ಮುಂಬೈ: ಬಾಲಿವುಡ್ ಸೂಪರ್ಸ್ಟಾರ್ ಶಾರುಖ್ ಖಾನ್ ಓರ್ವ ಉತ್ತಮ ನಟ ಮಾತ್ರವಲ್ಲ ಫ್ಯಾಮಿಲಿ ಮ್ಯಾನ್ ಕೂಡ ಹೌದು. ಸಮಯ ಸಿಕ್ಕಾಗಲೆಲ್ಲ ಕುಟುಂಬದ ಜತೆ ಹೆಚ್ಚು ಸಮಯ ಕಳೆಯುವ ಶಾರುಖ್, ಆದರ್ಶ ಗಂಡ ಮಾತ್ರವಲ್ಲದೆ ಒಳ್ಳೆಯ ತಂದೆಯೂ ಕೂಡ. ಮಕ್ಕಳೆಂದರೆ ಶಾರುಖ್ಗೆ ತುಂಬಾ ಪ್ರೀತಿ. ಅದರಲ್ಲೂ ತಮ್ಮ ಮಗಳು ಸುಹಾನಾ ಖಾನ್ ಅಂದರೆ ಪಂಚ ಪ್ರಾಣ.
ತಂದೆ-ಮಗಳು ಇಬ್ಬರು ಆಗಾಗ ಒಟ್ಟಿಗೆ ಕಾಣಿಸಿಕೊಳ್ಳುತ್ತಲೇ ಇರುತ್ತಾರೆ. ಮಗಳ ಬಗ್ಗೆ ತುಂಬಾ ಕಾಳಜಿ ವಹಿಸುವ ಶಾರುಖ್, ತನ್ನ ಮಗಳನ್ನು ಡೇಟ್ ಮಾಡುವ ಅಥವಾ ಪ್ರೀತಿಸುವ ವ್ಯಕ್ತಿಗೆ 7 ಷರತ್ತುಗಳನ್ನು ಹಾಕಿದ್ದಾರೆ. ಈ 7 ನಿಯಮಗಳನ್ನು ಪಾಲಿಸಿದ್ರೆ ಮಾತ್ರ ಸುಹಾನಾ ಜತೆ ಡೇಟಿಂಗ್ ಮಾಡಬಹುದು ಎಂದು ಶಾರುಖ್ ಹೇಳಿದ್ದಾರೆ.
ಅಂದಹಾಗೆ ಸುಹಾನಾಗೆ ಈಗ 24 ವರ್ಷ. ಮೇ 22ರಂದು 24ನೇ ವರ್ಷದ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾರೆ. ಇದರ ನಡುವೆ ಫೆಮಿನಾ ಮ್ಯಾಗಜಿನ್ಗೆ ನೀಡಿದ್ದ ಹಳೆಯ ಸಂದರ್ಶನ ಮತ್ತೆ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ. ಈ ಸಂದರ್ಶನದಲ್ಲಿ ಶಾರುಖ್, ತಮ್ಮ ಮಗಳ ಭವಿಷ್ಯದ ಬಾಯ್ಫ್ರೆಂಡ್ಗೆ 7 ಷರತ್ತುಗಳನ್ನು ಹಾಕಿದ್ದರು.
ಸುಹಾನಾ ಅವರ ಬಾಯ್ಫ್ರೆಂಡ್ ಆಗಲು ಶಾರುಖ್ ಹಾಕಿದ 7 ನಿಯಮಗಳು ಈ ಕೆಳಕಂಡಂತಿವೆ:
1. ಉದ್ಯೋಗ: ಶಾರುಖ್ ಅವರು ಮಹತ್ವಾಕಾಂಕ್ಷೆಯ ವ್ಯಕ್ತಿತ್ವವನ್ನು ಗೌರವಿಸುತ್ತಾರೆ. ಸುಹಾನಾಳ ಬಾಯ್ಫ್ರೆಂಡ್ ಸ್ಪಷ್ಟ ಗುರಿಗಳನ್ನು ಹೊಂದಲು ಮತ್ತು ಅವರ ವೈಯಕ್ತಿಕ ಬೆಳವಣಿಗೆಗೆ ಬದ್ಧರಾಗಿರುವುದನ್ನು ನಿರೀಕ್ಷಿಸುತ್ತಾರೆ. ಹೀಗಾಗಿ ಆಕೆಯ ಬಾಯ್ಫ್ರೆಂಡ್ ಒಳ್ಳೆಯ ಉದ್ಯೋಗದಲ್ಲಿ ಇರಬೇಕು.
