ಆರೋಗ್ಯಯುತ ಜನರು ಯಾವ ಮಾಸ್ಕ್​​ ಬಳಸಬೇಕು? ಸರ್ಕಾರದ ಸಲಹೆ ಪಾಲಿಸುವುದು ನಿಮ್ಮ ಆರೋಗ್ಯಕ್ಕೆ ಒಳಿತು

ನವದೆಹಲಿ: ಆರೋಗ್ಯಯುತ ಜನರು ಹೊರಗಡೆ ಹೋಗುವಾಗ ಒಳ್ಳೆಯ ನೈರ್ಮಲ್ಯಕ್ಕಾಗಿ ಮತ್ತು ಕರೊನಾ ಸಂದಿಗ್ಧ ಪರಿಸ್ಥಿತಿಯಲ್ಲಿ ತಮ್ಮ ಸಮುದಾಯ ರಕ್ಷಿಸಲು ಗೃಹ ತಯಾರಿಕೆಯ ಫೇಸ್​ ಮಾಸ್ಕ್​ಗಳನ್ನೇ ಬಳಸಿ ಎಂದು ಸರ್ಕಾರ ಶಿಫಾರಸು ಮಾಡಿದೆ.

ಇಂತಹ ಮಾಸ್ಕ್​ಗಳನ್ನು ತಯಾರಿಸಲು ಈಗಾಗಲೇ ಮಾರ್ಗಸೂಚಿಗಳನ್ನು ನೀಡಲಾಗಿದೆ. ಆದರೆ, ಆರೋಗ್ಯ ಸಿಬ್ಬಂದಿ ಮತ್ತು ಕರೊನಾ ಸೋಂಕಿತರ ಸಂಪರ್ಕದಲ್ಲಿರುವವರು ಮತ್ತು ಕರೊನಾ ಸೋಂಕಿತರು ಗೃಹ ತಯಾರಿಕೆಯ ಮಾಸ್ಕ್​ ಉಪಯೋಗಿಸಲು ಯಾವುದೇ ಶಿಫಾರಸು ಮಾಡಿಲ್ಲವೆಂದು ಸರ್ಕಾರ ಹೇಳಿದೆ.

ಸೋಂಕಿತರು ಹಾಗೂ ಸೋಂಕಿತರ ಸಂಪರ್ಕದಲ್ಲಿರುವವರು ಮತ್ತು ಆರೋಗ್ಯ ಸಿಬ್ಬಂದಿ ನಿರ್ದಿಷ್ಟಪಡಿಸಿದ ಪ್ರೊಟೆಕ್ಟಿವ್​ ಗೇರ್​ ಬಳಸಲು ಸರ್ಕಾರ ಸಲಹೆ ನೀಡಿದೆ.

ಗೃಹ ತಯಾರಿಕಾ ಮಾಸ್ಕ್​ ಬಳಸುವವರು ಅವುಗಳನ್ನು ಯಾರೊಂದಿಗೂ ಶೇರ್​ ಮಾಡಿಕೊಳ್ಳುವಂತಿಲ್ಲ. ಎರಡು ಮಾಸ್ಕ್​ಗಳನ್ನು ಬಳಸುವಂಥದ್ದು, ಒಂದನ್ನು ಶುಚಿಗೊಳಿಸುವಾಗ ಮತ್ತೊಂದನ್ನು ಉಪಯೋಗಿಸಬೇಕು. ಸೋಪು ಮತ್ತು ಬಿಸಿ ನೀರಿನಲ್ಲಿ ಶುಚಿಗೊಳಿಸಬೇಕು. ಮಾಸ್ಕ್​ ಬಳಸುವ ಮುನ್ನ ಬಳಕೆದಾರರು ತಮ್ಮ ಕೈಗಳನ್ನು ಖಂಡಿತವಾಗಿಯೂ ಶುಚಿಗೊಳಿಸಬೇಕೆಂದು ಸರ್ಕಾರ ಸಲಹಾ ಸಮಿತಿ ಹೇಳಿದೆ.

ಸೋಂಕಿತರ ರಕ್ಷಣೆಯಲ್ಲಿ ತೊಡಗಿರುವವರು ಮಾತ್ರ ಮಾಸ್ಕ್​ ಉಪಯೋಗಿಸಿ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ. ಡಬ್ಲ್ಯುಎಚ್​​ಒ ಪ್ರಕಾರ ಆರೋಗ್ಯಯುತರು ಮಾಸ್ಕ್​ ಬಳಸುವ ಅಗತ್ಯವಿಲ್ಲ. (ಏಜೆನ್ಸೀಸ್​)

https://www.vijayavani.net/two-terrorists-killed-in-kulgam/

https://www.vijayavani.net/15-indians-die-in-different-countries-highest-in-us/