ನವದೆಹಲಿ: 2022-23ನೇ ಸಾಲಿನ ಆದಾಯ ತೆರಿಗೆ ವಿವರ (ಐಟಿಆರ್) ಸಲ್ಲಿಸುವ ಅವಧಿ ಡಿ. 31ರವರೆಗೆ ವಿಸ್ತರಿಸಲಾಗಿದೆ. ಬಡ್ಡಿ ಹಾಗೂ ನಿಗದಿತ ದಂಡ ಶುಲ್ಕದೊಂದಿಗೆ ಐಟಿಆರ್ ಸಲ್ಲಿಸಬಹುದಾಗಿದ್ದು, ವೈಯಕ್ತಿಕ ಹಾಗೂ ಕಾರ್ಪೊರೇಟ್ ಸಹಿತ ಎಲ್ಲ ವಿಭಾಗಗಳಿಗೆ ಈ ವಿಸ್ತರಣೆ ಅನ್ವಯವಾಗಲಿದೆ.
2022-23ನೇ ಹಣಕಾಸು ವರ್ಷದ, ಅಂದರೆ 2023&2024ನೇ ಅಸೆಸ್ಮೆಂಟ್ ವರ್ಷದ ಐಟಿಆರ್ ಸಲ್ಲಿಕೆ ಗಡುವು 2023ರ ಜು. 31ರಂದು ಕೊನೆಗೊಂಡಿತ್ತು. ಸಲ್ಲಿಸಲು ವಿಲರಾದ ವೈಯಕ್ತಿಕ ಆದಾಯ ತೆರಿಗೆದಾರರು ಡಿ. 31ರೊಳಗೆ ಸಲ್ಲಿಸಬಹುದೆಂದು ತಿಳಿಸಲಾಗಿದೆ.
ಕಾನೂನಿನನ್ವಯ ವಿಳಂಬವಾಗಿ ಐಟಿಆರ್ ಸಲ್ಲಿಸುವವರು 5 ಸಾವಿರ ರೂ. ದಂಡ ಶುಲ್ಕ ಪಾವತಿಸಬೇಕಾಗುತ್ತದೆ. ಆದರೆ, ವಾರ್ಷಿಕ ಒಟ್ಟು ಆದಾಯ 5 ಲಕ್ಷ ರೂ.ಗಿಂತ ಕೆಳಗಿದ್ದರೆ ದಂಡದ ಪ್ರಮಾಣ ಒಂದು ಸಾವಿರ ರೂ. ಆಗಿರಲಿದೆ. ಈ ನಡುವೆ, ಐಟಿಆರ್ ಸಲ್ಲಿಕೆಗೆ ಸಂಬಂಧಿಸಿದ ಕೆಲವು ಪ್ರಮುಖ ವಿವರಗಳನ್ನು ಹಣಕಾಸು ಸಚಿವಾಲಯ ಎಕ್ಸ್ನಲ್ಲಿ ವಿಕಸಿತ್ಭಾರತ್ ಮತ್ತು ಫಿನ್ಮಿನ್ರಿವ್ಯೂ2023 ಹ್ಯಾಶ್ಟ್ಯಾಗ್ನೊಂದಿಗೆ ಹಂಚಿಕೊಂಡಿದೆ.