ಆರ್ಸಿಬಿ ತಂಡ 13 ಪಂದ್ಯಗಳಲ್ಲಿ 7 ಗೆಲುವು, 5 ಸೋಲಿನೊಂದಿಗೆ 14 ಅಂಕ ಕಲೆಹಾಕಿ (+0.180) ಸದ್ಯ 4ನೇ ಸ್ಥಾನದಲ್ಲಿದೆ. ಮುಂಬೈ ಇಷ್ಟೇ ಅಂಕ ಹೊಂದಿದ್ದರೂ, ರನ್ರೇಟ್ (-0.128) ಲೆಕ್ಕಾಚಾರದ ಹಿನ್ನಡೆಯಿಂದ ರಾಜಸ್ಥಾನ (+0.148) ನಂತರ ಆರನೇ ಸ್ಥಾನದಲ್ಲಿದೆ. ಸಿಎಸ್ಕೆ ತನ್ನ ಅಂತಿಮ ಲೀಗ್ ಪಂದ್ಯದಲ್ಲಿ ಗೆದ್ದು 17 ಅಂಕಗಳೊಂದಿಗೆ ಪ್ಲೇಆಫ್ ಸ್ಥಾನ ಖಚಿತಪಡಿಸಿಕೊಂಡಿರುವ ಕಾರಣ ಆರ್ಸಿಬಿಗೆ 2ನೇ ಸ್ಥಾನಕ್ಕೇರುವ ಅವಕಾಶ ತಪ್ಪಿದೆ. ಇನ್ನೀಗ ಎಲಿಮಿನೇಟರ್ ಪಂದ್ಯಕ್ಕೆ ಅರ್ಹತೆ ಪಡೆಯುವ ಅವಕಾಶ ಆರ್ಸಿಬಿ ಮುಂದಿದ್ದು, ಇದಕ್ಕಾಗಿ ಗುಜರಾತ್ ಟೈಟಾನ್ಸ್ ವಿರುದ್ಧ ಗೆದ್ದರೆ ಯಾವ ಲೆಕ್ಕಾಚಾರಕ್ಕೂ ಕಾಯದೆ ಸರಾಗವಾಗಿ ಪ್ಲೇಆಫ್ಗೆ ಏರಬಹುದಾಗಿದೆ.
