ಅಬುಧಾಬಿ: ಅನುಭವಿ ಎಡಗೈ ಆರಂಭಿಕ ಶಿಖರ್ ಧವನ್ (78 ರನ್, 50 ಎಸೆತ, 6 ಬೌಂಡರಿ, 2 ಸಿಕ್ಸರ್) ಹಾಗೂ ವೇಗಿಗಳಾದ ಕಗಿಸೊ ರಬಾಡ (29ಕ್ಕೆ 4), ಮಾರ್ಕಸ್ ಸ್ಟೋಯಿನಿಸ್ (26ಕ್ಕೆ 3) ಮಾರಕ ದಾಳಿ ನೆರವಿನಿಂದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಐಪಿಎಲ್-13ರಲ್ಲಿ ಎರಡನೇ ತಂಡವಾಗಿ ಫೈನಲ್ ಪ್ರವೇಶಿಸಿತು. ಶೇಖ್ ಜಯೇದ್ ಸ್ಟೇಡಿಯಂನಲ್ಲಿ ಭಾನುವಾರ ನಡೆದ ಪಂದ್ಯದಲ್ಲಿ 2016ರ ಚಾಂಪಿಯನ್ ಸನ್ರೈಸರ್ಸ್ ತಂಡವನ್ನು 17 ರನ್ಗಳಿಂದ ಮಣಿಸುವ ಮೂಲಕ ಡೆಲ್ಲಿ ತಂಡ ಐಪಿಎಲ್ ಇತಿಹಾಸದಲ್ಲಿ ಮೊಟ್ಟಮೊದಲ ಬಾರಿಗೆ ಪ್ರಶಸ್ತಿ ಸುತ್ತಿಗೆ ಪ್ರವೇಶಿಸಿತು.
ಟಾಸ್ ಜಯಿಸಿ ಮೊದಲು ಬ್ಯಾಟಿಂಗ್ ಮಾಡಿದ ಡೆಲ್ಲಿ ತಂಡ 3 ವಿಕೆಟ್ಗೆ 189 ರನ್ ಕಲೆಹಾಕಿತು. ಪ್ರತಿಯಾಗಿ ಸನ್ರೈಸರ್ಸ್ ತಂಡ ಕೇನ್ ವಿಲಿಯಮ್ಸನ್ (67ರನ್, 45 ಎಸೆತ, 5 ಬೌಂಡರಿ, 4 ಸಿಕ್ಸರ್) ಹಾಗೂ ಅಬ್ದುಲ್ ಸಮದ್ (33 ರನ್, 16 ಎಸೆತ, 2 ಬೌಂಡರಿ, 2 ಸಿಕ್ಸರ್) ಜೋಡಿಯ ಪ್ರತಿಹೋರಾಟದ ನಡುವೆಯೂ 8 ವಿಕೆಟ್ಗೆ 172 ಮೊತ್ತ ಕಲೆಹಾಕಲಷ್ಟೇ ಶಕ್ತವಾಯಿತು. ಇದರೊಂದಿಗೆ ಈಗ ಚಾಲ್ತಿಯಲ್ಲಿರುವ ಎಲ್ಲ ಐಪಿಎಲ್ ತಂಡಗಳು ಫೈನಲ್ಗೇರಿದಂತಾಗಿದೆ. ಡೆಲ್ಲಿ ಐಪಿಎಲ್ನಲ್ಲಿ ಫೈನಲ್ಗೇರಿದ ಒಟ್ಟಾರೆ 10ನೇ ತಂಡವಾಗಿದೆ.
D̶e̶l̶h̶i̶ ̶C̶a̶p̶i̶t̶a̶l̶s̶ ̶h̶a̶v̶e̶ ̶n̶e̶v̶e̶r̶ ̶m̶a̶d̶e̶ ̶i̶t̶ ̶t̶o̶ ̶a̶n̶ ̶I̶P̶L̶ ̶F̶i̶n̶a̶l̶ #DCvSRH #Dream11IPL #YehHaiNayiDilli pic.twitter.com/Gg7Cre6hbB
— Delhi Capitals (Tweeting from 🇦🇪) (@DelhiCapitals) November 8, 2020
Here it is! @DelhiCapitals win by 17 runs and march into the finals of #Dream11IPL 2020. pic.twitter.com/RRL8Ez8x1h
— IndianPremierLeague (@IPL) November 8, 2020