ಇಡ್ಲಿ-ರಾಜ್ಮಾ ಪ್ರಕೃತಿಯ ವೈರಿಗಳಾದರೆ ಆಲೂ ಪರೋಟ ಉತ್ತಮವೇ…ಈ ಹೊಸ ಸಂಶೋಧನೆಯಿಂದ ಹೊರ ಬಂತು ಸೀಕ್ರೆಟ್!

ನವದೆಹಲಿ: ಭಾರತದ ಇಡ್ಲಿ, ಚನ್ನ ಮಸಾಲ, ರಾಜ್ಮಾ ಮತ್ತು ಚಿಕನ್ ಜಲ್ಫ್ರೇಜಿ...ಜೀವವೈವಿಧ್ಯಕ್ಕೆ ಹೆಚ್ಚು ಹಾನಿ ಮಾಡುವ ಟಾಪ್ 25 ಭಕ್ಷ್ಯಗಳಲ್ಲಿ ಸೇರಿಸಲಾಗಿದೆ. ಪ್ರಪಂಚದಾದ್ಯಂತ 151 ಜನಪ್ರಿಯ ಭಕ್ಷ್ಯಗಳ ಕುರಿತು ಅಧ್ಯಯನ ಮಾಡಿದ ನಂತರ ವಿಜ್ಞಾನಿಗಳು ಈ ತೀರ್ಮಾನಕ್ಕೆ ಬಂದಿದ್ದಾರೆ. ವಿಜ್ಞಾನಿಗಳ ಪ್ರಕಾರ, ಜೀವವೈವಿಧ್ಯಕ್ಕೆ ಹೆಚ್ಚು ಹಾನಿ ಮಾಡುವ ಭಕ್ಷ್ಯವೆಂದರೆ ಸ್ಪೇನ್‌ನ ಹುರಿದ ಕುರಿಮರಿ ರೆಸಿಪಿ ಲೆಚಾಜೊ.

ಲೆಚಾಜೊ ನಂತರ, ಬ್ರೆಜಿಲ್‌ನ ಮಾಂಸಾಹಾರಿ ಭಕ್ಷ್ಯಗಳು. ಇದರ ನಂತರ, ಇಡ್ಲಿ ಆರನೇ ಸ್ಥಾನದಲ್ಲಿ ಮತ್ತು ರಾಜ್ಮಾ ಏಳನೇ ಸ್ಥಾನದಲ್ಲಿದೆ. ಸಸ್ಯಾಹಾರಿ ಭಕ್ಷ್ಯಗಳು ಸಾಮಾನ್ಯವಾಗಿ ಮಾಂಸಾಹಾರಿ ಭಕ್ಷ್ಯಗಳಿಗಿಂತ ಕಡಿಮೆ ಅಪಾಯಕಾರಿ ಎಂದು ಸಂಶೋಧನೆ ತೋರಿಸಿದೆ. ಆದರೆ ಅಕ್ಕಿ ಮತ್ತು ಬೀನ್ಸ್ ಭಕ್ಷ್ಯಗಳು ಹೆಚ್ಚು ಅಪಾಯಕಾರಿಯಾಗಿರುವುದು ಆಶ್ಚರ್ಯಕರವಾಗಿದೆ ಎಂದು ವಿಜ್ಞಾನಿಗಳು ಹೇಳುತ್ತಾರೆ.

ಆಲೂ ಪರಾಠಕ್ಕಿಂತ ಇಡ್ಲಿ ಹೆಚ್ಚು ಹಾನಿಕಾರಕ! 

