ಮುಂಬೈ: ಬಾಲಿವುಡ್ ಬಾದ್ಶಾ ಕಳೆದ ಎರಡು ವರ್ಷಗಳಿಂದ ತೆರೆಮೇಲೆ ಕಾಣಿಸಿಕೊಂಡಿಲ್ಲ. ಹಾಗಂತ ಸಿನಿಮಾದಿಂದ ಅವರೇನು ದೂರ ಉಳಿದಿಲ್ಲ. ತೆರೆ ಹಿಂದೆ ಸಿನಿಮಾ ನಿರ್ಮಾಣ ಸೇರಿ ಪ್ರೊಡಕ್ಷನ್ಸ್ ಕೆಲಸಗಳಲ್ಲಿ ತೊಡಗಿಸಿಕೊಂಡಿದ್ದರು. ಇತ್ತೀಚೆಗಷ್ಟೇ ಒಪ್ಪಿಕೊಂಡಿರುವ ಪಠಾಣ್ ಚಿತ್ರದ ಶೂಟಿಂಗ್ನಲ್ಲಿಯೂ ಅವರು ಭಾಗವಹಿಸಿದ್ದಾರೆ. ಇದೀಗ ಇದರ ಆಚೆಗೆ ಚೂರ ಕಣ್ಣಾಡಿಸಿದರೆ, ಶಾರುಖ್ ಖಾನ್ ಆಸ್ತಿ ಎಷ್ಟಿರಬಹುದು? ಎಂಬ ಆಲೋಚನೆ ಏನಾದರೂ ಬಂದರೆ, ಅವರ ಬಳಿ ಇರುವ ಕೇವಲ ನಾಲ್ಕೇ ನಾಲ್ಕು ಪ್ರಾಪರ್ಟಿ 1000 ಕೋಟಿಗೂ ಅಧಿಕ ಬೆಲೆ ಬಾಳುತ್ತವೆ!
ಇದನ್ನೂ ಓದಿ: ‘ಎಲ್ಲಿಂದ ಶುರು ಮಾಡಲಿ?’ ಎಂದು ಕೇಳಿದ್ದಾರೆ ನಟಿ ಸನ್ನಿ ಲಿಯೋನ್; ಯಾಕಿರಬಹುದು?
ಹೌದು, ಆರಂಭದ ದಿನಗಳಲ್ಲಿ ಶಾರುಖ್ ಖಾನ್ ತಮ್ಮ ಮೊದಲ ಸಂಭಾವನೆಯ ರೂಪದಲ್ಲಿ ಕೇವಲ 50ರೂ ಪಡೆದುಕೊಂಡಿದ್ದಾರೆ. ಈ ವಿಚಾರವನ್ನು ಈಗಾಗಲೇ ಶಾರುಖ್ ಖಾನ್ ಹಲವು ಸಂದರ್ಶನಗಳಲ್ಲಿ ಹೇಳಿದ್ದಾರೆ. ಇದೀಗ ಕಾಲ ಬದಲಾಗಿದೆ. ಶಾರುಖ್ ಕಡೆಯಿರುವ ಕೇವಲ ನಾಲ್ಕೇ ನಾಲ್ಕು ಪ್ರಾಪರ್ಟಿಯ ಬೆಲೆಯೇ ಸಾವಿರ ಕೋಟಿಗೂ ಅಧಿಕ.
ಇದನ್ನೂ ಓದಿ: ವಿಷ ಕಾರೋದು ಕಂಗನಾಗೆ ಅಭ್ಯಾಸವಾಗಿಬಿಟ್ಟಿದೆ: ಸ್ವರಾ ಭಾಸ್ಕರ್
1. ಮುಂಬೈನಲ್ಲಿರುವ ಮನ್ನತ್: ಮನೆ 2001 ರಲ್ಲಿ ಮುಂಬೈನ ಬಾಂಧ್ರಾದಲ್ಲಿನ ಮನ್ನತ್ ಬಂಗಲೆಯನ್ನು ಶಾರುಖ್ ಖಾನ್ ಖರೀದಿಸಿದ್ದರು. ಇದೀಗ ಆ ಮನೆಯ ಒಟ್ಟು ಮೌಲ್ಯ ಬರೋಬ್ಬರಿ 200 ಕೋಟಿ! ಆರಂಭದಲ್ಲಿ ವಿಲ್ಲಾ ವಿಯೇನಾ ಎಂಬ ಹೆಸರಿನ ಈ ಮನೆಯನ್ನು ಮನ್ನತ್ ಎಂದು ಶಾರುಖ್ ಬದಲಿಸಿದ್ದರು.
2. ಲಂಡನ್ನಲ್ಲಿರುವ ಐಷಾರಾಮಿ ಮನೆ: ಮುಂಬೈ ಸೇರಿ ಹಲವೆಡೆ ಮನೆಗಳನ್ನು ಹೊಂದಿರುವ ಶಾರುಖ್ ಖಾನ್ ಲಂಡನ್ನಲ್ಲೂ ಐಷಾರಾಮಿ ಬಂಗಲೆ ಹೊಂದಿದ್ದಾರೆ. ಲಂಡನ್ನ ದುಬಾರಿ ಪ್ರದೇಶದಲ್ಲಿ 200 ಕೋಟಿ ಬೆಲೆ ಬಾಳುವ ಮನೆಯನ್ನು ಶಾರುಖ್ ಹೊಂದಿದ್ದಾರೆ.
3. ರೆಡ್ ಚಿಲ್ಲೀಸ್ ಪ್ರೊಡಕ್ಷನ್ ಹೌಸ್: ಇನ್ನು ನಿರ್ಮಾಣ ಸಂಸ್ಥೆಯ ಮೌಲ್ಯವೂ ಅಷ್ಟೇ ದೊಡ್ಡ ಮಟ್ಟದಲ್ಲಿದೆ. 2002ರಲ್ಲಿ ಆರಂಭಿಸಿದ ರೆಡ್ ಚಿಲ್ಲೀಸ್ ಎಂಟರ್ಟೈನ್ಮೆಂಟ್ ಸಂಸ್ಥೆ ಇದೀಗ ಏನಿಲ್ಲ ಅಂದರೂ 500 ಕೋಟಿಗೆ ಬೆಲಬಾಳುತ್ತದೆ.
4. ಕೋಲ್ಕತ್ತ ನೈಟ್ ರೈಡರ್ ತಂಡ: ಸಿನಿಮಾದ ಜತೆಗೆ ಕ್ರಿಕೆಟ್ನನಲ್ಲೂ ಆಸಕ್ತಿ ಹೊಂದಿರುವ ಶಾರುಖ್, ಐಪಿಎಲ್ನಲ್ಲಿ ಕೋಲ್ಕತ್ತ ನೈಟ್ ರೈಡರ್ನ ಮಾಲೀಕರಾಗಿದ್ದಾರೆ. ಇದರಲ್ಲಿ ಶೇ. 55 ರಷ್ಟು ಶೇರುಗಳು ಶಾರುಖ್ ಹೆಸರಿನಲ್ಲಿವೆ. 2019ರಲ್ಲಿಯೇ ಈ ತಂಡದ ಒಟ್ಟು ಮೌಲ್ಯ 630 ಕೋಟಿ.