ಲಂಡನ್/ನವದೆಹಲಿ: ವಿವಾದಾತ್ಮಕ ಇಸ್ಲಾಮಿಕ್ ಟೆಲಿಧರ್ಮಬೋಧಕ ಜಾಕೀರ್ ನಾಯ್ಕ್ ಒಡೆತನದ ಪೀಸ್ ಟಿವಿ ಮತ್ತು ಪೀಸ್ ಟಿವಿ ಉರ್ದು ಚಾನೆಲ್ಗಳಿಗೆ ಬ್ರಿಟನ್ನ ಟಿವಿ ಪ್ರಸಾರ ಸೇವೆಗಳ ನಿಯಂತ್ರಕ ಆಪ್ಕಾಂ (Ofcom) 2.76 ಕೋಟಿ ರೂ. ದಂಡ ವಿಧಿಸಿದೆ.
ಈ ಚಾನೆಲ್ಗಳಲ್ಲಿ ಧಾರ್ಮಿಕ ಸೌಹಾರ್ದತೆ ಹದಗೆಡಿಸಲು ದ್ವೇಷಪೂರಿತ ಭಾಷಣ ಮಾಡಿದ್ದಲ್ಲದೆ, ಜನರನ್ನು ಕೊಲ್ಲುವಂತೆ ಪದೇಪದೆ ಪ್ರೇರೇಪಿಸಿದ್ದಕ್ಕಾಗಿ ಬ್ರಿಟನ್ನ ಮಾಧ್ಯಮ ಮೇಲ್ವಿಚಾರಣಾ ಸಂಸ್ಥೆ ಆಫ್ಕಾಂ (Ofcom) ಈ ಕ್ರಮ ಕೈಗೊಂಡಿದೆ.
ಜಾಕೀರ್ ನಾಯ್ಕ್ ಒಡೆತನದ ಪೀಸ್ ಟಿವಿಯ ಮೂಲ ಕಂಪನಿ ಲಾರ್ಡ್ ಕಮ್ಯುನಿಕೇಷನ್ಸ್ಗೆ 92.16 ಲಕ್ಷ ರೂ. ಮತ್ತು ಪೀಸ್ ಟಿವಿ ಉರ್ದು ಮಾಲೀಕತ್ವ ಹೊಂದಿರುವ ಕ್ಲಬ್ ಟಿವಿಗೆ 1.84 ಕೋಟಿ ರೂ. ದಂಡ ವಿಧಿಸಲಾಗಿದೆ.
ಇದನ್ನೂ ಓದಿ: ಕರೊನಾ ಹೆಸರಿನಲ್ಲಿ ಪ್ರತಿ ವಾರ ನಡೆಯುತ್ತಿವೆ 2 ಲಕ್ಷ ಸೈಬರ್ ವಂಚನೆ ಪ್ರಕರಣಗಳು!
ಪೀಸ್ ಟಿವಿ ಉರ್ದು ಮತ್ತು ಪೀಸ್ ಟಿವಿಯಲ್ಲಿ ಪ್ರಸಾರವಾಗುವ ಕಾರ್ಯಕ್ರಮಗಳಲ್ಲಿ ಧಾರ್ಮಿಕ ಸೌಹಾರ್ದತೆ ಕದಡುವ ರೀತಿಯ ದ್ವೇಷಪೂರಿತ ಭಾಷಣಗಳನ್ನು ಪ್ರಸಾರ ಮಾಡುತ್ತಿರುವುದು ಗಮನಕ್ಕೆ ಬಂದಿದೆ. ಅಲ್ಲದೆ, ಕೆಲವು ಕಾರ್ಯಕ್ರಮಗಳಂತೂ ಹಿಂಸೆಗೆ ಪ್ರಚೋದನೆ ನೀಡುವಂತಿರುತ್ತವೆ ಎಂದು ಆಫ್ಕಾಂ ಹೇಳಿದೆ.
ಭಯೋತ್ಪಾದನಾ ಚಟುವಟಿಕೆಗಳಿಗೆ ಪ್ರಚೋದನೆ ಮತ್ತು ಧನಸಹಾಯ ನೀಡಿದ ಆರೋಪದಲ್ಲಿ ಜಾಕೀರ್ ನಾಯ್ಕ್ ಭಾರತ ಮತ್ತು ಬಾಂಗ್ಲಾದೇಶಗಳಿಗೆ ಬೇಕಾಗಿದ್ದಾನೆ. ಸದ್ಯ ಆತ ಮಲೇಷ್ಯಾದಲ್ಲಿ ಶರಣಾಗತಿ ಪಡೆಯಲು ಯತ್ನಿಸುತ್ತಿದ್ದಾನೆ ಎನ್ನಲಾಗಿದೆ.
ಮಹಾರಾಷ್ಟ್ರದಿಂದ ಕರ್ನಾಟಕದ ತುಂಬೆಲ್ಲಾ ಕರೊನಾ ಕೇಕೆ: ಒಂದೇ ದಿನ 99 ಪ್ರಕರಣ!