿತ್ವಕ್ಕೆ ಧಕ್ಕೆ ಬರಬಾರದು ಎಂದರೆ ಮನುಷ್ಯ ತನ್ನ ಆಹಾರದ ಆಯ್ಕೆಯಲ್ಲಿ ಎಚ್ಚರಿಕೆಯಿಂದ ಇರಬೇಕಿದೆ. ಭೂಗ್ರಹಕ್ಕೆ ತೊಂದರೆ ಉಂಟಾಗಬಾರದು ಎಂದರೆ ಕೆಲವೊಂದು ಆಹಾರಗಳನ್ನು ತಿನ್ನದಿರುವುದೇ ಒಳಿತು ಎಂಬುದನ್ನು ಸಮೀಕ್ಷೆಯೊಂದು ಹೊರಹಾಕಿದೆ. ಇಂಥದ್ದೊಂದು ಸಮೀಕ್ಷೆಯ ವರದಿ ‘ಕರೆಂಟ್ ನ್ಯೂಟ್ರಿಷನ್ ರಿಪೋರ್ಟ್ಸ್’ ಎಂಬ ಜರ್ನಲ್ನಲ್ಲಿ ಪ್ರಕಟಗೊಂಡಿದೆ.
ಇದನ್ನೂ ಓದಿ: ಪುನೀತ್ ಸಾವಿಗೆ ನಿಜವಾದ ಕಾರಣ ಏನು ಎಂಬುದನ್ನು ಬಿಚ್ಚಿಟ್ಟ ರಾಘವೇಂದ್ರ ರಾಜಕುಮಾರ್
ಆಸ್ಟ್ರೇಲಿಯಾ ಹಾಗೂ ನ್ಯೂಜಿಲೆಂಡ್ನಲ್ಲಿ ಪರಿಸರದ ಮೇಲೆ ಆಹಾರದ ಪರಿಣಾಮಗಳ ಕುರಿತ 20 ಅಧ್ಯಯನಗಳನ್ನ ಪರಿಶೀಲಿಸಿರುವ ಯುನಿವರ್ಸಿಟಿ ಆಫ್ ಸೌತ್ ಆಸ್ಟ್ರೇಲಿಯಾ ಡಯೆಟಿಷಿಯನ್ ಸಾರಾ ಫೋರ್ಬ್ಸ್ ಆಹಾರದ ಆಯ್ಕೆಯಲ್ಲಿ ಜಾಗರೂಕರಾಗಿರುವ ಕುರಿತು ಅಭಿಪ್ರಾಯ ವ್ಯಕ್ತಪಡಿಸಿದೆ.
ಆಸ್ಟ್ರೇಲಿಯಾ ಹಾಗೂ ನ್ಯೂಜಿಲೆಂಡ್ನ ಮನೆಗಳಲ್ಲಿ ಡಯೆಟಿಷನ್ಗಳ ಸಲಹೆಗೂ ಮೀರಿ ಜಂಕ್ ಫುಡ್ಗಳನ್ನು ಸೇವಿಸಲಾಗುತ್ತಿದ್ದು, ಆ ಮೂಲಕ ಆಹಾರ ಸಂಬಂಧಿ ಗ್ರೀನ್ಹೌಸ್ ಗ್ಯಾಸ್ ಬಿಡುಗಡೆಗೆ ಕಾರಣವಾಗುತ್ತಿರುವ ಜತೆಗೆ ಪರಿಸರದ ಮೇಲೆ ದುಷ್ಪರಿಣಾಮ ಬೀರಲೂ ಮೂಲವಾಗುತ್ತಿದ್ದಾರೆ ಎಂದು ಸಮೀಕ್ಷೆಯಲ್ಲಿ ಹೇಳಲಾಗಿದೆ.
ಇದನ್ನೂ ಓದಿ: ನಂಜನಗೂಡು ಪೊಲೀಸ್ ಠಾಣೆಯಲ್ಲಿ ಲಾಕಪ್ ಡೆತ್; ಪ್ರೆಯಸಿಗಾಗಿ ಜಗಳ ಮಾಡಿಕೊಂಡವ ಜೈಲಲ್ಲಿ ಸಾವು
2020ರಲ್ಲಿ ಬಿಡುಗಡೆ ಆಗಿರುವ ವರದಿಯೊಂದರ ಪ್ರಕಾರ ಆಸ್ಟ್ರೇಲಿಯಾ ಒಂದರಲ್ಲೇ 510 ಮೆಟ್ರಿಕ್ ಟನ್ ಕಾರ್ಬನ್ ಡಯಾಕ್ಸೈಡ್ ಬಿಡುಗಡೆ ಆಗಿದ್ದು, ಅದರಲ್ಲಿ ಆಹಾರ ಸಂಬಂಧಿತವಾಗಿ ಬಿಡುಗಡೆಯಾದ ಕಾರ್ಬನ್ ಡಯಾಕ್ಸೈಡ್ ಪ್ರಮಾಣವೇ ಶೇ. 14.2 ಇತ್ತು. ಅಂದರೆ ಅಲ್ಲಿನ ಒಬ್ಬ ಪ್ರಜೆ ಸರಾಸರಿಯಾಗಿ ದಿನಕ್ಕೆ ಆಹಾರ ಸಂಬಂಧಿತವಾಗಿ 19.7 ಕೆ.ಜಿ. ಕಾರ್ಬನ್ ಡಯಾಕ್ಸೈಡ್ ಹೊರಹಾಕುತ್ತಾನೆ ಎಂದು ಆ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಸಿಹಿತಿಂಡಿ, ಕೇಕ್, ಕರಿದ ತಿಂಡಿ ಹಾಗೂ ಸಂಸ್ಕರಿತ ಆಹಾರಗಳ ಸೇವನೆಯಿಂದ ಹೀಗೆ ಕಾರ್ಬನ್ ಡಯಾಕ್ಸೈಡ್ ಹೊರಸೂಸುವಿಕೆ ಹೆಚ್ಚಾಗುತ್ತಿದೆ. ಇದು ಪರಿಸರಕ್ಕೆ ಮಾರಕವಾಗುವ ಜತೆಗೆ ಭೂಮಿಯ ಅಸ್ತಿತ್ವಕ್ಕೂ ಧಕ್ಕೆ ತರುವ ಸಾಧ್ಯತೆ ಇದೆ ಎಂದು ಸಮೀಕ್ಷೆ ಹೇಳಿದೆ.
ಒಮಿಕ್ರಾನ್ ಮಾರಕವಲ್ಲ ಎಂಬ ಅಭಿಪ್ರಾಯದ ಬೆನ್ನಿಗೇ ಹೊರಬಿತ್ತು ಅದು ಜಾಗತಿಕವಾಗಿ ಅಪಾಯಕಾರಿ ಎನ್ನುವ ವಿಷಯ!