ನಾಸಿಕ್: ಮಹಾರಾಷ್ಟ್ರದ ಮಾಲೆಗಾಂವ್ನ ಮಾಜಿ ಮೇಯರ್ ಹಾಗೂ ಎಂಐಎಂ ಮುಖಂಡ ಅಬ್ದುಲ್ ಮಲಿಕ್ ಮುಹಮ್ಮದ್ ಯೂನಸ್ ಮೇಲೆ ಅಪರಿಚಿತರು ಗುಂಡಿನ ದಾಳಿ ನಡೆಸಿದ್ದಾರೆ. ಕೂಡಲೇ ಸ್ಥಳೀಯರು ಅವರನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ.
ಇದನ್ನೂ ಓದಿ: ರೇವ್ ಪಾರ್ಟಿ..ಮುಂದುವರಿದ ಹೇಮಾ ನಾಟಕ..!
ಗುಂಡಿನ ದಾಳಿ ಕುರಿತು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಲಾಗುತ್ತಿದೆ ಎಂದು ಮಾಲೆಗಾಂವ್ ನಗರ ಪೊಲೀಸರು ತಿಳಿಸಿದ್ದಾರೆ. ಶನಿವಾರ ಮಧ್ಯಾಹ್ನ 1.20ರ ಸುಮಾರಿಗೆ ಓಲ್ಡ್ ಆಗ್ರಾ ರಸ್ತೆಯಲ್ಲಿರುವ ತನ್ನ ಅಂಗಡಿಯ ಹೊರಗೆ ಕುಳಿತಿದ್ದ ಅಬ್ದುಲ್ ಮಲಿಕ್ ಮೇಲೆ ಅಪರಿಚಿತರು ಮೂರು ಸುತ್ತು ಗುಂಡು ಹಾರಿಸಿದ್ದಾರೆ ಎಂದು ಅವರು ಹೇಳಿದರು.
ಈ ಘಟನೆಯಲ್ಲಿ ಅವರ ಎದೆ, ಎಡಭಾಗ ಮತ್ತು ಬಲಗೈಗೆ ಗಂಭೀರ ಗಾಯಗಳಾಗಿವೆ. ಈ ಹಿಂದೆ ಅಬ್ದುಲ್ ಮಲಿಕ್ ಹೈದರಾಬಾದ್ ಮೂಲದ ಎಂಐಎಂ ಪಕ್ಷದ ಪರವಾಗಿ ಮಾಲೆಗಾಂವ್ ನಗರ ವಿಭಾಗದಿಂದ ಕಾರ್ಪೊರೇಟರ್ ಆಗಿ ಗೆದ್ದಿದ್ದರು. ನಂತರ ಅವರು ಆ ನಗರದ ಮೇಯರ್ ಆಗಿ ಕೆಲಸ ಮಾಡಿದ್ದರು. ಆದರೆ, ಅಬ್ದುಲ್ ಮಲಿಕ್ ಎಂಐಎಂ ಪಕ್ಷದ ಅಧ್ಯಕ್ಷ ಅಸಾದುದ್ದೀನ್ ಓವೈಸಿ ಅವರೊಂದಿಗೆ ನಿಕಟ ಸಂಬಂಧ ಹೊಂದಿದ್ದಾರೆ ಎಂದು ಮಾಲೆಗಾಂವ್ನ ಪಕ್ಷದ ಮೂಲಗಳು ಸ್ಪಷ್ಟಪಡಿಸಿವೆ.