ನವದೆಹಲಿ: ಅಮೆರಿಕದ ಗೃಹ ಕಾರ್ಯದರ್ಶಿ ಮೈಕ್ ಪಾಂಪಿಯೋ ತಮ್ಮ ಖಾಸಗಿ ಟ್ವೀಟರ್ ಖಾತೆಯಲ್ಲಿ ಮೇಲಿನ ಫೋಟೋ ಶೇರ್ ಮಾಡಿದ್ದಾರೆ.
ಮನೆಯ ನೆಚ್ಚಿನ ಶ್ವಾನ ಮರ್ಸರ್ ಆಟಿಕೆಗಳನ್ನೆಲ್ಲ ಗುಡ್ಡೆ ಹಾಕಿಕೊಂಡು ಅವುಗಳನ್ನೆಲ್ಲ ಕಚ್ಚಿ ಹಾಳು ಮಾಡುತ್ತಿದೆ. ನಾಯಿಯ ಚೇಷ್ಟೆಯನ್ನು ಫೋಟೋದಲ್ಲಿ ಸೆರೆ ಹಿಡಿದಿದ್ದಾರೆ ಎಂಬುದಷ್ಟೇ ಇದರ ಅರ್ಥವಲ್ಲ. ಚೀನಾ ಸರ್ಕಾರಕ್ಕೊಂದು ಸಂದೇಶವೂ ಇದರಲ್ಲಿದೆ.
ಇದನ್ನೂ ಓದಿ; ಕರೊನಾ ಲಸಿಕೆ ಸಂಶೋಧನೆಯಲ್ಲಿ ರಷ್ಯಾ ಮುಂಚೂಣಿಗೆ ಬಂದಿದ್ದಕ್ಕೆ ಇದೇ ಕಾರಣವೇ?
ಚಿತ್ರದಲ್ಲಿ ಗೂಡಾರ್ಥವೂ ಅಡಗಿದೆ. ಇದು ಚೀನಾ ಅಧ್ಯಕ್ಷ ಕ್ಸಿ ಜಿನ್ಪಿಂಗ್ಗೆ ಮಾಡಿದ ಅವಮಾನ ಎಂದು ನೆಟ್ಟಿಗರು ಪಾಂಪಿಯೋ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಸುಳ್ಳುಗಳ ರಾಜ ಪಾಂಪಿಯೋ ಎಂದು ಜರಿದಿದ್ದಾರೆ.
ಇಷ್ಟಕ್ಕೂ ಚೀನಾ ಅಧ್ಯಕ್ಷರಿಗೆ ಅವಮಾನ ಆಗುವಂಥಾದ್ದು ಈ ಫೋಟೋದಲ್ಲಿ ಏನಿದೆ ಎನ್ನುತ್ತೀರಾ…
ನಾಯಿ ಕಚ್ಚಿ ಬಿಸಾಕಿರುವ ಆಟಿಕೆಗಳಲ್ಲಿ ‘ವಿನ್ನಿ ದಿ ಫೂ’ ಎಂಬ ಕಾರ್ಟೂನ್ ಪಾತ್ರದ ಆಟಿಕೆಯೂ ಇದೆ. ಚೀನಾ ಅಧ್ಯಕ್ಷರಿಗೆ ಅಮೆರಿಕದಲ್ಲಿ ಇದೇ ಹೆಸರಿನಿಂದ ಲೇವಡಿ ಮಾಡಲಾಗುತ್ತದೆ. ಅದೇ ಆಟಿಕೆ ಪಾಂಪಿಯೋ ನಾಯಿ ಮುಂದೆ ಬಿದ್ದಿದೆ.
ಇದನ್ನೂ ಓದಿ; ಎನ್ಕೌಂಟರ್ಗೆ ಬಲಿಯಾದ ವಿಕಾಸ್ ದುಬೆ ಸಹಚರನ ವಯಸ್ಸು ಕೇವಲ ಹದಿನಾರು; ಪಿಯುಸಿನಲ್ಲಿ ಫಸ್ಟ್ ಕ್ಲಾಸ್…!
ಇದನ್ನು ಅರ್ಥೈಸಿಕೊಂಡೇ ಚೀನಿಯರು ಪಾಂಪಿಯೋ ವಿರುದ್ಧ ಸಿಡಿದೆದಿದ್ದಾರೆ. ಹಲವು ಮೀಮ್ಗಳ ಮೂಲಕ ಅವರನ್ನು ವ್ಯಂಗ್ಯ ಮಾಡುತ್ತಿದ್ದಾರೆ. ಈ ಹಿಂದೆಯೂ ಚೀನಾ ಅಧ್ಯಕ್ಷರನ್ನು ವಿವಿಧ ಹೆಸರುಗಳಿಂದ ಲೇವಡಿ ಮಾಡಲಾಗುತ್ತಿತ್ತು.
ವರ್ಷಾನುಗಟ್ಟಲೇ ಸಿಗಲಿದೆ ಕೋವಿಡ್ನಿಂದ ರಕ್ಷಣೆ; ಆಕ್ಸ್ಫರ್ಡ್ ಲಸಿಕೆ ಹುಟ್ಟಿಸಿದೆ ಹೊಸ ಭರವಸೆ