ನವದೆಹಲಿ: ಇಡೀ ಜಗತ್ತು ಕೋವಿಡ್ ಸಂಕಷ್ಟದಲ್ಲಿದೆ. ಆದರೆ, ಇಡೀ ಜಗತ್ತಿಗೆ ಭಾರತದ ಮೇಲೆ ಅದೇನೋ ಭರವಸೆ. ಕಳೆದ 2-3 ತಿಂಗಳಿನಿಂದ ಭಾರತದಲ್ಲಿ ವಿದೇಶಿ ಕಂಪನಿಗಳು 1.5 ಲಕ್ಷ ಕೋಟಿ ರೂ. ಗೂ ಹೆಚ್ಚು ಹೂಡಿಕೆ ಮಾಡಿವೆ. ಇದು ಮೋದಿ ಸರ್ಕಾರದ ಮೇಲಿರುವ ವಿಶ್ವಾಸ ಹಾಗೂ ಭಾರತದ ಸಾಮರ್ಥ್ಯ ಎಂದೇ ವಿಶ್ಲೇಷಿಸಲಾಗಿದೆ.
ಏಪ್ರಿಲ್ – ಜುಲೈ ವರೆಗಿನ ಅವಧಿಯಲ್ಲಿ ಹತ್ತಾರು ವಿದೇಶಿ ಕಂಪನಿಗಳು ಭಾರತದ ರಿಲಯನ್ಸ್ ಸೇರಿ ಹಲವು ಕಂಪನಿ ಹಾಗೂ ವಿವಿಧ ಕ್ಷೇತ್ರಗಳಲ್ಲಿ ಬಂಡವಾಳ ತೊಡಗಿಸಿವೆ.
ಕೆಲ ಪ್ರಮುಖ ಬಂಡವಾಳ ಹೂಡಿಕೆ ವಿವರ ಇಲ್ಲಿದೆ.
1. ಗೂಗಲ್- 10 ಶತಕೋಟಿ ಡಾಲರ್.
2. ವಾಲ್ ಮಾರ್ಟ್- 1.2 ಶತಕೋಟಿ ಡಾಲರ್
3. ಫಾಕ್ಸ್ ಕಾನ್- (ಆ್ಯಪಲ್ಗೆ ಪ್ರಮುಖ ಪೂರೈಕೆದಾರ )-1 ಶತಕೋಟಿ ಡಾಲರ್
4. ಫೆಸ್ಬುಕ್- 5.7 ಶತಕೋಟಿ ಡಾಲರ್
5. ಕ್ವಾಲ್ಕಾಮ್- 9.7 ಕೋಟಿ ಡಾಲರ್
6. ಥಾಮ್ಸ್ನ್- 14.28 ಕೋಟಿ ಡಾಲರ್
7. ವೀ ವರ್ಕ್ ಗ್ಲೋಬಲ್- 10 ಕೋಟಿ ಡಾಲರ್
8. ಹಿತಾಚಿ- 15.9 ಕೋಟಿ ಡಾಲರ್
9. ಕಿಯಾ ಮೋಟರ್ಸ್- 5.4 ಕೋಟಿ ಡಾಲರ್
10. ಸೌದಿ ಅರೇಬಿಯಾದ ಪಿಐಎಫ್- 1.6 ಶತಕೋಟಿ ಡಾಲರ್
ಇದನ್ನೂ ಓದಿ; ಮಹಾಕ್ರಾಂತಿಗೆ ಸಜ್ಜಾಗಿದೆ ರಿಲಯನ್ಸ್ ರಿಟೇಲ್; ಅಮೆಜಾನ್, ವಾಲ್ಮಾರ್ಟ್ ದೈತ್ಯರಿಗೆ ಶುರುವಾಯ್ತು ಭೀತಿ
ಇದಲ್ಲದೇ, ಹುಂಡೈ ಮೋಬಿಸ್ ತನ್ನ ಕಾರ್ಯಕ್ಷೇತ್ರವನ್ನು ವಿಸ್ತರಿಸುತ್ತಿದೆ. ಅಮೆಜಾನ್ ಕಂಪನಿ ಭಾಗಿದಾರ ಎಸ್ಜಿಎಸ್ ಕಂಪನಿ ಪ್ರಥಮ ಮಾನ್ಯತಾ ಕೇಂದ್ರವನ್ನು ಆರಂಭಿಸಿದೆ. ಅಂತೆಯೇ, ಸಾಫ್ಟವೇರ್ ಕಂಪನಿ ಎಕ್ಸ್ಟ್ರಿಯಾ, ಆ್ಯಪ್ ಆಧಾರಿತ ಕಂಪನಿಗಳಿಗೆ ನೆರವು ನೀಡುವ ಎಫ್5, ಜತೆಗೆ ಎಲೆಕ್ಟ್ರಾನಿಕ್ ಕಂಪನಿ ತ್ಸುಜುಕಿ ಹರಿಯಾಣದಲ್ಲಿ ಕೇಂದ್ರವನ್ನು ತೆರೆದಿದೆ.
ಇನ್ನು ಜಾಗತಿಕ ದೈತ್ಯ ಕಂಪನಿ ಸ್ಯಾಮ್ಸಂಗ್ 18 ಸ್ಮಾರ್ಟ್ವಾಚ್ಗಳ ಪೂರ್ಣ ಪ್ರಮಾಣದ ಉತ್ಪಾದನೆಯನ್ನು ಭಾರತದಲ್ಲಿಯೇ ಆರಂಭಿಸಿದೆ. ಜತೆಗೆ, 4ಜಿ ಆಧಾರಿತ ಸ್ಮಾರ್ಟ್ವಾಚ್ಅನ್ನು ಕೂಡ ಭಾರತದಲ್ಲಿಯೇ ತಯಾರಿಸುತ್ತಿದೆ.
ವರ್ಷಾನುಗಟ್ಟಲೇ ಸಿಗಲಿದೆ ಕೋವಿಡ್ನಿಂದ ರಕ್ಷಣೆ; ಆಕ್ಸ್ಫರ್ಡ್ ಲಸಿಕೆ ಹುಟ್ಟಿಸಿದೆ ಹೊಸ ಭರವಸೆ