ಇಸ್ಲಮಾಬಾದ್: ಪಾಕಿಸ್ತಾನ ಕ್ರಿಕೆಟ್ ತಂಡದ ಮಾಜಿ ನಾಯಕ ಶಾಹೀದ್ ಅಫ್ರಿದಿ ಮಗಳು ಅನ್ಸಾ ಅಫ್ರಿದಿಗೆ ಶಾದಿ ಭಾಗ್ಯ ಕೂಡಿ ಬಂದಿದ್ದು, ಪ್ರಸ್ತುತ ಪಾಕ್ ತಂಡದ ವೇಗದ ಬೌಲರ್ ಶಾಹೀನ್ ಷಾ ಅಫ್ರಿದಿಯನ್ನು ಅನ್ಸಾ ವರಿಸಲಿದ್ದಾರೆ. ಸದ್ಯದಲ್ಲಿ ಇಬ್ಬರ ನಿಶ್ಚಿತಾರ್ಥ ನಡೆಯಲಿದೆ ಎಂದು ಅಫ್ರಿದಿ ಕುಟುಂಬ ಖಚಿತಪಡಿಸಿವೆ.
ಭಾನುವಾರ ಟ್ವೀಟ್ ಮಾಡಿರುವ ಶಾಹೀದ್ ಅಫ್ರಿದಿ, ನನ್ನ ಮಗಳಿಗಾಗಿ ಶಾಹೀನ್ ಕುಟುಂಬ ನಮ್ಮನ್ನು ಸಂಪರ್ಕಿಸಿದೆ. ಸದ್ಯ ಇಬ್ಬರ ಮದುವೆಗೆ ಎರಡು ಕುಟುಂಬದ ಸಮ್ಮತಿ ಇದೆ. ಪಂದ್ಯಗಳನ್ನು ಸ್ವರ್ಗದಲ್ಲಿ ಮಾಡುವಂತೆ, ಈ ಪಂದ್ಯವನ್ನು (ಮದುವೆ) ಸಹ ದೇವರು ಸಿದ್ಧಪಡಿಸಿದ್ದಾನೆ. ಮೈದಾನ ಮತ್ತು ಅದರಿಂದಾಚೆಗೆ ಶಾಹೀನ್ ಒಳ್ಳೆಯ ಯಶಸ್ಸು ಸಿಗಲೆಂದು ನಾನು ಪಾರ್ಥಿಸುತ್ತೇನೆ. ಆದಷ್ಟು ಬೇಗ ನಿಶ್ಚಿತಾರ್ಥ ನೆರವೇರಿಸಲಾಗುವುದು ಎಂದು ಅಫ್ರಿದಿ ತಿಳಿಸಿದ್ದಾರೆ.
ಇದನ್ನೂ ಓದಿರಿ: ಕುಸಿದ ಆದಾಯ ಸಂಪನ್ಮೂಲ ಸಂಗ್ರಹದ ಸವಾಲು; ಬಜೆಟ್ ಸರಣಿ ಲೇಖನ
Shaheen's family approached my family for my daughter. Both families are in touch, matches are made in heaven, if Allah wills this match will be made too. My prayers are with Shaheen for his continued success on and off the field.
— Shahid Afridi (@SAfridiOfficial) March 7, 2021
ಅಫ್ರಿದಿ ಮನೆಗೆ ಮದುವೆ ಪ್ರಸ್ತಾವನೆ ಕಳುಹಿಸಿದ್ದಾಗಿ ಮತ್ತು ಅದನ್ನು ಅಫ್ರಿದಿ ಕುಟುಂಬ ಒಪ್ಪಿರುವ ವಿಚಾರವನ್ನು ಶಾಹೀನ್ ತಂದೆ ಅಯಾಜ್ ಖಾನ್ ಸಹ ಖಚಿತಪಡಿಸಿದ್ದಾರೆ. ಕಳೆದ ಕೆಲವು ತಿಂಗಳಿಂದ ಎರಡು ಕುಟುಂಬ ಮದುವೆ ಬಗ್ಗೆ ಚರ್ಚೆ ಮಾಡುತ್ತಿದ್ದೆವು. ಇದೀಗ ಇಬ್ಬರ ನಡುವೆ ಮಾತುಕತೆ ನಡೆದಿರುವುದು ಸಂತಸದ ವಿಚಾರ. ಆದಷ್ಟು ಬೇಗ ದಿನಾಂಕ ನಿಗದಿಯಾಗುವ ಭರವಸೆ ಇದೆ ಎಂದು ಅಯಾಜ್ ಖಾನ್ ಹೇಳಿದ್ದಾರೆ.
ಅಫ್ರಿದಿ ಟ್ವೀಟ್ಗ ಪ್ರತಿಕ್ರಿಯೆ ನೀಡಿರುವ ಶಾಹೀನ್, ನಿಮ್ಮ ಪ್ರಾರ್ಥನೆಗೆ ಧನ್ಯವಾದಗಳು. ನೀವು ನಮ್ಮ ರಾಷ್ಟ್ರದ ಹೆಮ್ಮೆ ಎಂದಿದ್ದಾರೆ.
ಇದನ್ನೂ ಓದಿರಿ: ಆಂತರಿಕ ದೂರು ಸಮಿತಿ ನಿರ್ಲಕ್ಷೃ, ಲೈಂಗಿಕ ಕಿರುಕುಳ ತಡೆ ಕ್ರಮದ ಕಡೆಗೆ ನಿರುತ್ಸಾಹ
Alhumdulillah. Thanks Lala for your prayers. May Allah SWT make things easier for everyone. You are the pride of entire nation. https://t.co/xfQYnb0ONZ
— Shaheen Shah Afridi (@iShaheenAfridi) March 7, 2021
ಇನ್ನು ಅಫ್ರಿದಿ ಮತ್ತು ಶಾಹೀನ್ ಇಬ್ಬರು ಪಾಕಿಸ್ತಾನ ಸೂಪರ್ ಲೀಗ್ ಪಂದ್ಯದಲ್ಲಿ ಆಡಿದ್ದಾರೆ. (ಏಜೆನ್ಸೀಸ್)
ಏಪ್ರಿಲ್ 9 ರಿಂದ 14ನೇ ಐಪಿಎಲ್, ಬೆಂಗಳೂರು ಸೇರಿದಂತೆ 6 ನಗರಗಳಲ್ಲಿ ಲೀಗ್
ವೀಕ್ಷಕರ ಪ್ರಕಾರ ಈ ಬಾರಿಯ ಬಿಗ್ಬಾಸ್ ಮನೆಯಲ್ಲಿ ಭಾರಿ ಸದ್ದು ಮಾಡುವ ಸ್ಪರ್ಧಿಗಳು ಯಾರ್ಯಾರು?