ಬೆಂಗಳೂರು: ಮಂಸೋರೆ ನಿರ್ದೇಶನದ ‘ಆಕ್ಟ್ 1978’ ಚಿತ್ರವು ಇಂದು ರಾಜ್ಯಾದ್ಯಂತ 100ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಪ್ರದರ್ಶನಗೊಂಡಿವೆ. ಕರೊನಾ ಭಯದಿಂದ ಪ್ರೇಕ್ಷಕರ ಸಂಖ್ಯೆ ಕಡಿಮೆಯಿದ್ದರೂ, ಚಿತ್ರ ನೋಡಿದವರೆಗಲ್ಲಾ ಒಳ್ಳೆಯ ಮಾತುಗಳನ್ನಾಡುತ್ತಿದ್ದಾರೆ.
ಇದನ್ನೂ ಓದಿ: ಗ್ಲಾಮರ್ ಮರದ ಹಕ್ಕಿ ನಾನಲ್ಲ – ಇಂದು ‘ಆಕ್ಟ್ 1978’ ಚಿತ್ರ ಬಿಡುಗಡೆ
ವಿಶೇಷವೆಂದರೆ, ಚಿತ್ರದ ಕುರಿತಾಗಿ ‘ಕಿಚ್ಚ’ ಸುದೀಪ್ ಗುರುವಾರವಷ್ಟೇ ಮೆಚ್ಚಿ ಮಾತನಾಡಿದ್ದರು. ಇದೀಗ ಕನ್ನಡ ಚಿತ್ರರಂಗದ ಇನ್ನಷ್ಟು ಸ್ಟಾರ್ ನಟರು ಚಿತ್ರ ನೋಡುವುದಕ್ಕೆ ಸಜ್ಜಾಗುತ್ತಿದ್ದಾರೆ.
ಕೆಲವು ದಿನಗಳ ಹಿಂದೆಯೇ ವಿಶೇಷ ಪ್ರದರ್ಶನವೊಂದರಲ್ಲಿ ಸುದೀಪ್ ಚಿತ್ರವನ್ನು ನೋಡಿ ಬಹಳ ಮೆಚ್ಚಿಕೊಂಡಿದ್ದರಂತೆ. ಆದರೆ, ಅವರು ಈ ಬಗ್ಗೆ ಎಲ್ಲೂ ಮಾತನಾಡಿರಲಿಲ್ಲ. ಅಂತಿಮವಾಗಿ ಚಿತ್ರ ಬಿಡುಗಡೆಗೆ ಇನ್ನು ಕೆಲವೇ ಗಂಟೆಗಳಿವೆ ಎನ್ನುವಾಗ ಅವರು ಚಿತ್ರದ ಬಗ್ಗೆ ಮೆಚ್ಚಿ ಮಾತನಾಡಿದ್ದರು.
ಸುದೀಪ್ ನಂತರ ಇಂದು ‘ದುನಿಯಾ’ ವಿಜಯ್ ಚಿತ್ರ ನೋಡುವುದಕ್ಕೆ ಸಜ್ಜಾಗುತ್ತಿದ್ದಾರೆ. ಇಂದು ಸಂಜೆ 6.30ಕ್ಕೆ ವಿಜಯ್ ಅವರು ಚಿಕ್ಕಕಲ್ಲಸಂದ್ರದ ಬಾಲಾಜಿ ಚಿತ್ರಮಂದಿರದಲ್ಲಿ ಚಿತ್ರವನ್ನು ವೀಕ್ಷಿಸಲಿದ್ದಾರೆ. ವಿಜಯ್ ನಂತರ ಇನ್ನೊಂದೆರೆಡು ದಿನಗಳಲ್ಲಿ ಶ್ರೀಮುರಳಿ, ಸತೀಶ್ ನೀನಾಸಂ ಮುಂತಾದವರು ಸಹ ಚಿತ್ರವನ್ನು ನೋಡುವ ಸಾಧ್ಯತೆ ಇದೆ.
ಇದನ್ನೂ ಓದಿ: ಶಿವಪ್ಪನಾದ ಶಿವಣ್ಣ – ತಮಿಳು ನಿರ್ದೇಶಕನ ಕನ್ನಡ ಸಿನಿಮಾ
ಇನ್ನು ಚಿತ್ರವು ಬರೀ ಕರ್ನಾಟಕವಷ್ಟೇ ಅಲ್ಲ, ತಮಿಳುನಾಡಿನಲ್ಲೂ ಬಿಡುಗಡೆಯಾಗಿದೆ. ಚಿತ್ರದ ನಿರ್ಮಾಣದಲ್ಲಿ ತೊಡಗಿಸಿಕೊಂಡಿದ್ದ ವೀರೇಂದ್ರ ಮಲ್ಲಣ್ಣ ಹೇಳುವಂತೆ, ಚಿತ್ರವು ಇಂದು ಚೆನ್ನೈನ ಎಸ್.ಪಿ.ಐ ಸಿನಿಮಾಸ್ನ ಒಂದು ಪರದೆಯಲ್ಲಿ ಬಿಡುಗಡೆಯಾಗಿದೆ.