ಬೀಜಿಂಗ್: ಹುಟ್ಟುಹಬ್ಬ ಎಂದ ಮೇಲೆ ಸ್ನೇಹಿತರು, ಆಪ್ತರ ಜತೆ ಸೇರಿ ಕೇಕ್ ಕತ್ತರಿಸಿ, ಅವರಿಗೂ ತಿನ್ನಿಸಿ ತಾನೂ ತಿನ್ನುವುದು ಸಾಮಾನ್ಯ. ಆದರೆ ಕರೊನಾ ಪಿಡುಗಿನ ಸಂದರ್ಭದಲ್ಲಿ ಹಸಿದ ಗ್ರಾಹಕರಿಗೆ ಆಹಾರ ತಲುಪಿಸುವ, ಅನಾರೋಗ್ಯಪೀಡಿತ ಗ್ರಾಹಕರಿಗೆ ಔಷಧಗಳನ್ನು ತಲುಪಿಸುವ ಕಾಯಕದಲ್ಲಿ ನಿಸ್ವಾರ್ಥವಾಗಿ ತೊಡಗಿಕೊಂಡಿರುವವರು ಅನೇಕರು.
ಚೀನಾದ ವುಹಾನ್ನಲ್ಲಿ ಒಬ್ಬ ಡೆಲಿವರಿ ಬಾಯ್ ಕೂಡ ಹೀಗೆಯೇ ತನ್ನ ಹುಟ್ಟುಹಬ್ಬವನ್ನು ಮರೆತು, ಜನರಿಗೆ ಆಹಾರ, ಔಷಧ ತಲುಪಿಸುವ ಕಾಯಕದಲ್ಲಿ ತೊಡಗಿದ್ದ. ಅದು ಯಾವ ಸಂದರ್ಭದಲ್ಲಿ, ಅದು ಯಾವ ಗ್ರಾಹಕರಿಗೆ ಸರಿಯಾದ ಸಮಯದಲ್ಲಿ ಅವರಿಗೆ ಬೇಕಾಗಿದ್ದ ವಸ್ತುವನ್ನು ಈತ ತಲುಪಿಸಿದ್ದನೋ ಗೊತ್ತಿಲ್ಲ. ಆದರೆ, ಆ ವ್ಯಕ್ತಿ ಈತನ ಸಹಾಯವನ್ನು ನೆನಪಿಟ್ಟುಕೊಂಡಿದ್ದ. ಹಾಗೆಯೇ ಈತನ ಹುಟ್ಟಿದ ದಿನವನ್ನು ಗುರುತು ಹಾಕಿಕೊಂಡಿದ್ದ.
ಸರಿಯಾಗಿ ಆ ಡೆಲಿವರಿ ಬಾಯ್ನ ಹುಟ್ಟುಹಬ್ಬದ ದಿನದಂದು ತನಗೆ ಪ್ರಿಯವಾದ ಬೇಕರಿಯೊಂದರಲ್ಲಿ ಆ ಹುಡುಗನ ಹೆಸರಿಗೆ ಕೇಕ್ ಅನ್ನು ಬುಕ್ ಮಾಡಿ, ಆತ ಬಂದಾಗ ಕೊಡುವಂತೆ ಅಂಗಡಿಯವರಿಗೆ ಸೂಚಿಸಿದ್ದ. ಹಾಗೆಯೇ ಆ ಆರ್ಡರ್ ಅನ್ನು ಪಿಕ್ ಮಾಡಲು ಈ ಡೆಲಿವರಿ ಬಾಯ್ ಅನ್ನೇ ಕಳುಹಿಸುವಂತೆ ಆರ್ಡರ್ ಪಡೆದುಕೊಂಡ ಕಂಪನಿಯವರಿಗೂ ಮನವಿ ಮಾಡಿಕೊಂಡಿದ್ದ.
ಅದರಂತೆ ಆರ್ಡರ್ ಪಿಕ್ ಮಾಡಲು ಆ ಡೆಲಿವರಿ ಬಾಯ್ ಬೇಕರಿಗೆ ಹೋದಾಗ, ಈ ಕೇಕ್ ನಿನಗಾಗಿ ಯಾರೋ ಗ್ರಾಹಕರು ಆರ್ಡರ್ ಮಾಡಿದ್ದು ಎಂದು ಬೇಕರಿಯವರು ಹೇಳಿದಾಗಲೇ ಆತನಿಗೆ ತನ್ನ ಹುಟ್ಟಿದಹಬ್ಬದ ನೆನಪಾಯಿತು.
ಆದರೂ ನಂಬದ ಆತ, ಪದೇಪದೆ ಕೇಳಿ ಅದು ತನಗೆ ಯಾರೋ ಆರ್ಡರ್ ಮಾಡಿದ್ದು ಎಂಬುದನ್ನು ಖಚಿತಪಡಿಸಿಕೊಂಡ. ಬೇಕರಿಯವರು ಹೌದು ಎಂದು ಹೇಳಿದಾಗ, ಆ ಕೇಕ್ ಅನ್ನು ಪಡೆದ ಆತ ಬೇಕರಿ ಮೆಟ್ಟಿಲ ಮೇಲೆ ಕುಳಿತು ಕೇಕ್ ಅನ್ನು ತಿನ್ನುತ್ತಾ ಕಣ್ಣೀರು ಸುರಿಸಿದ ದೃಶ್ಯ ಮನಕಲಕುವಂತಿದೆ.
ರಿಲಯನ್ಸ್ ಇಂಡಸ್ಟ್ರೀಸ್ನ ನಿವ್ವಳ ಲಾಭದಲ್ಲಿ ಶೇ.39 ಕುಸಿತ, ಇದಕ್ಕಿದೆ ಬೇರೆಯೇ ಕಾರಣ