ದುಬೈ: ದಕ್ಷಿಣ ಆಫ್ರಿಕಾದ ಕ್ರಿಕೆಟಿಗರಾದ ಫಾಫ್ ಡು ಪ್ಲೆಸಿಸ್, ಲುಂಗಿ ಎನ್ಗಿಡಿ ಹಾಗೂ ಕಗಿಸೊ ರಬಾಡ ಮಂಗಳವಾರ ಬೆಳಗಿನ ಜಾವ ದುಬೈಗೆ ಬಂದಿಳಿದರು. ಸೆ.19 ರಿಂದ ಆರಂಭವಾಗಲಿರುವ 13ನೇ ಆವೃತ್ತಿಯ ಐಪಿಎಲ್ನ ವಿವಿಧ ತಂಡಗಳ ಪರ ಮೂವರು ಕಣಕ್ಕಿಳಿಯಲಿದ್ದಾರೆ. ಕರೊನಾ ವೈರಸ್ ಭೀತಿಯಿಂದ ಭಾರತದಿಂದ ಅರಬ್ ರಾಷ್ಟ್ರಕ್ಕೆ ಐಪಿಎಲ್ ಸ್ಥಳಾಂತರಗೊಂಡಿದೆ. ದಕ್ಷಿಣ ಆಫ್ರಿಕಾ ತಂಡದ ಮಾಜಿ ನಾಯಕನಾಗಿರುವ ಪ್ಲೆಸಿಸ್ ಹಾಗೂ ವೇಗಿ ಎನ್ಗಿಡಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಸೇರ್ಪಡೆಗೊಂಡರೆ, ರಬಾಡ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಕೂಡಿಕೊಂಡರು.
ಇದನ್ನೂ ಓದಿ: ‘ಮಹೇಂದ್ರ ಸಿಂಗ್ ಧೋನಿ ಕ್ರಿಕೆಟ್ನ ಯೋಗಿ…ನಾನು ಅವರ ಅಭಿಮಾನಿ’
ಸಿಎಸ್ಕೆ ಹಾಗು ಡೆಲ್ಲಿ ತಂಡಗಳ ಅಧಿಕೃತ ಟ್ವಿಟರ್ ಪುಟದಲ್ಲಿ ಆಟಗಾರರು ದುಬೈಗೆ ಬಂದಿರುವ ಫೋಟೋಗಳನ್ನು ಪ್ರಕಟಿಸಲಾಗಿದೆ. ಮೂವರು ಆಟಗಾರರು 6 ದಿನಗಳ ಕಾಲ ಕ್ವಾರಂಟೈನ್ಗೆ ಒಳಗಾಗಲಿದ್ದಾರೆ. ಬಳಿಕ ಕರೊನಾ ಪರೀಕ್ಷೆ ಮುಕ್ತಾಯದ ಬಳಿಕ ಬಯೊ ಬಬಲ್ಗೆ ಪ್ರವೇಶ ಪಡೆದು ತರಬೇತಿ ಆರಂಭಿಸಲಿದ್ದಾರೆ. ಭಾರತದ ಎಲ್ಲ ಆಟಗಾರರು 6 ದಿನಗಳ ಕ್ವಾರಂಟೈನ್ ಮುಗಿಸಿ ಅಭ್ಯಾಸ ಆರಂಭಿಸಿದ್ದಾರೆ. ಆದರೆ, ಸಿಎಸ್ಕೆ ತಂಡದಲ್ಲಿ 2 ಆಟಗಾರರು ಸೇರಿದಂತೆ 13 ಮಂದಿಗೆ ಕರೊನಾ ಪಾಸಿಟಿವ್ ಕಾಣಿಸಿಕೊಂಡಿದ್ದು, ಸದ್ಯ ಐಸೋಲೇಷನ್ನಲ್ಲಿದ್ದಾರೆ. ಇದೀಗ ಮೊದಲ ವರದಿಯಲ್ಲಿ ನೆಗೆಟಿವ್ ಬಂದಿದ್ದು, ಎರಡನೇ ವರದಿಯಲ್ಲೂ ನೆಗೆಟಿವ್ ಬಂದರೂ ಬಯೊ ಬಬಲ್ ವ್ಯಾಪ್ತಿಗೆ ಬರಲಿದ್ದಾರೆ.
ಇದನ್ನೂ ಓದಿ: ‘ಅಂದು ಏನು ನಡೆಯಿತೋ..ಅದು ಭಯಾನಕತೆಯನ್ನೂ ಮೀರಿದ್ದು…’ ಸುರೇಶ್ ರೈನಾ ಟ್ವೀಟ್
ಸೆ.19 ರಿಂದ ನ.10 ರವರೆಗೆ 13ನೇ ಆವೃತ್ತಿಯ ಐಪಿಎಲ್ ಟೂರ್ನಿ ನಡೆಯಲಿದೆ. ತಂಡಗಳು ಈಗಾಗಲೇ ಅಭ್ಯಾಸ ಆರಂಭಿಸಿವೆ. ಇಂಗ್ಲೆಂಡ್ ಪ್ರವಾಸದಲ್ಲಿರುವ ಕೆಲ ಆಸ್ಟ್ರೆಲಿಯಾ ಆಟಗಾರರು ಸರಣಿ ಮುಕ್ತಾಯಗೊಂಡ ಬಳಿಕ ಯುಇಎಗೆ ಬರಲಿದ್ದಾರೆ.
VIDEO: ಆಟಗಾರರು ಸಮಯ ಕಳೆಯಲು ವಿಶೇಷ ಕೊಠಡಿ ನಿರ್ಮಿಸಿದ ಮುಂಬೈ ಇಂಡಿಯನ್ಸ್..!