ಬೆಂಗಳೂರು: ಸಾಮಾನ್ಯವಾಗಿ ಕಾಲೇಜಿಗೆ ಹೋಗುವಾಗ ಯುವ ಜನತೆ ಬಹಳ ಉತ್ಸುಕರಾಗಿರುತ್ತಾರೆ. ಕಾರು, ಬಟ್ಟೆ, ಬೈಕ್ ಬಗ್ಗೆ ಸಾಕಷ್ಟು ಕ್ರೇಜ್ ಇರುತ್ತದೆ. ಆದರೆ ಕೆನಡಾದಲ್ಲಿ ಕಾಲೇಜಿಗೆ ಹೋಗುವ ಹುಡುಗನೊಬ್ಬ ತನ್ನ ಕಾಲೇಜಿಗೆ ಬೈಕ್ ಅಥವಾ ಕಾರಿನಲ್ಲಿ ಅಲ್ಲ, ವಿಮಾನದಲ್ಲಿ ತೆರಳುತ್ತಾನೆ. ಸ್ಥಳೀಯ ಟಿವಿ ಚಾನೆಲ್ನವರು ಹುಡುಗ ಏಕೆ ಹೀಗೆ ಮಾಡುತ್ತಾನೆ ಎಂಬುದರ ಹಿಂದಿನ ಕಾರಣವನ್ನೂ ಕೇಳಿದ್ದು, ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಹುಡುಗ ವ್ಯಾಂಕೋವರ್ನಲ್ಲಿರುವ ಕಾಲೇಜಿನಲ್ಲಿ ಓದಲು ಕೆನಡಾದ ಕ್ಯಾಲ್ಗರಿಯಿಂದ ಹೋಗುತ್ತಾನೆ. ಅವನು ಕಾಲೇಜಿಗೆ ಹೋಗಲು ವಿಮಾನದಲ್ಲಿ ಪ್ರಯಾಣಿಸುತ್ತಾನೆ. ಈ ರೀತಿ ಮಾಡಲು ಹುಡುಗ ನೀಡಿದ ಕಾರಣವೆಂದರೆ ಅವನು ವಾರಕ್ಕೆ ಎರಡು ಬಾರಿ ಕಾಲೇಜಿಗೆ ಹೋಗಲು ಕ್ಯಾಲ್ಗರಿಯಿಂದ ವ್ಯಾಂಕೋವರ್ಗೆ ವಿಮಾನದಲ್ಲಿ ಹೋಗುತ್ತಾನೆ. ಪ್ರತಿ ರೌಂಡ್-ಟ್ರಿಪ್ ಫ್ಲೈಟ್ಗೆ ಸುಮಾರು $150 ವೆಚ್ಚವಾಗುತ್ತದೆ, ಇದು ತಿಂಗಳಿಗೆ ಸುಮಾರು $1200 (ಸುಮಾರು 1 ಲಕ್ಷ ರೂ.) ಆಗುತ್ತದೆ.
ಒಂದು ವೇಳೆ ವಿದ್ಯಾರ್ಥಿಯು ಈ ರೀತಿ ವಿಮಾನದಲ್ಲಿ ಓಡಾಡದೆ ವ್ಯಾಂಕೋವರ್ನಲ್ಲಿಯೇ ವಾಸಿಸುತ್ತಿದ್ದರೆ, ಅವನಿಗೆ ತಿಂಗಳಿಗೆ ಸುಮಾರು $ 2500 ಬಾಡಿಗೆಗೆ ಖರ್ಚು ಮಾಡಬೇಕಾಗುತ್ತದೆ. ಆದರೆ ವಿಮಾನದಲ್ಲಿ ಪ್ರಯಾಣಿಸಲು ಕೇವಲ 150 ಡಾಲರ್ಗಳು. ಅಂದರೆ ಬಾಡಿಗೆ ಮನೆಯಲ್ಲಿ ಉಳಿದುಕೊಳ್ಳುವ ವೆಚ್ಚದ ಅರ್ಧದಷ್ಟು. ಹಾಗಾಗಿ ಹಣವನ್ನು ಉಳಿಸಲು ಅವನು ಈ ರೀತಿ ಮಾಡುತ್ತಾನೆ.
A student from Canada gets to his studies by airplane to avoid rent pic.twitter.com/HsnuqGmnyx
— Historic Vids (@historyinmemes) February 21, 2024
@historyinmemes ಹೆಸರಿನ ಖಾತೆಯಲ್ಲಿ ಈ ವೈರಲ್ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ಈ ವಿಡಿಯೋವನ್ನು ಬರೆಯುವವರೆಗೆ, 66 ಮಿಲಿಯನ್ ಜನರು ಇದನ್ನು ವೀಕ್ಷಿಸಿದ್ದಾರೆ ಮತ್ತು 2.5 ಲಕ್ಷ ಜನರು ಅದನ್ನು ಲೈಕ್ ಮಾಡಿದ್ದಾರೆ. ವಿಡಿಯೋ ವೈರಲ್ ಆದ ತಕ್ಷಣ, ಜನರು ಅದಕ್ಕೆ ಕಾಮೆಂಟ್ ಮಾಡುವ ಮೂಲಕ ತಮ್ಮ ಪ್ರತಿಕ್ರಿಯೆಯನ್ನು ನೀಡುತ್ತಿರುವುದು ಕಂಡುಬಂದಿದೆ. ಬಹುತೇಕರು “ವಿದ್ಯಾರ್ಥಿಯ ಈ ನಿರ್ಧಾರ ಸರಿಯಾಗಿದೆ ಎಂದು ಹೇಳಿದರೆ, ಹಲವರು ಅವನ ನಿರ್ಧಾರವನ್ನು ಟೀಕಿಸಿದ್ದಾರೆ”.
ಅಂದಹಾಗೆ ಈ ಹುಡುಗನ ಐಡಿಯಾ ನಿಮಗೆ ಇಷ್ಟವಾಯಿತಾ? ಎಂಬುದನ್ನು ಕಾಮೆಂಟ್ ಮಾಡುವ ಮೂಲಕ ನಮಗೆ ತಿಳಿಸಿ.
ಇಡ್ಲಿ-ರಾಜ್ಮಾ ಪ್ರಕೃತಿಯ ವೈರಿಗಳಾದರೆ ಆಲೂ ಪರೋಟ ಉತ್ತಮವೇ…ಈ ಹೊಸ ಸಂಶೋಧನೆಯಿಂದ ಹೊರ ಬಂತು ಸೀಕ್ರೆಟ್!