2. ನಾನು ನಿನ್ನನ್ನು ಇಷ್ಟಪಡುವುದಿಲ್ಲ ಎಂದು ಅರ್ಥಮಾಡಿಕೊಳ್ಳಬೇಕು: ಕುಟುಂಬದಲ್ಲಿ ತನ್ನದೇ ಆದ ಸ್ಥಾನವನ್ನು ಕಲ್ಪಿಸುವುದು ಮತ್ತು ಕುಟುಂಬದ ಮಹತ್ವವನ್ನು ಸುಹಾನಾ ಬಾಯ್ಫ್ರೆಂಡ್ ಅರ್ಥಮಾಡಿಕೊಂಡಿರಬೇಕು.
3. ನಾನು ಎಲ್ಲೆಡೆ ಇದ್ದೇನೆ: ಎಸ್ಆರ್ಕೆ ಧೈರ್ಯವನ್ನು ನಂಬುತ್ತಾರೆ ಮತ್ತು ಸುಹಾನಾಳ ಗೆಳೆಯನು ದಯೆ ಮತ್ತು ಸೌಜನ್ಯವನ್ನು ಪ್ರದರ್ಶಿಸುವ ಸಂಭಾವಿತ ವ್ಯಕ್ತಿಯಾಗಬೇಕೆಂದು ನಿರೀಕ್ಷಿಸುತ್ತಾರೆ.
4. ಜತೆಯಲ್ಲಿ ವಕೀಲನಿರಬೇಕು: ತಿಳುವಳಿಕೆ ಮತ್ತು ಪರಸ್ಪರ ಗೌರವವು ಯಾವುದೇ ಸಂಬಂಧದ ತಿರುಳಾಗಿದೆ. ಇದಕ್ಕೆ ವಿರುದ್ಧವಾಗಿ ನಡೆದರೆ ಏನು ಬೇಕಾದರೂ ನಡೆಯಬಹುದು ಮತ್ತು ನ್ಯಾಯಾಲಯದ ಕಟಕಟೆಯನ್ನು ಸಹ ಏರಬೇಕಾಗುತ್ತದೆ ಎನ್ನುವ ಮೂಲಕ ಹಾಸ್ಯಚಟಾಕಿ ಹಾರಿಸಿದ್ದಾರೆ.
5. ಆಕೆ ನನ್ನ ರಾಜಕುಮಾರಿ, ನಿನ್ನ ವಶವಲ್ಲ: ಸುಹಾನಾಳನ್ನು ಗೌರವಿಸುವ ಮತ್ತು ಎಲ್ಲಾ ಸಮಯದಲ್ಲೂ ಆಕೆಯನ್ನು ಅತ್ಯಂತ ಘನತೆಯಿಂದ ನಡೆಸಿಕೊಳ್ಳುವ ಮಹತ್ವವನ್ನು ಶಾರುಖ್ ಒತ್ತಿ ಹೇಳಿದ್ದಾರೆ.
6. ಜೈಲಿಗೆ ಹೋಗುವುದಕ್ಕೂ ಹಿಂಜರಿಯಲ್ಲ: ತನ್ನ ಮಗಳೊಂದಿಗಿನ ಎಲ್ಲ ವ್ಯವಹಾರಗಳಲ್ಲಿಯೂ ಆಕೆಯ ಬಾಯ್ಫ್ರೆಂಡ್ನಿಂದ ಪಾರದರ್ಶಕತೆಯನ್ನು ಶಾರುಖ್ ನಿರೀಕ್ಷಿಸುತ್ತಾರೆ. ಸುಹಾನಾಗೆ ನೋವು ಮಾಡಿದ್ದಲ್ಲಿ ಪರಿಣಾಮ ಎದುರಿಸಬೇಕಾಗುತ್ತದೆ ಮತ್ತು ಜೈಲಿಗೂ ಹೋಗಲು ಸಿದ್ಧ ಎಂದು ಶಾರುಖ್ ಹೇಳಿದ್ದಾರೆ.