ಫ್ರೆಂಚ್ ಫ್ರೈ ಕಡಿಮೆ ಹಾನಿ ಮಾಡುವ ಭಕ್ಷ್ಯವಾಗಿದೆ ಎಂದು ಅಧ್ಯಯನವು ಕಂಡುಹಿಡಿದಿದೆ. ಭಾರತದ ಆಲೂ ಪರಾಠಾ 96ನೇ ಸ್ಥಾನದಲ್ಲಿದ್ದರೆ, ಇಡ್ಲಿ 103ನೇ ಸ್ಥಾನ ಹಾಗೂ ಬೋಂಡಾ 109ನೇ ಸ್ಥಾನದಲ್ಲಿದೆ. ಇದರ ಪ್ರಕಾರ, ಈ ಸಂಶೋಧನೆಯನ್ನು ಸರಿಯಾಗಿ ಪರಿಗಣಿಸಿದರೆ, ಆಲೂ ಪರಾಠಕ್ಕಿಂತ ಇಡ್ಲಿ ಪ್ರಕೃತಿಗೆ ಹೆಚ್ಚು ಹಾನಿಕಾರಕವಾಗಿದೆ. ಭಾರತದಲ್ಲಿ ಜೀವವೈವಿಧ್ಯದ ಮೇಲಿನ ಒತ್ತಡ ತುಂಬಾ ಹೆಚ್ಚಿರುವುದನ್ನು ಈ ಸಂಶೋಧನೆ ನಮಗೆ ನೆನಪಿಸುತ್ತದೆ ಎಂದು ಅಧ್ಯಯನ ಹೇಳುತ್ತದೆ.

ಸಂಶೋಧನೆಯ ನೇತೃತ್ವ ವಹಿಸಿರುವ ನ್ಯಾಷನಲ್ ಯೂನಿವರ್ಸಿಟಿ ಆಫ್ ಸಿಂಗಾಪುರದ ಜೈವಿಕ ವಿಜ್ಞಾನದ ಸಹ ಪ್ರಾಧ್ಯಾಪಕ ಲೂಯಿಸ್ ರೋಮನ್ ಕರಾಸ್ಕೊ, ಭಾರತದಲ್ಲಿ ಅಕ್ಕಿ ಮತ್ತು ಬೀನ್ಸ್‌ ಉಂಟು ಮಾಡುತ್ತಿರುವ ಪರಿಣಾಮವು ಆಶ್ಚರ್ಯಕರವಾಗಿದೆ ಎಂದು ಹೇಳಿದರು. ಆದರೆ ನೀವು ಅದನ್ನು ಅರ್ಥಮಾಡಿಕೊಂಡಾಗ, ಆಶ್ಚರ್ಯವು ಕೊನೆಗೊಳ್ಳುತ್ತದೆ ಎಂದರು. ವಿಜ್ಞಾನಿಗಳ ಪ್ರಕಾರ, ಆಹಾರದ ಆಯ್ಕೆಯು ಸಾಮಾನ್ಯವಾಗಿ ರುಚಿ, ಬೆಲೆ ಮತ್ತು ಆರೋಗ್ಯದಿಂದ ಪ್ರಭಾವಿತವಾಗಿರುತ್ತದೆ. ಭಕ್ಷ್ಯಗಳಿಗೆ ಜೀವವೈವಿಧ್ಯದ ಪ್ರಭಾವದ ಅಂಕಗಳನ್ನು ನಿಯೋಜಿಸುವ ಅಧ್ಯಯನಗಳು ಜನರು ತಮ್ಮ ಆಹಾರದ ಆಯ್ಕೆಗಳನ್ನು ಹೆಚ್ಚು ಪರಿಸರ ಸ್ನೇಹಿಯಾಗಿ ಮಾಡಲು ಸಹಾಯ ಮಾಡಬಹುದು ಎಂದು ತಿಳಿಸಿದರು.

ಒಂದು ನಿರ್ದಿಷ್ಟ ಖಾದ್ಯವನ್ನು ತಿನ್ನುವ ಮೂಲಕ ನಾವು ಎಷ್ಟು ಜಾತಿಗಳನ್ನು ವಿನಾಶದ ಅಂಚಿಗೆ ಕಳುಹಿಸುತ್ತಿದ್ದೇವೆ ಎಂಬ ಕಲ್ಪನೆಯನ್ನು ಜೀವವೈವಿಧ್ಯದ ಹೆಜ್ಜೆಗುರುತು ನೀಡುತ್ತದೆ ಎಂದು ಕರಾಸ್ಕೊ ಹೇಳುತ್ತಾರೆ.

https://www.vijayavani.net/idli-dosa-damage-to-biodiversity?fbclid=IwAR2rC3ji6gq4PuYvDvZAY-ZRm3dSVf8GmrxZIYiJo8NRogN8EIB878uRY_M

https://www.vijayavani.net/bollywood-cinema-flashback-story-of-star-actors