ಮುಂಬೈ: ಶಾರುಖ್ ಖಾನ್ ನಟನೆಯ ಪಠಾನ್ ಸಿನಿಮಾ ಅನೇಕ ಸಂಗತಿಗಳಿಗೆ ಸುದ್ದಿಯಲ್ಲಿದೆ. ಈಗ ಆ ಪಟ್ಟಿಗೆ ಮತ್ತೊಂದು ಸೇರ್ಪಡೆ ಆಗಿದ್ದು ದೀಪಿಕಾ ಪಡುಕೋಣೆ ಕೇಸರಿ ಬಿಕಿನಿ ತೊಟ್ಟದ್ದು ವಿವಾದಕ್ಕೆ ಕಾರಣವಾಗಿದೆ.
ಯಶ್ ರಾಜ್ ಫಿಲಮ್ಸ್ ಸ್ಪೈ-ವರ್ಸ್, ಅಂದರೆ ಗೂಢಚಾರಿಗಳ ಹೊಸ ಜಗತ್ತನ್ನೇ ತಯಾರಿಸುತ್ತಿದ್ದೆ. ಅದರ ಭಾಗವಾಗಿ ಶಾರುಖ್ ಖಾನ್ ನಟನೆಯ ಪಠಾಣ್ ಚಿತ್ರದ ಬೇಷರಮ್ ಹಾಡು ಬಿಡುಗಡೆಯಾಗಿದೆ. ಅದರಲ್ಲಿ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಕೇಸರಿ ಬಣ್ಣದ ಬಿಕಿನಿ ಧರಿಸಿ ಮೈಮಾಟ ತೋರಿಸಿದ್ದಾರೆ.
ಇಡೀ ಹಾಡಿನಲ್ಲಿ ಕೇಸರಿ ಬಿಕಿನಿ ತೊಟ್ಟು ದೀಪಿಕಾ ಪಡುಕೋಣೆ ಮೈಮಾಟ ತೋರಿಸಿದ್ದಾರೆ. ಈ ಹಾಡನ್ನು ಅಸಭ್ಯ ಹಾಗೂ ಅಶ್ಲೀಲವಾಗಿದೆ ಎನ್ನುಚವ ಟೀಕೆ ಶುರುವಾಗಿದೆ. ಹೀಗಾಗಿ ಈಗ ಪಠಾಣ್ ಚಿತ್ರವನ್ನು ನಿಷೇಧಿಸಬೇಕು ಎನ್ನುವ ಕೂಗು ಕೂಡ ಎದ್ದಿದೆ. ಈಗ ಟ್ವಿಟರ್ನಲ್ಲಿ ‘Boycott Pathaan’ ಎನ್ನುವ ಹ್ಯಾಶ್ಟ್ಯಾಗ್ ಕೂಡ ಟ್ರೆಂಡಿಂಗ್ನಲ್ಲಿದೆ. (ಏಜೆನ್ಸೀಸ್)