7. ನೀನು ಅವಳಿಗೆ ಏನೇ ಮಾಡಿದರೂ ನಾನು ನಿನಗೆ ಅದನ್ನೇ ಮಾಡುತ್ತೇನೆ: ಇದರ ಅರ್ಥವೇನೆಂದರೆ, ಶಾರೀರಿಕ ಅಥವಾ ಭಾವನಾತ್ಮಕವಾಗಿ ಯಾವುದೇ ರೀತಿಯ ಹಾನಿಯನ್ನು ಕಟ್ಟುನಿಟ್ಟಾಗಿ ನಿಷೇಧಿಸಲಾಗಿದೆ ಎಂಬುದಾಗಿದೆ. ಮಗಳಿಗೆ ಏನೇ ತೊಂದರೆಯಾದರೂ ಅದು ನಿನಗೂ ಆಗುತ್ತದೆ ಎಂಬುದನ್ನು ಶಾರುಖ್ ನಿಯಮವಾಗಿದೆ.
ಈ ಎಲ್ಲ ನಿಯಮಗಳು ಸುಹಾನಾ ಕಡೆಗೆ ಶಾರುಖ್ ಅವರ ಕಾಳಜಿ ಮತ್ತು ರಕ್ಷಣಾತ್ಮಕ ಸ್ವಭಾವವನ್ನು ಪ್ರತಿಬಿಂಬಿಸುತ್ತವೆ. ಆಕೆ ಗೌರವ, ಪ್ರಾಮಾಣಿಕತೆ ಮತ್ತು ನಿಜವಾದ ಪ್ರೀತಿಯನ್ನು ಹೊಂದಬೇಕೆಂಬುದನ್ನು ಇದು ಖಚಿತಪಡಿಸುತ್ತದೆ. ಆದರೆ, ಇಷ್ಟೊಂದು ನಿಯಮಗಳನ್ನು ನೋಡಿ ಸುಹಾನಾಳ ಬಾಯ್ಫ್ರೆಂಡ್ ಕತೆ ಅಷ್ಟೇ ಎಂದು ಟ್ರೋಲ್ ಮಾಡುತ್ತಿದ್ದಾರೆ.
ಸಿನಿಮಾ ವಿಚಾರಕ್ಕೆ ಬಂದರೆ, ತಂದೆ-ಮಗಳ ಜೋಡಿಯು ಮುಂದಿನ ಆಕ್ಷನ್ ಥ್ರಿಲ್ಲರ್ ಚಲನಚಿತ್ರದಲ್ಲಿ ಕಾಣಿಸಿಕೊಳ್ಳಲಿದೆ. ಈ ಸಿನಿಮಾಗೆ ದಿ ಕಿಂಗ್ ಎಂದು ಹೆಸರಿಸಲಾಗಿದೆ. ಇದನ್ನು ಸುಜೋಯ್ ಘೋಷ್ ನಿರ್ದೇಶಿಸಲಿದ್ದಾರೆ. ವರದಿಗಳ ಪ್ರಕಾರ ಚಿತ್ರದ ಬಜೆಟ್ 200 ಕೋಟಿ. (ಏಜೆನ್ಸೀಸ್)
RCB ಫ್ಯಾನ್ಸ್ ಅಹಂಕಾರವೇ ಸೋಲಿಗೆ ಕಾರಣ, ಬಾಯಿ ಮುಚ್ಕೊಂಡಿದ್ರೆ ಒಳ್ಳೆಯದು ಅಂದ್ರು ಮಾಜಿ ಸ್ಟಾರ್ ಕ್ರಿಕೆಟಿಗ!
ಇದೇ ಮೊದಲ ಬಾರಿಗೆ ತಮ್ಮ ಲವ್ ಸ್ಟೋರಿ ಹೇಳಿದ್ರು ಸಿಎಂ ಸಿದ್ದು: ಈ ಕಾರಣಕ್ಕೆ ಲವ್ ಫೇಲ್ಯೂರ್ ಆಯ್ತಂತೆ!