ಮಿಝೋರಾಮ್: ನಾವು ಚಿನ್ನ, ಹಳೆಯ ಮೂರ್ತಿಗಳು, ಮಾದಕ ವಸ್ತು, ಹೀಗೆ ಅನೇಕ ರೀತಿಯ ವಸ್ತುಗಳ ಕಳ್ಳ ಸಾಗಾಣಿಕೆಯ ಬಗ್ಗೆ ಕೇಳಿದ್ದೇವೆ. ಆದರೆ ಸಿಗರೆಟ್ನ ಕಳ್ಳ ಸಾಗಾಣಿಕೆ ಬಗ್ಗೆ ಅನೇಕರು ಕೇಳಿರಲಿಕ್ಕಿಲ್ಲ.
ಮಿಝೋರಾಮ್ನ ಛಂಫಯ್ ಎಂಬಲ್ಲಿ ಅಸ್ಸಾಂ ರೈಫಲ್ಸ್ ಪಡೆ ಸುಮಾರು ಐದು ಕೋಟಿಗೂ ಅಧಿಕ ಮೊತ್ತದ ವಿದೇಶೀ ಸಿಗರೆಟ್ಗಳನ್ನು ವಶಕ್ಕೆ ಪಡೆದುಕೊಂಡಿದೆ ಎಂದು ಜಿಲ್ಲೆಯ ಅಧಿಕಾರಿಗಳು ತಿಳಿಸಿದರು.
‘ಅಸ್ಸಾಂ ರೈಫಲ್ಸ್ನ ಇನ್ಸ್‌ಪೆಕ್ಟರ್ ಜನರಲ್ ನೇತೃತ್ವದಲ್ಲಿ ಸೆರ್ಚಿಪ್ ಬೆಟಾಲಿಯನ್, ಟಿಯು ನದಿಯ ಬಳಿಯ ರುವಾಂಟ್ಲಾಂಗ್ ಪ್ರದೇಶದಲ್ಲಿ 5.46 ಕೋಟಿ ರೂಪಾಯಿ ಮೌಲ್ಯದ 420 ವಿದೇಶಿ ಸಿಗರೇಟ್‌ ಪ್ಕ್ಸ್ಯಾಕ್ ತುಂಬಿದ ಭಾಕ್ಸ್ಗಳನ್ನು ವಶಪಡಿಸಿಕೊಂಡಿದೆ’ ಎಂದು ಅಧಿಕೃತ ವರದಿಯಲ್ಲಿ ಉಲ್ಲೇಖಿಸಲಾಗಿದೆ. ಈ ಮೂಲಕ ಕಳ್ಳಸಾಗಣೆ ಚಟುವಟಿಕೆಗಳ ವಿರುದ್ಧದ ಹೋರಾಟದಲ್ಲಿ ಮತ್ತೊಂದು ಯಶಸ್ಸು ದೊರಕಿದೆ.
‘ವಶಪಡಿಸಿಕೊಂಡ ವಸ್ತುಗಳು ಟಿಯು ನದಿ ಬಳಿಯ ರುವಾಂಟ್ಲಾಂಗ್ ಪ್ರದೇಶದಲ್ಲಿ ಪತ್ತೆಯಾಗಿವೆ. ಅವುಗಳನ್ನು ಕಸ್ಟಮ್ಸ್ ಅಧಿಕಾರಿಗಳಿಗೆ ಮುಂದಿನ ವಿಚಾರಣೆಗಾಗಿ ಹಸ್ತಾಂತರಿಸಲಾಗಿದೆ’ ಎಂದು ಅಸ್ಸಾಂ ರೈಫಲ್ಸ್ನ ಅಧಿಕಾರಿಯೊಬ್ಬರು ತಿಳಿಸಿದರು. (ಏಜೆನ್ಸೀಸ್)