ಏಪ್ರಿಲ್ 14ರ ನಂತರ ಲಾಕ್ಡೌನ್ ತೆರವು ಬಗ್ಗೆ ಖಚಿತ ಸುಳಿವು ಸಿಗದ ಹಿನ್ನೆಲೆ ಸರ್ಕಾರಿ ಸ್ವಾಮ್ಯದ ಏರ್ ಇಂಡಿಯಾ ಏಪ್ರಿಲ್ 30ರವರೆಗೆ ಬುಕಿಂಗ್ ಇಲ್ಲ ಎಂದು ಘೋಷಿಸಿದೆ.
ಖಾಸಗಿ ವಿಮಾನ ಯಾನ ಸಂಸ್ಥೆಗಳು ದೇಶೀಯವಾಗಿ ಏಪ್ರಿಲ್ 15ರ ನಂತರ ಪ್ರಯಾಣಕ್ಕೆ ಟಿಕೆಟ್ ಬುಕಿಂಗ್ಅನ್ನು ಈಗಾಗಲೇ ಆರಂಭಿಸಿವೆ. ಆದರೆ, ವಿಮಾನ ಹಾರಾಟದ ಬಗ್ಗೆ ಅಧಿಕೃತ ಹೇಳಿಕೆಯನ್ನು ಯಾವ ಸಂಸ್ಥೆಗಳು ಬಿಡುಗಡೆ ಮಾಡಿಲ್ಲ. ಇದೆಲ್ಲದರ ನಡುವೆ ಏರ್ ಇಂಡಿಯಾ ಸಂಸ್ಥೆ ಮಾತ್ರ ಏಪ್ರಿಲ್ 30ರವರೆಗೆ ಬುಕಿಂಗ್ ಇಲ್ಲ ಎಂದು ಸ್ಪಷ್ಟಪಡಿಸಿದೆ.
ಏಪ್ರಿಲ್ ಅಂತ್ಯದವರೆಗೆ ಟಿಕೆಟ್ ಬುಕಿಂಗ್ಗೆ ಅವಕಾಶ ನೀಡಬಾರದದೆಂದು ಸರ್ಕಾರವೇ ನಮಗೆ ನಿರ್ದೇಶನ ನೀಡಿದೆ. ಹೀಗಾಗಿ ಏಪ್ರಿಲ್ 30ರವರೆಗೆ ಟಿಕೆಟ್ ಬುಕಿಂಗ್ ಇಲ್ಲ ಎಂದು ಏರ್ ಇಂಡಿಯಾ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಹೀಗಾಗಿ ಲಾಕ್ಡೌನ್ ಅವಧಿ ಇನ್ನಷ್ಟು ದಿನಗಳವರೆಗೆ ಮುಂದುವರಿಯಲಿದೆಯೇ ಎಂಬ ಬಗ್ಗೆ ಅನುಮಾನಗಳು ವ್ಯಕ್ತವಾಗುತ್ತಿವೆ.
ಇದಲ್ಲದೇ, ಲಾಕ್ಡೌನ್ ಬಳಿಕ ರೈಲು ಪ್ರಯಾಣದ ವೇಳಾಪಟ್ಟಿ ಅಥವಾ ರೈಲು ಸಂಚಾರದ ಬಗ್ಗೆ ಯಾವುದೇ ಹೇಳಿಕೆಯನ್ನು ನೀಡಿಲ್ಲ ಎಂದು ರೈಲ್ವೆ ಇಲಾಖೆ ಕೂಡ ಸ್ಪಷ್ಟಪಡಿಸಿದೆ. ಈ ಎಲ್ಲ ಕಾರಣದಿಂದಾಗಿ ಲಾಕ್ಡೌನ್ ಅವಧಿ ಬಗ್ಗೆ ಮತ್ತಷ್ಟು ಗೊಂದಲಗಳು ಮೂಡುವಂತಾಗಿದೆ.
ಆರೋಗ್ಯಯುತ ಜನರು ಯಾವ ಮಾಸ್ಕ್ ಬಳಸಬೇಕು? ಸರ್ಕಾರದ ಸಲಹೆ ಪಾಲಿಸುವುದು ನಿಮ್ಮ ಆರೋಗ್ಯಕ್ಕೆ ಒಳಿತು
ಭಾನುವಾರ ಏಕತೆಯ ದೀಪ ಹಚ್ಚುವಾಗ ಫ್ಯಾನ್, ಫ್ರಿಜ್ ಅನ್ನು ಆಫ್ ಮಾಡಬಾರದು, ಏಕೆ ಗೊತ್ತಾ?