ಬೆಂಗಳೂರು: ಬಿಗ್ ಎಕ್ಸ್ಪೋಸ್ ಎಂಬ ಶೀರ್ಷಿಕೆ ಅಡಿ ಆಕಾಶ್ನೂರ್ ಸಿಂಗ್ ಗದ್ರಿ ವಿಡಿಯೋ ಒಂದನ್ನು ಟ್ವಿಟರ್ನಲ್ಲಿ ಅಪ್ಲೋಡ್ ಮಾಡಿದ್ದು, ಕೇಂದ್ರ ಕೃಷಿ ಸಚಿವ ನರೇಂದ್ರ ಸಿಂಗ್ ತೋಮರ್ ಅವರು ಕೃಷಿ ಕಾನೂನುಗಳನ್ನು ಅಂಬಾನಿ, ಅದಾನಿಗಳ ಪರವಾಗಿ ಜಾರಿಗೊಳಿಸಲಾಗುತ್ತಿದೆ ಎಂದು ಒಪ್ಪಿಕೊಂಡಿರುವುದಾಗಿ ಪೋಸ್ಟ್ ಮಾಡಿದ್ದಾರೆ. ಈ ಪೋಸ್ಟ್ ವೈರಲ್ ಆಗುತ್ತಿದ್ದಂತೆ, ಮತ್ತೊಂದು ಪೋಸ್ಟ್ ಮಾಡಿರುವ ಗದ್ರಿ, ಟ್ವಿಟರ್ನಲ್ಲಿ ಸಚಿವ ತೋಮರ್ ಅವರು ತಮ್ಮನ್ನು ಬ್ಲಾಕ್ ಮಾಡಿಕೊಳ್ಳುವ ಮೂಲಕ ನಿಜ ಒಪ್ಪಿಕೊಂಡಿದ್ದಾರೆ ಎಂದೂ ಹೇಳಿಕೊಂಡಿದ್ದಾರೆ.
ಗದ್ರಿ ಶೇರ್ ಮಾಡಿದ ವಿಡಿಯೋ ಕೆಟಿವಿ ಗ್ಲೋಬಲ್ ಎಂಬ ಯೂಟ್ಯೂಬ್ ಚಾನೆಲ್ನಲ್ಲಿ ಪ್ರಸಾರವಾದುದು. ಈ ಚಾನೆಲ್ ಭಾರತದಲ್ಲಿ ಲಭ್ಯವಿಲ್ಲ. ಬ್ರಿಟನ್ ಮೂಲದ ಚಾನೆಲ್ ಇದು. ಟ್ವಿಟರ್ ವೆರಿಫೈಡ್ ಖಾತೆ ಹೊಂದಿರುವ ಗದ್ರಿ ಪಂಜಾಬಿನವರಾದರೂ ಇರುವುದು ಅಮೆರಿಕ ಎಂಬುದನ್ನು ಟ್ವಿಟರ್ ಖಾತೆಯಲ್ಲಿ ಅಪ್ಡೇಟ್ ಮಾಡಿದ್ದಾರೆ.
ಇದನ್ನೂ ಓದಿ: ಹೈಸ್ಕೂಲ್ ಮಕ್ಕಳಿಗೆ ಇಲ್ಲಿದೆ ಮಹತ್ವದ ಮಾಹಿತಿ: ಸಂವೇದಾ ಇ-ಕ್ಲಾಸ್ ವೇಳೆ ಬದಲು
Big Expose!
In the meeting yesterday with farmers agriculture minister @nstomar admitted that farm laws have been passed at the behest of Ambani and Adani.
He told farmers that if we try to take back these laws now then Ambani and Adani will come to us and tell us not to do so. pic.twitter.com/FKk5IDjvuS— Akashnoor Singh Gadri (@AkashGadri) December 4, 2020
ವಿಡಿಯೋ ದೃಶ್ಯಾವಳಿಯಲ್ಲಿ ಹಸಿರು ಟರ್ಬನ್ ಸುತ್ತಿಕೊಂಡಿರುವ ಇಬ್ಬರು ರೈತ ನಾಯಕರಂತೆ ಟಿವಿ ಚಾನೆಲ್ಗೆ ಹೇಳಿಕೆ ನೀಡಿದ್ದು, ಅವರಲ್ಲೊಬ್ಬಾತ ಹೇಳಿದ್ದಿಷ್ಟು – ಒಂದೊಮ್ಮೆ ನಾನು ಇವತ್ತು ಕಾನೂನು ಹಿಂಪಡೆದರೆ ನಾಳೆ ಅದಾನಿ, ಅಂಬಾನಿಗಳು ಬಂದು ಬಿಡ್ತಾರೆ ಅಂತ ತೋಮರ್ ರೈತ ನಾಯಕರ ಸಭೆಯಲ್ಲಿ ಹೇಳಿದ್ರು.
ಇದನ್ನೂ ಓದಿ: 50 ರೂ ಸಂಭಾವನೆ ಪಡೆಯುತ್ತಿದ್ದ ಶಾರುಖ್ ಖಾನ್ ಕಡೆಯಿರುವ ಈ ನಾಲ್ಕು ಪ್ರಾಪರ್ಟಿ ಬೆಲೆ ಈಗ ಸಾವಿರ ಕೋಟಿ!?
Claim: A video claims that agriculture minister @nstomar said that agricultural reform laws have been passed at the behest of few industrialists.#PIBFactCheck: This claim is #Fake. No such statement has been made by the Union Agriculture Minister. pic.twitter.com/pgKMgXNVI2
— PIB Fact Check (@PIBFactCheck) December 4, 2020
ಆದರೆ, ಈ ಹಸಿರು ಟರ್ಬನ್ ಸುತ್ತಿಕೊಂಡ ನಾಯಕರು ಯಾರೆಂಬುದು ಬಹಿರಂಗವಾಗಿಲ್ಲ. ಈ ಸುದ್ದಿ ರಾಜಕೀಯ ಸಂಚಲನ ಮೂಡಿಸುತ್ತಿರುವಂತೆಯೇ ಪಿಐಬಿ ಫ್ಯಾಕ್ಟ್ಚೆಕ್ ಇದು ಸುಳ್ಳು ಸುದ್ದಿ ಎಂಬುದನ್ನು ನಿರೂಪಿಸಿತು. ಕೇಂದ್ರ ಸಚಿವ ನರೇಂದ್ರ ಸಿಂಗ್ ತೋಮರ್ ಇಂಥ ಹೇಳಿಕೆ ನೀಡಿಲ್ಲ ಎಂದು ಸ್ಪಷ್ಟಪಡಿಸಿತು.
‘ಹಿಂದುಗಳಾಗಿದ್ರೆ ಚರ್ಚ್ಗೆ ಹೋಗಬೇಡಿ, ಕ್ರಿಸ್ಮಸ್ನಲ್ಲಿ ಪಾಲ್ಗೊಳ್ಳಬೇಡಿ’: ಅಸ್ಸಾಂ ಬಜರಂಗ ದಳ ನಾಯಕನ ಹೇಳಿಕೆ