ನವದೆಹಲಿ: ಓರ್ವ ಮಹಿಳಾ ಅಧಿಕಾರಿ ಸೇರಿದಂತೆ ಮೂವರು ಐಪಿಎಸ್ ಅಧಿಕಾರಿಗಳ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಮೂವರು ಸಹ ಒಡಹುಟ್ಟಿದವರೆಂದು ಹೇಳಲಾಗಿದೆ.
ಇಬ್ಬರು ಸಹೋದರರು ಮತ್ತು ಸಹೋದರಿ ಐಪಿಎಸ್ ಅಧಿಕಾರಿಗಳಾಗಿದ್ದಾರೆ. ಹುಡುಗಿ ಹೊರೆಯಲ್ಲ ಎಂಬುದನ್ನು ನಾವೆಲ್ಲರು ಅರ್ಥಮಾಡಿಕೊಳ್ಳಬೇಕೆಂದು ಅಡಿಬರಹ ಬರೆದು ಟ್ವಿಟರ್ ಬಳಕೆದಾರರೊಬ್ಬರು ಫೋಟೋ ಪೋಸ್ಟ್ ಮಾಡಿದ್ದಾರೆ. ಇದೀಗ ಫೋಟೋ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಇನ್ನು ಫೋಟೋ ಕುರಿತು ನ್ಯೂಸ್ ಮೀಟರ್ ಫ್ಯಾಕ್ಟ್ಚೆಕ್ ನಡೆಸಿದ್ದು, ಗೂಗಲ್ ರಿವರ್ಸ್ ಇಮೇಜ್ ಸರ್ಚ್ ಇಂಜಿನ್ನಲ್ಲಿ ಹುಡುಕಾಡಿದಾಗ ಇದೇ ಫೋಟೋ ಐಪಿಎಸ್ ಪ್ರೊಬೇಷನರ್ ಪೂಜಾ ವಶಿಷ್ಠ ಹೆಸರಿನ ಇನ್ಸ್ಟಾಗ್ರಾಂ ಖಾತೆ ಪತ್ತೆಯಾಯಿತು. ಪೂಜಾ ಅವರು ಫೋಟೋ ಪೋಸ್ಟ್ ಮಾಡಿ ತುಷಾರ್ ಗುಪ್ತ ಮತ್ತು ಶ್ರುತ್ ಕಿರ್ತಿ ಸೊಮವಂಶಿ ಟ್ಯಾಗ್ ಮಾಡಿದ್ದಾರೆ.
ಇದನ್ನೂ ಓದಿ: ಶತ್ರುಗಳ ಎದೆಯಲ್ಲಿ ನಡುಕ ಹುಟ್ಟಿಸುವ ರಫೇಲ್ ರಣಬೇಟೆಗಾರ ವಾಯುಪಡೆಗೆ ಅಧಿಕೃತ ಸೇರ್ಪಡೆ!
ತುಷಾರ್ ಗುಪ್ತ ಸಹ 2020 ಆಗಸ್ಟ್ 22ರಂದು ಇದೇ ಫೋಟೋವನ್ನು ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದ್ದು, ಪೂಜಾ ಮತ್ತು ಸೊಮವಂಶಿ ಗೆ ಟ್ಯಾಗ್ ಮಾಡಿದ್ದಾರೆ. ಆದರೆ, ಮೂವರ ಕೊನೆ ಹೆಸರುಗಳು ಬೇರೆ ಆಗಿರುವುದರಿಂದ ಅವರು ಒಡಹುಟ್ಟಿದವರಲ್ಲ ಎಂಬ ಸಣ್ಣ ಸುಳಿವು ದೊರೆಯುತ್ತದೆ.
ಇದೇ ವೇಳೆ ನ್ಯೂಸ್ ಮೀಟರ್ 2018ರಿಂದ ಇಂಡಿಯನ್ ಪೊಲೀಸ್ ಸರ್ವೀಸ್ ವೆಬ್ಸೈಟ್ನಲ್ಲಿ ಅಪ್ಲೋಡ್ ಮಾಡಿರುವ ಅಭ್ಯರ್ಥಿಗಳ ಪಟ್ಟಿಯನ್ನು ಸಂಗ್ರಹಿಸಿತು. ಇದರ ಪ್ರಕಾರ ಫೋಟೋದಲ್ಲಿರುವ ಮೂವರು ಸಹ ಬೇರೆ ಬೇರೆ ರಾಜ್ಯದವರೆಂದು ತಿಳಿದುಬಂದಿದೆ. ತುಷಾರ್ ಪಂಜಾಬಿನವರಾದರೆ, ಪೂಜಾ ಹರಿಯಾಣದವರು ಮತ್ತು ಸೊಮವಂಶಿ ಉತ್ತರ ಪ್ರದೇಶದವರು.
ಹೀಗಾಗಿ ವೈರಲ್ ಫೋಟೋದಲ್ಲಿ ಹೇಳಿರುವಂತೆ ಮೂವರು ಒಡಹುಟ್ಟಿದವರಲ್ಲ. ಮೂವರು ಬೇರೆ ರಾಜ್ಯದವರಾಗಿದ್ದು, ಒಂದೇ ಬ್ಯಾಚ್ನ ಐಪಿಎಸ್ ಅಧಿಕಾರಿಗಳಾಗಿದ್ದಾರೆ. (ಏಜೆನ್ಸೀಸ್)
ಈ ಭಯಾನಕ ಘಟನೆ ಕೇರಳದಲ್ಲಿ ನಡೆಯಿತಾ? ವೈರಲ್ ವಿಡಿಯೋ ಹಿಂದಿನ ಅಸಲಿಯತ್ತು ಬಹಿರಂಗ!